شوفي حبيبتي

انا اقدر اقول لك قهوتي لا يعلى عليها بشهادة الجميع ولا يهونن الحاضرات

انا اجيب

خيشة قهوة (هرري باشنفر)

خذي كميه بسيطه مقدار كوب حليب وحطيه بصحن ونقيه من اللي فيها نقطة سوداء ومن الحصى

وهكذا كوب ورا كوب معدل 10 اكواب

اذا عندك حماصه للبن حمصيه الحمصه الاولى كوبين تاخذ لها 25 دقيقه

وكملي على الباقي من 20 ال25 دقيقه

وبعدين اطحنيه جيبي ملعقتين ونص وحطيه في ابريق القهوه وحطي ماء مغلي مقدار ترمس القهوه

وخليها تغلي 20دقيقه بالظبط ونارها هاديه

حطي في الترمس ملعقه هيل والافضل تجيبين الهيل الهندي اي نوع تراه يجنن واحسن من الامريكي

بالطعم والريحه وانواعه كثيره منها جامبو وسوبرجامبو وروتانه تلاقينه في محلات البن والهيل

يجي بكيس له سحاب

وحطي شوي زعفران مطحون على الهيل وصبي القهوه على الهيل بصفايه


نفس طريقة الاخت أمل الصغيره
بس حمس القهوه في قدر عادي على نار هاااااااااديه
مع رج القدر كل دقيقتين او اقل لا تنحرق
تقريبا لمدة ثلث ساعه لين تشقر
دايم اصدقاء زوجي يخلون عليه القهوه ومهما كثرت تخلص
لان السر في الحمسه ونوعية القهوه والهيل
واجود الهيل تلقينه في الديره هندي
لون اكياسه برتقالي عليه صورة حرمه هنديه الخيشه ب300
والقهوه باشنفر

انا نفس طريقه امل الصغيره بس فيه سر صغير يخلي القهوه روعه وهي خلطه للقهوه تسمى بهارات القهوه وممكن تلاقينها عند العريني للتمور اخذ براس الملعقه الصغيره واحطها مع الترمس ونفس المقدار مع القهوه وهي تطبخ وشوي زعفران تطلع شقراء وطعمها جنان

اهلين اختي

انا تقريبا طريقتي نفس طريقة امل الصغيرة

بس احيانا نحط في الترمس شوي كوفي ميت

تطلع روووووعه ولونها اروع طبعا اذا كان الزعفران مطحون يبين لونها

والكل يمدح قهوتنا يعني جربي طريقة امل روعه

للرفع للفائده

شيخة القصمان

الخلطة هذي الاحظ مايعرفها الا اهل القصيم فقط,,او على الاقل هم اول من سواها وباعها .فانتشرت بالرياض وغيرها..الصراحة القصمان ماشالله عليهم

عموما بسال البنات
هل المستكة والاشنه لها تاثير بالطعم؟
وهل هم ينحطون على قهوتنا يا اهل نجد؟لان قهوة الجنوب والحجاز غيرنا
فحبيت احدد قهوة مين هذي اللي يضاف لها اشنه ومستكة