يا هلا مرحبا مرحبن بالجميع عند وبل سقى عند نبت الربيع
وشلونكم ويش اخباركن عقب عشاء الاستراحه عسى ما استنكرتوا الا العافيه
ووريتس يا رائعه اجل تقولين مسلسل مكسيكي خخخخخخخخخخخ
خلاص هالمره ابي اختصر بالحيل غديه يصير واشنطني ولا أي ولاية من ولايات
اللي يطير بهم قريح
بس ماش لو وافقت أنا ما وافق بلعومي
هههههههههههههههعند ي لكم موزووووووووع غريب واكيد انتم تبون تأيدون كلامي
ابد بقرقي يالله على بركة الله
أنا الحين استغرب من بعض الناس تلقون أخت واختها في بيت واحد وتحت سقف واحد
<<<< هايبر بنده على غفله خخخخخخخ
لا والله صحيح تلقينهن متزاعلات لهن مده وأحياناً تمتد هالمده لسنين اعوذ بالله
وكل وحده مازتن بوزه شبر
لا وجفونها طايره من الشر الله لايبلنا
أو تلقون أخت صار بينه وبين اخوها سوء تفاهم عاد تقوم الدنيا وماتقعدها
يأكلون ويشربون على سفره وحده هذا اذا كانوا الاهل مربينهم زين ومحسنين تربيتهم يأكل ويشر ب معها
ولافيه بعض الاخوان اذا كان مزاعل اخته ينسى شكلها من قل مايشوفها يتمنى لو ترسل له صورتها<< اما عاد خخخخخخخخخخخ
و تلقون البنت ما تقول السلام اذا كان اخوها موجود بالغرفه ياعيشتن قشرا على قولت غلووووو
ومنيله بستين نيله
وكل واحد منهم ينبسط ويتشقق اذا شاف زله على الثاني كلن يتصيد الفرصه
للفتنه والتشيش على بعضوين هم من قول الرسول عليه افضل الصلاة والسلام
((لا يحل لمؤمن ان يهجر اخاه فوق ثلاث))
والرسول صلى الله عليه وسلم يعرف ان ثلاث ليال كافيه لازالة الرواسب الموجوده بالنفوس
مهوب مثل ربعنا التالين يقعدون أيام وليالي وشهور ودهور
قالوا ايش قالوا كرامه امحق كرامه
الا والله مــــــــــلاغه وفهاره
وشلون يقدرون يستحملون انهم ينامون ويأكلون ويشربون وتهنى لهم العيشه
وفيه احد متضايق من احد
انا لو مكانهم كــــــــــــــــــان فرقعت من زمااااااان
وفيه نوع من انواع الزعل والله اني مستحيه أكتبه واعلق فيه
لان شي يعصر القلب عصر
زعل البنت او الولد على امهم ولا ابوهم هذا والله صعب اني اعلق فيه
لان هالشي عيب وشق جيب
انه يصير أو نفكر فيه
لكن للأسف موجود يالله سترك
والادهى مزاعل اللي مابهم ملح اذا تزاعلوا من تتوقعون؟
البس والفار !!!!!
لا هذولا مابهم رجاء يتراضون
الدجاجه والديك!!!!
ايه حولكم قربتوا للجواب اتصلوا بصديق
العنز والتيس
!!!!!!!ايه ايه قربتوا بعد محاوله اخيره
الذكر والانثى!!!!
ابي اقعد اطاولكم دوكم الجواب
زعل الزوجه والزوج هذا عاد النوع من الزعل طامه كبرى
أنا ماادري وشلون الوحده يطاوعها قلبها تطول المده وهي زعله او هو زعل
واخرتها تبي تتعذر رضت ولا انرّضت
والله ان تطويل مده الزعل يأثر على المدى الطويل
يعني أذا كانت هي الغلطانه ومستحيه تعتذر عندي لكم طريقه ما مثلها
تلبس عباة ونقاب
وتعتذر وهو ما يشوف وجهه وهذي طريقه مجربه ومضمونهوتحاول بكل انواع الاعتذار الين تتم عملية قبول العمليه ( عملية الاعتذار)
وان حصل وصار هو الغلطان وطول ما اعتذر اخرتها نبي نطيح على روسهم يامال الضعفه
يعني من أولها لا نكابر ونضغط شوي أو كثير علشان مصالح ومسؤليات مشتركه
ونحط الكرامه بكيس ولا بخيشه ونرفعها بمكان بعيد
يعني نزعل ونتميلح بس مانطولها وهي قصيره ، لان الرجال هم الغوالب على قولت الماما
ومافيه شي مسموح لك تزعلين وتطولينه الا في مسأله فيها( معصيه لله )
الا نكدي عليه عيشته وقومي الدنيا ولا تقعدينها
لا اوصيكم خخخخخخخخخخخخ ما يحتاج
وكلنا نعرف أن الزعل والمزيعل مافيه خير ، لا والله ماغير يقسي القلوب ويحجرها
ويخليها مثل قطعة الحجر او الرخام، ولا حتى السراميك تراه اهون شوي هههههههههههههههاي مجربتها
عاد انا ابي اعرض لكم بعض انواع اعتذار من حولي لي اذا زعلت
بالنسبه لتأبط شراً :
اذا اخطاء يقول آسف
وهو عجل وماسك خط سفري ماعنده وقت بزر ماعليه شرههبنتي الكبيره:
ماتقول كلمة آسف بس تقعد تتدبق يعني تلزق فيني وتدورعلى اللي يرضيني بأي شي
تخدمني وتقطع نفسها كله علشان تنال الرضى ياحظي اعرف اشخص
ههههههيعني تعتذر بطريقه غير مباشره
بنتي الوسطى:
اه اه من بنتي الوسطى ترى تأبط شراً اخذ الرايه منها بالشطانه وطيبة القلب
هذي منسمه وما اظن فيه بنشر بالعالم يقدر ينفخها حالتها ميؤس منها
هذي اذا زعلت عليها تقوم تبوس وتجغف فيني
وما تعطيني فرصه اني ما اقبل اعتذرها تلاقونها تتبسم وتضحك بوجهي من كل جهه اجي منها لين استسلم وارضى عليها
وارفق لكم صوره لدحومي بعد ماعلمته وشلون يترضاني
ارسلت لكم صورة الولد ولا الحريم معصي مينوع
ورهوفي:
هذا اذا زعلت عليها تأكل نفسه في نفسها حساسه كثير
يتحول المجني عليه اللي هو أنا الى المجنى وشلون؟
تجلس تصيح وتتعبر
وتتضايق من اللي سوته تحاول تعبر ويخونها التعبير مانشوف الا دمممممممممموع كنها سيل ياكافي ، تحاول تعتذر بس ما تقدر لها اسلوب بالحسااااااااااسين
عاد بما اني أم اتفهم الوضع <<<< اقول ضفي وجهتس ماعندتس ماعند جدي هههههههههه
عاد للي حولي من اخوات أو زميلات او جارات أو صديقات طرق للاعتذار
احد منهم عن طريق هديه بسيطه
وبعضهم عن طريق رساله اما بالجوال اوعاديه منذو مبطي
احد منهم كتب بي قصيده ياحظي خخخخخخخخخ
وبعضهم رومنسي اوي اوي اوي ورده
وبس ولو هو جايب لي حزمة كراث كان احسن هههههههههوفيه بعض منهم جاء وتعنى لبيتي واعتذر فى بوسه على الجبين وضمه بالاحضان وبوسه
على الراس
وعقبه طلع وراح للسوبرماكت وجاب لي شامبو وبلسم بس تهقون وشوله ؟؟خخخخخخخخخخخخخخخخ
عاد انا قلت ما ابي هالشامبو ابي شامبو اللي اغسل فيه العبايات ابو قاروره حمراء
اللي عليه صورة مره صاطغتن راسه <<<< اتحداكم تعرفون ويش اقول
خخخخخخخخخخ بس من مميزات هالشامبو يقعد الواحد ساعه يفكك الشوشه عقبه
بس انه وحده بوحده ما يزيت الشعر <<<< احد سألك اخلصي بس
اما بالنسبه ليّ انا وشلون اعتذر ................
جربت كل الطرق اللي فوق وكلهن مفعولها رهيب والله رهيب
بس اهم شي لا يمر وقت طويل لان كل ما مر وقت صار فيه صعوبة بالعلاج
ولاتنسون كل ماتشوفون قصيده بالجريده تنفع لهوشه ممكن تصير بالمستقبل
احتفظوا بالقصاصه عندكم
ياعالم ماندري ويش مغبيتن لي الايام وايش ممكن يصير هههههههههههه
ويش نسوى ما دام الله ماعطانا مما عطاهم من قدره على كتابة القصيد
انا اذا انسدحت على فراشي
وانا بالخاطر شي يا انا انظم دواوين هاك الليله من الحزن والهم اللي يطويني بس اذا اصبحت ولا كل شي متبخر الله يخلف على امن جابتني
شعر اخر زززززززمن
بس والله من جد طريقة أن الوحده اذا صارت مستحيه تتعتذر من اللي بعلها
ماعليها جربوا الطريقه الاولى
من بند الاعتذار
واللي تنص على لبس عباة ونقاب وتعتذر الوحده
وان حد الامر لامانع من دموووووووع التماسيح
ولا تستعملون مساحات
خلوا كل شي يتقاطر
ولا جربوا طريقنا مبطي يو م اننا صغار
بالاصابع وقولوا : صحيب قالت امي عيب
ههههههههههههه
ولا غنوا لهم
هيه يا رمانه الحلوة زعلانه مين يراضيها انا اراضيها
مع شوية استهبال هذي بعد تراه تنفع في اكثر الاوقات
ودمتم لمن يحبكم وأنا أم دحومي منهم
هذي والله بنقابها فيها الخير بس بلاك من اللي ما تعتذر وجههــــــــــــــــا عريـــــــــــــــــــض...
إلا شخبار تأبط شراااا.......؟؟