وشو أعلى سعر توصلين له إذا شريتي فستان العيد لبنتك؟؟؟؟؟؟؟؟؟؟

السلام عليكم يابنات احلى منتدى ...............
انا حضرت خطبة العيد وكان يتكلم عن المغالاة والاسراف من الامهات عند شراء ثوب العيد لاولادها وبناتها .. وقال صار العيد هم وغم على بعض الرجال . . صار بعضهم يستدين علشان يشتري اغلى واحسن ماركة في العيد لبناته.

وفعلا لاحظت ان كلامه صحيح مية بالمية.. فوحدة شفتها بالعيد لابسة بنتها اللي عمرها 8سنوات فستان عادي ومهب ذاك الزود.. وتقول : والله اني اشتريته بألف ريال؟؟؟

وزوجة اخوي عندها ثلاث بنات صغيرات الكبيرة عمرها 10سنوات... اشترت لكل وحده فستان ب300ريال+ حذاء ب150ريال+ قبعة ب40ريال.... يعني مجموع ملابس بناتها الثلاث =1470ريال
ولاتحسبون حالتهم المادية ممتازة ... حالتهم متوسطة وعندهم ديون واقساط وغيره..
بالله هذا مهب اسراف.. فيه موظفين يأخذون راتب شهر بهذي القيمة؟؟؟؟؟؟؟؟؟؟؟؟

وعمتي عندها بنتين .. كلف فستان الوحدة منهن 600ريال.. يعني الاثنين ب1200ريال ....... وهي عليها تايير فخم تقول: ب3000ريال؟؟؟ مع انها لاموظفة ولازوجها حالته المادية زينه

انا احس إن الرجال بدوا مايفرحون بالعيد علشان هالشيء.. خاصة اللي حالتهم المادية ضعيفة وعنده بنات ويبغن يلبسن احسن لبس مثل باقي الناس

هالحين جاء سؤالي لكم: وش اعلى سعر تشترين فيه فستان بنتك للعيد؟؟؟؟؟؟؟؟؟؟؟؟