وش أسوي

بدون مقدمات ببدأ
أنا كنت أصلي وبيوم من الأيام سويت معصية ومن بعد هالمعصية بكم أسبوع أو بعدها بشهر مااتذكر صارلي موقف من نتائج هالمعصية ومن بعده هالموقف صرت ماأصلي وأحس حياتي تدهورت بكل شي وصرت أرسب وكل سنة أجيها لازم أعيدها
حتى نفسيتي تدهورت من بعد هالمعصية فقدت طعم الحياة وصرت ماحس لابفرح ولابحزن لو يصير ببيتنا فرح ماحس ولو يصير حزن ماحس مهما كان نوع الحزن عادي كأن ماصار شي قريت عن حالتي ولقيتها تقريبا نفس أعراض الصدمة العاطفية وبعد نفس أعراض الإكتئاب تبت من المعصية وحاولت اتوب من كل الذنوب واللي احس اني اخطيت عليه بأي شي صرت أدعي له وأتصدق عنه بس أرجع واخلي الصلاة واغتاب الناس ولا اطيع امي وكسولة جدا جدا جدا اغلب وقتي على سريري واحيانا أقول الي صار لي بسبب دعوة شخصين انا اخطيت عليهم بس والله اني مادري وش جاني يوم اخطيت عليهم مو من طبعي اسوي اللي سويته هم يقربون لي هالاشخاص وهم مايدرون ان الي سوى هالشي انا وانا افكر اجي كل واحد فيهم واطلب السماح منهم بس أخاف افضح نفسي أخاف من نظرتهم لي أخاف ماعاد يثقون فيني وازيد همي هم بس والله اني ماعاد كررت هالشي مع غيرهم والله اني ندمانة اشد الندم على اللي سويته فيهم وتصدقت عنهم
انصحوني قولوا لي وش اسوي ابي اتوب ابي اصلي احس ان قلبي ميت احس بضيق اغلب وقتي ابكي قولوا لي كل شي ممكن يساعدني اتوب واصلي ومااخلي الصلاة
اكثر شي يضايقني حاليا اني ماااصلي ولا اطيع ربي وهو اللي ستر علي واستجاب دعوات لي والله ان ربي سترني بمواقف كثيرة واستجاب لي دعوة مستحيل تصير بس انا الي رجعت اعصيه ولا اطيق شي من امي واحيانا اكره اسمع صوتها مدري وش فيني وانتم تعرفون ان رضا الوالدين شي عظيم - ساعدوني -