وش اسوي تعبت من كل شي

السلام عليكم ورحمه الله وبركاته


ببدا بالموضوع بدون مقدمات

الحين عايشه بقلق نفسي والله حتي النوم ماعاد عرفته
حتي فرحه زي باقي البنات ماعرفت
الموضوع اني انخطبت بعد الاجازه وولحين ماتملكت
اللي خطبني مطلق من 16 سنه وعنده بنت بالمتوسط وعمره الحين 42 وانا عمري 26
الكل يمدح باخلاقه
وانا مرتاحه وعمره ماهمني لاني من زمان اتمني اخذ واحد عمره 40
كل شي صار بيسر وسهوله والتحاليل سليمه
واعلنا خطوبتي والكل فرح لي وبارك لي بس اغلب اللي يباركون يلوموني ليش استعجلت على نصيبي وليش اخذ مطلق وليش انه كبير طبعا ماقلت لهم ان عن عمره الحقيقي قلت عمره 37
وانك بتعيشين تعيسه ومافي توافق ومن هالكلام
والله يابنات اني خفت سرت اذا طلعنا اشوف واحد وزوجته احس عمرهم قريب من بعض ومستانسين
اخاف اضلم نفسي معه مع ان شكل اللي خطبني وتصرفاته يعطي 35 بس انا خفت من شخصيته
هذا اللي قلتلكم شي
والشي الثاني
ان انا شرطت بيت شرعي ووافقو بس يبون المستاجر الين يطلع لان شقته ملكه وهو الحين ماجرها
فقالو تسكن معنا مؤقت الين يطلع المستأجر بعدين ياثثونها ويسوون اللي يبون براحتهم
انا رفضت هالفكره وقلت لأهلي مابي الا بيت لوحدي دخله عند اهله ماني داخله لان مافي بيت اهله الا امه وابوه وبنته وشغالتهم
كلم ابوي اللي خاطبني قاله بنتي مابيها الا ببيت لها قال انا الحين سويت جنااح خاص فينا بهذيك القيمه بس مؤقته قال ابوي كمل عليها وسو لبنتي مطبخ صغير خاص فيها قال مالك الا اللي يرضيك
وانا تفاجات من كلام ابوي
مااااابي اسكن عند اهله لو اييش الكل يمدح فيهم بس اعرف المشاكل اللي بتصير من العيشه مع اهل الزوج
وامي وابوي يقولون لا تعقدين الامور بتتيسر وكلها كم شهر وبتطلعين وانا اعرف ان اللي تدخل تعيش مع اهل زوجها ما تطلع الا بمشاكل
وقسم باللي اني ابكي من قهري
بكلم ابوي بكره وبلزم عليه بشقه خاصه فيني لو يتاجل العرس اهم شي راحتي
وبنفس الوقت مابي يكون كلام ابوي للي خاطبني كل يوم راي ابيه يحدد موقفه
واخاف يلزمون هم على رايهم وتتفركش الخطوبه
والله اني عايشه بقلق وكاره نفسي ابي افرح بخطوبتي زيي اي بنت واستانس احس حياتي كلها خوف بخوف
انا البنت الوحيده باهلي واول زواج لهم فما يعرفون يتصرفون

تكفوون شيرو علي وادعولي ان الله ييسر امري وتتم اموري على خير وافرح زي البنات
الله يسعدكم وريح بالكم