لا يااختي لاتتركينهم طلبتك لاتتركينهم
والله حرام تضيعيهم بعد ماتعبتي بتربيتهم
ترى فقدان الاب اسهل من فقدان الام ولا يجي في بالك انهم كبروا خلاص وماعاد يحتاجونك
وجودك جنبهم اهم عامل نفسي لاستقرارهم وصلاحهم ونجاحهم
حرام عليك تتركينهم لاب ظالم ومهمل
انتي بنفسك قلتي مايرجع الا اخر الليل
لمن بتتركينهم؟
اذا على ابوهم لاتعطينه شي دامه مقصر معاك ترى الدين يسر
وانا قريت كثير بحقوق الزوج ترى ماله حق عليك طالما مو قايم بحقوقك
انسيه عيشي كأنك مطلقه بس بين عيالك وفي بيتك
لاتعملي له حساب ابد
بس عيالك عيالك لاتخلينهم تكفين

ولله يختي موضوعك صعب انتي لك حق و عيالك لهم حق
ولله ما يكلف النفس فوق وسعها

الاولاد قرارهم بيدهم بالشرع ممكن يجون معك بس البنات الي يكسرون الظهر
بناتك وحده بسن زواج الله يوفقها بس الثانيه صغيره هنا المشكله

مافي مجال تحلينها سلمي مع زوجك مثلا لا يطلقك بس يهجرك دامك عفتيه
ويخليك مع عيالك و يتولى الصرف عليهم احس كذا اهون
انتي فكري تقدرين تعيشين بعيد عن عيالك مثلا روحي اجازه كم يوم و شوفي نفسك
ممكن قرارك اخذتيه بدون تعيشين الوظع

استخيري ولله يقدم لك الي فيه خيره

يعني صبرتي كل هالسنوات وتعبت وتحملت عشان عيالك والحين بتتدمرين كل الي بنيتيه عشان ايش ؟ إنت تقدرين تعيشين يوم واحد بدونهم ؟ دامه ماهو مأذيك ولا يجي البيت الا الليل الله لا يرده خليه ينقلع الزم ماعليك عيالك وبيتك لا تفرطين فيهاا مهما كان صدقيني ولدك الصغير بيكرهك وحتى الكبار ماراح يحبونك وانت تخليت عنهم بالسهوولة وبتسوين حاجز بينك وبينهم عمره ما ينهد
يختي اولادك كباار فليها انت واياهم اطلعوا تمشوا سو لكم جوو بالبيت استانسوا ليه تفكرين فيه اصلا ؟ استمتعي باولادك وبس

ما انصحك بالطلاق ابددا وخاصة انك تأخرتي كثير في اتخاذ هذا القرار، والوقت اللي نفذ فيه صبرك وقررتي الانفصال هو وقت غير مناسب ابدا من جميع النواحي، أولا علشان عيالك كبروا وفي الجامعه ما شاء الله ومستقبلهم قدامهم وأكيد وضع أمهم وانها تكون مطلقه وبعيده عنهم راح تأثر على مستقبلهم وزواجهم ، تخيلي بنتك او ولدك يبي يتزوج وامهم مطلقه اكيد وضعهم في المجتمع - للأسف وهذا واقع- ما راح يكون نفس وضعهم وانتي على ذمة ابوهم مهما كان، غير انك راح تكوني مثل الضيفه في عرس ولدك او بنتك، ثانيا: انتي كبرتي في السن وفرصتك في الزواج اما مطلق او ارمل مع عيال غير عيالك، ولو ما تزوجتي راح تروحي بيت اهلك ومهما بلغ حبهم لك إلا انك راح تحسي نفسك ثقيله عليهم، غير لما تكوني ف بيتك ووسط عيالك وانتي الآمره الناهيه في بيتك وعيالك حولك، هذي وحدها تسوى الدنيا
استهدي بالله وإلغي تماما فكرة الطلاق لأنها موه في صالحك من كل النواحي، واذا على زوجك اعتبريه غير موجود وادعي له بالهدايه وعسى الله يكافئك خير في أولادك ، كملي جميلك وتربيتك معهم للنهايه ولا تخلي لحظة ضعف تهدم كل اللي بنيتيه فيهم ، اعتقد عيالك يستحقوا منك التضحية ، لا تهدمي كل اللي سويتيه علشانهم في لحظة نفاذ الصبر واستمري على صبرك( إن الله مع الصابرين) وما بعد الضيق الا الفرج

ﻻﻻﻻﻻﻻﻻﻻﻻﻻﻻ العيال عادي بيطلعون بيدبرون انفسهم البنات الحين كبروا محتاجينك اكثر من اول انا اترجاك رجاء ﻻتخلينهم حرام تعبك 20 سنه بتضيعينه يوم كبروا وراح يسندونك انتبهي تتركين تعبك له ماانصحك ورحمتهم انا متزوجه وزوجي طيب وعندي ولد لكن بعدي عن امي كاسرني فما بالك ببنات باقي ﻻ ﻻﻻﻻﻻﻻﻻ حرام