خلاص خليكي عند عيالك واهو بقلعته لاتهتمي به ولا بتصرفاته والله اغلب الرجال مهما سويتي له يقلب عليكي فدقايق ...اشتري رضا عيالك وقربهم ولاتبهدليهم واعتبري نفسك عايشه بالبيت لحالك ومع عيالك خلاص ترتاحي منه ومن غثاه لاتراقبيه ولا تعطيه اهتمام

والله مو هامني وكل همي عيالي بس هو مو مخليني في حالي طول النهار داشر ويتذكرني بلليل وانا نفسي عايفته ومعاقبني بسبت كرهي له وحابسني الطلعه بلحسره علي واهلي واخواتي ممنوع اروح لهم وطلع مع ولدي الكبير ممنوع وش اسوي كرهني حياتي ابي حريتي وماقدر احصل عليها الا بطلاقي وماني متزوجه بعده كرهني الرجال وع وع وع وع مجنونه اخذلي مصيبه ثانيه

والله يا اختي لو مفكره انك راح تحصلي حريتك بالطلاق والبعد عن عيالك فإنتي غلطااانه، وراح اطلب منك تسوي تجربه، اطلب منك تروحي بيت اهلك لمدة اسبوع وتبعدي عن عيالك وبيتك وجربي بنفسك الوضع، واذا ارتحتي اعملي اللي يريحك مع الاخذ في الاعتبار انك راح تكوني بعيده عنهم للأبد مع لقب ( مطلقه) ، أختي العزيزه انا مقدره نفسيتك اللي تعبت من زوجك، ولكن صدقيني الحل ليس الهروب وترك أولادك يواجهوا مصيرهم مع أب غير مسؤول مثل زوجك، لا تكوني انتي والزمن عليهم، أما اذا غلبت عندك الأنانيه وفكرتي بس انك تشتري راحتك وتريحي نفسك بدون التفكير في مصير اولادك ف لك الحريه، وانا ما ادري ليه شاغله نفسك بزوجك، الغيه من حياتك واي شي يسويه اعتبريه تأدية واجب حتى لو ثقيل ، والله اني لك ناصحه وانصحك بالتروي والاستعانه بالله وعدم الاستماع للشيطان اللي يصور لك الطلاق على انه طوق النجاة لك من مشاكلك

انتي نزلتي موضوع قبل والسبب بس انك محبوسه بالبيت
يعني مايضربك ولا يشتمك ولا يهينك هذا اللي فهمته
اذا بتتركين عيالك عشان بس هالسبب والله مدري شقول لك خليها تنفعك الطلعات والزيارات ومجالس الحريم اللي كلها ذنوب وغيبه ونميمه 
تروحين وتخلين بنات في عمر الزهور تضمنين ماحد يتحرش فيهم يغصبهم خصوصا. ان الاب لاهي
تروحين وتخلين ولد صغير توه ماشبع منك من يدرسه من يقومه للمدرسه من يحرص عليه وعلى فسحته ومصروفه
الحياه مو بس رجل هذاك بتروحين وبتعيشين من دونه اصبري شوي الايام طايره ماتفتحين ولا هم متزوجين وكلن ببيته وساعتها خليه وروحي 
كبيري عقلك واحسني لنفسك ولاولادك ....

طيب ياااحبيبتي طالما انتي ناويه علي الطلاق ومقرره وحتي ماخذه راي اهلك وهم بيكونو معاك باي قرار تتخذينه علي الأقل حاولي محاوله اخيره معااااه قولي له انا بطلق وبروح بيت اهلي وبخليك انت شاور نفسك بترك لك الخيار شهر بكون عند اهلي يااما تتغير وتصيرؤ انسان جديد ونعيش مع بعض او كل واحد يروح بحال سبيله هو بيجرب بهالشهر بيعيش بدونك حتي لو بناته قامو باكله وشربه وثيابه وكل شي بيحس بفراغ عاطفي ومادي انك مش موجوده معاااه وبيحس بفقدك وان شاء الله ربي يهديه ويتعدل ولو ماتعدل ولا تغير ولا تمسك فيك ذيك الحزه ماحد بيلومك لو طلبتي الطلاق واطفالك الأفضل تفهميهم الوضع مايصير تروحي ولا ترجعي فجاه اجلسي مع الكبار خاااصه وفهميهم كل شي عشان هم يقومون بالصغار وضبطي وضعك لاي شي ممكن يصير ممكن ربي يكرمك وزوجك يتغير وممكن تنفصلين عنه بس قبل الطلاق لابد يجرب حياته بدونك عشان يعرف قيمتك