وش الاغراض اللي على طاوله التسريحه حقتك؟؟ بكل صراحه

ماشاء الله عليكي اختي مابقى شيء ماحطيتيه على التسريحة حتى ريد قاتل الحشرات
سؤال بس ماتـزعلي (كيف كفا هالاشياء على التسريحة)
شوفي حبيبتي أول ماتزوجت كنت زيك إلين زهقت من منظرها وتعبت من تنظيفها بعدها قررت
أفضي التسريحة ماأخلي شيء عليها ( فضيت الرف الأوسط في دولاب الملابس ورتبته وحطيت شنطة المكياج والارواج والعطور بطريقة حلوة بحيث اذا بغيت أستعملها تكون قدامي اول ماأفتح الدولاب)والأشياء القديمة أرميها
والحمدلله من بعدها صارت التسريحة نظيفة وتنظيفها أسهل وانتي زيني التسريحة بالتحف
بس لاتكثري منها ( هذا اذا خلوها الأطفال ) وسلامتك.

عن نفسي صندوق صغير لساعات اليد
وحاطه اغراش العطر والكريمات والوشن
وعن المكياج حاطتة في الدرج

ام ماسه لساتك بتقدري تشوفي حالك بالمرايه ههههههههههههه
انا كنت اول مااتزوجت مبسوطه بمكياجي فكنت مرتبته على التسريحه بطريقة حلوه لكن بعد اولادي الحلوين التسريحه تحولت الى صحراء ويادوب فيها مفرش وعليه كم تحفه وانا عندي التسريحه لها رفوف حوالين المرايه هذي الرفوف مقسمتها نص لي ونص لزوجي وحاطه فيها كمان صور زواجنا وعطور
بس تسريحتي الان في الغربه فراح اوصفها لك بكل صدق بشكلها الحالي الان
اولا هي عبارة عن تسريحة تتضمن تلات ادراج كبيرة جدا فوق فارشة مفرش كبير على قد التسريحه بالكامل وعليه سبتين واحد فيه كريمات للجسم ومعطر الفرش وكم من ريحه والثاني فيه الامشاط وشمعات صغيره بينها وعلى طرف التسريحه عندي دولاب صغنون عباره عن اربع رفوف وهذي اللي مرتبه فيها عطوري وعطور زوجي عشان مايوصلوا لها اولادي
اما الماكياج فموزعته في شنطتين للماكياج وحده فيها مكياج السهرات وهذا قليلا جدا ما استخدمه في الغربه طبعا بسبب قلة السهرات الكبيره
الشنطة التانيه فيها الماكياج اليومي والطلعات العادية وطبعا كل الشنطتين مقفلة برقم سري برضوا عشان اولادي
وبس هذا شكل تسريحتي

انا زوجي مايحب اي اغراض على التسريحه انا عن نفسي اغراض طول الوقت في صناديق منظرها حلو في وسط الدولاب العطور في صندوق وهكذا ممكن تضعين باقة ورد او اي شي الزينه

تحفة بغطايتها .. للاكسسورات.. بجانبه كريم مزيل مكياج ... بس على التسريحة ماشي مكياج ... وبجانبه زجاجة فيها طحالب حمرا ... اونها لللزينة ...
دهان شعر ... علبة صغيرة دائرية فيها قطعة من ذهب ... نسيت شكلها من كثر ماهي منسية... تحفة مستطيلة للاكسوارت.. علبة نسكافيه فيها اكياس كابتشينو جاهز... مادري شو دخل ام الكباتشينو في التسريحة... امامه علبة بندول زرقا نصف مفتوحة ... ونكمل الرحلة بجانب الكابتشسنو ... جنبة عطر hugo الاحمر ... خالص ... صندوق صغير مستطيل فيه قطعة اكسسورات... فوق الصندوق لونين من الهدوب.. استعملهم للخياطة ... ومادري شو اللي حطهم هنيه... بجانبهم عطر عربي خالص وخربان اصلا بس انه عزيز علي مب قادرة اخبيه... وبجانبة تحفة ستاند ورق عنب وفيه دوائر فاضية تحطين فيها صور ... اصلا هذا هدية لصديقتي بس مادري متى بتكرم عليها وبهديها اياه... بجانبه تحفة بغطاها للاكسسوراات .. وبصراحة مافيه اكسسوارات فيه كم بطارية قديمة ..ومسواك ... واللي يقلم الاظافر
ويتدلى من اعلى مراة التسريحة ربطة شعر طويلة ومعلق عليها 60 الف شباصة وموصله لين تحت ومرتخية على التحفة الاخيرة اللي ذكرتها ...
في الطرف الاعلى الثاني من التسريحة يتدلى قلب لما تضغطين عليه يقولج انا احبك مرتين وبلانجليزي وخلف القلب تماما .. يتدلى عقد من الاحجار الكريمة غالي الثمن من مكة ... احبه وايد ... شكله حلو...
طبعا كل اللي ذكرته سابقا كان على الاطراف.. لكن في النص حرب ... فيه عطر غرفة عربي .. دبة ماي نصف مملوئة... لبان ... علبة نظارة ... كتكات اصبعين ... صندوق المتحجبة للشيل بس فيه الوان شمعيه فلمستر ومائي ... شباصة ماعلقتها مع خواتها ... 3 حلويات متغلفة بطريقة حلوة ما اكلتها ... غطاء للراس ينلبس تحت الشيلة... عطر i love Dior ... كريم الجسم ... شمعة مطفية ... علبة كبريت ... ... كوبين واحد جديد داخله ميداليتين يداد .. وكوب واحد استعمله.. بس فوقة مبرد اضافر ...!!!!

والله تعبت ... بصراحة دايما ارتبها ودايما تتبهدل عندي ... لازم اتخلص من اشيااااااء وايد مالها داعي ... احس منظرها كئيب ... ارتاح لما اشوفها تصفر من نظافتها ... بس شو اسوي كل وحده وشطارتها في الترتيب ..

وعجبني محتويات تسريحتج ... ههههههههههههه الله يوسع عليج يارب