وش الحل اكمل ولا انفصل

السلام عليكم ورحمه الله وبركاته
صباح الخير للجميع وصباح كله امل وتفائل جميل
عندي مشكله شاغله بالي وتفكيري
انا انخبطت سبق وتكلمت وين المشكله طيب
المشكله اني افكر بالانفصال اي حقيقه افكر انفصل وخايفه اني اظلمه ولا اظلم نفسي لان هالفكره لها فتره ترودني نفسي عليها
طيب بتقولون وش سبب الانفصال راح اعلمكم
انا تملكت على واحد جدا جدا جدا غامض حتى لو تعبان ما يكلم حزين ما يتكلم مهموم ما يتكلم يعني كلش على الصامت ما اعرف حزنه من فرحه الا !!!! نادرآ ما يعلمني وش يحزنه ولا يفرحه فتره الخطوبه (الملكه )قعدنا تقريبا كم شهر وبعدين طلب رقمي اوقات احس اهله جابرنه علي واوقات اقول لا
لانه يبين لي حبه بس اهتمامه عدم مرره ما احس يهتم فيني ليه ما ادري قليل الكلام الحلو والهدايا والاتصال والرسائل يقعد فتره على هالوضع وبعدها يرجع يحبني ويسال ويتصل والوقت الي اقول انا مشغوله بقفل يرفض ويزعل ليه تقفلين وتتركيني لحالي احس انه متقلب المزاج والله اوقات اجس انه تعبان عنده انفصام ولا القطب الثنائي من تصرفه جدا غريب يخبي عني كل شي بالحياه سواء يفرح ولا يحزن ما اعرف عنه شي يسوي الشي بدون تفكير يوم يدخل بالفخ يقول لي عشان احل المشكله بس قبل لا ما اعرف عنه انسان غريب بكل ما تعنيه الكلمه تملكت لي اكثر من سنه ما جاب طاري الزواج قبل شهر علمني بشي وعطيته وجهه نظري لانه خطأ حسيت طنش وكمل الي يبيه مع انه مضر له قلت له دام انك ما تبي الله يسر امرك ماعاد بعطيك وجهه نظري زعل اشوي وانا بعد زعلت قعد فتره مطنقر مطنش قعدت مع نفسي حسيت انا ما ننفع لبعض بكل شي فيه اشياء كثير يختلف عني فيها قلت يا بنت الناس زين انكم ماتزوجتو للحين خيره ما عنده عطاء لابالكلام ولا بالهدايا ولا بالاحساس والمشاعر ما انكره طيب طيب طيب هالشي الي يخليني كل ما افكر اتراجع عن قراري لانه مسكين بس ما يبي يغير من حياته وش الحل معه الحين لي شهر وانا افكر بالانفصال مطلقه بدون عيال والعكس صحيح واعتذر على الاطاله