وش الحل معها ومع استغلالها؟؟

بدون مقدمات مقهوره يابنات
من الناس الاستغلاليه
عندي صديقه جننتني
ع بالها جالسه ع بنك
تشوفني بالسناب اصور كل طلعاتي وكافيات وتمشي
ع بالها عندي مال قارون مع انها متزوجه
وكل عطله بديره بس فيها طبع الاستغلال والشحاده
اول مره طلبتني فساتين زواج وبحسن نيه عطيتها
بعد كم شهر تجي باسلوب محرج تقول بطلب منك
طلب ياليت تقدرين
قلت امري قالت تكفين فيه محل بالمحافظه الفلانه
تقصد محافظه اهلي اذا رحتي تقدرين تجيبينه
وعارفه انها ماراح تدفع والحلى غالي الكيلو ب ١٨٠
جبت لها عن حسن نيه
المره اللي بعدها جت طلبتني ٢٠٠٠
وقالت اذا صار معي ارجعها وصلت معي
واعتذرت قلت والله ماعندي انتي تدرين
اني مو موظفه ولا شي
بعد فتره جتني تبغى تحف شغل يديني انا مسويتهم
وكنت مصوره سناب عزيمه وحاطتهم
وارسلتهم لها
اخر شي امس جايتني تقول تقدرين تحجزين
لي بمشغل السونا والمساج مسوين عرض
وانا مطفره شفت رسالتها وسحبت عليها الى اليوم
حومت كبدي
يابنات اللي مستغربه منه حنا شله عباره عن٧
بنات وفيه بنات اغنى مني بس ماتحي الا لي
ماتتجرا عليهم!!
وخواتهم كلهم مدرسات بس ماتطلبهم تجي تشحدني انا
بتقولون صرفيها والله انحرجت احرجتني واحرجت
نفسها وانا ماحب كذا
ماحب احد يحرجني ولا احرج احد ولا اقدر
اقاطعها لانها ناشبه بالشله وبكل طلعه معنا وبالقروب
معنا اقسم بالله تحملت هالحركات بما فيه الكفايه
استغرب من هالناس اللي ماعندهم كرامه
وانا من النوع اللي ماحب اخذ من احد ولا قلم
احس باحراج فاستغرب من هالناس اللي كذا