وعليكم السلام ورحمة الله وبركاته



سن المراهقه سن متعب شوي ويبيلك تطولين بالك وتصبرين ولا تدققين عليها .. وماينفع الضغط والشده ..
حاولي تكسبينها باسلوبك وتعاملك معها ..


اول واهم نقطه الدعاء لها ، ادعي لها بكل وقت ، صدقيني مهما اعطيناك اسااليب ماراح تجيب نتيجه
الا اذا ربي شرح صدر بنتك وتقبلت منك ..


ثانيا كوني قريبه منها ، شاركيها همومها ، وهواياتها ، كوني لها صديقه ، لا تكثرين توجيه وتنبيه ،
واذا تبينها تكون واضحه بتصرفاتها معاك وتستشيرك ، الجئي انت لها بأسرارك ، طبعا الشي اللي في سعة
تقولين لها عليه ، وشاوريها ايش تلبسين ، او وين تطلعون او ووو،هذي الاشياء تقربكم من بعض وتجعلها تثق في نفسها ..


ثالثا في هذا السن يحتاجون المدح والثناء والشكر، فاستغلي اي عمل بسيط تقدمه واشكريها ..
وبرضوا وضحي اعجابك فيها وبلبسها وباختيارها، وبذوقها ووو .


رابعا ادعي لها وهي تسمعك ، لان الدعاء يطمن القلب ويشرح الصدر فكيف اذا جاء من الام ..
وبتلاحظين انها تصير تطلب منك تدعين لها كثير .. وهي طالعه المدرسه ودعيها بدعواتك لها ..


تذكري ياغاليه يوم كنت بسنها وش كنت محتاجه ..




وللفايده في دورة تلاقينها بقسم الدورات عن سن المراهقه رآآآآآآآآآآآآئعه اسأل الله ان يوفق مدربتنا ام الرسام ..

سجلت فيها واستفدت كثير .. اقرأيها بتستفيدين باذن الله ..

انتي قلتيها اذا بغت شيء تتودد لك عشان تحققين رغاباتها !!!
بسيطه اذا بغت شيء وحاولت تتقرب منك كلميها من غير ماتطالعين فيها
وقولي( ماكنتي كذا قبل شوي ولا عشان لك حاجه ؟) < مجربه هالطريقه تحرك فيهم الاحساس ولاتلبين حاجتها "
اذا بغيتي شيء منها اطلبيها بصيغة الامر وان لامجال للنقاش
عاقبيها اذا تأخرت عن تلبية طلبك
مثلا رتبي الصاله يافلانه مارتبتها , الحين رتبي الصاله والمدخل ولا ارجع الا وانتي مخلصه شغلك
والا شفتي شيء ماعمرك شفتيه !
اسمحي لي الغلط منك !
صحيح لازم نحبهم ونعاملهم بطيب بس لازم من الشده , والا صاروا هم المسيطرين
انصحك غيري اسلوبك وخليك حازمه معها واذا حصلت لك فرصه وضحي وكرري عليها
( انتم تجبرون الشخص يعاملكم كذا )
وادعي لها في صلاتك
والله يصلحها ويسخرها :)

عاادي فتره وتعدي ان شاء الله

19؟؟؟؟؟؟؟؟؟؟؟؟؟؟؟
الله يهديها بس مو صغيره

الجيل هذا مايعرف الا مصلحته وطلباته واناني لابعدالحدود

وماعنده احساس بالولدين واهم شي يرتاح يعني انا وبعدي الطوفان

والله عن تجربه واكتشفت من خلالها اني اضيع صحتي وقتي على ناس ماتستحق التعب

خليها على راحتها وعاقبيها بحرمانها من الاشياء اللي تحبها

ولاتضربينها ابد ولاتدخلين ابوها بينكم

وطنشي بعض الاموروارضي بالقليل
من الاحترام لانه الجيل اللي يقدرالوالدين منقرض

الله يهديهم ويصلحهم