دعوة الام مستجابة ابكي لربك واساليه يهديها ويصلحها

أختي إدعي لها بالهداية
وشوفي من صاحباتها
الصاحب ساحب
وقوي صلتها بربها
اقري عن تربية المراهقين ترى لو نقول ونشور عليك ما فيه مثل الكتب التعليمية والمحاضرات التثقيفية
والله يهديها ويصلحها إن شاء الله

فيه اشياء واااجد انتي غافله عنها

اذا البنت تصرفاتها كذا بالبيت فأعرفي انها تقلد تصرفات بنات تماشيهم برا البيت ..

واقرب مكان تتوقعينه تتعلم منه كل هالسلبيات هو المدرسه


عندها صديقات ألسنتهم طويله عالمدرسات وتشوف ان الكل معجب فيهم ومحد يكلمهم

عندها صديقات امهم وابوهم منفصلين ودايم تذكر سلبيات الاهل

عندها صديقات يتشكون لبعض من اهاليهم مثلا" وحده زعلانه امها موراضيه تشري لها البي بي تجي وحده تقولها يووه كل هذا عشان 500 ماتبغى تدفعها لك ؟!! اف امك بخيله والا ماتحبك او فقرانه او متخلفه او سوي صياح وصراخ عشان تشتريلك وتصيرين عايشه مع الناس مو محرومه ... ومن هالكلام اللي يفر المخ

عندها صديقات يقولون ان احنا خلاص كبار واهالينا مايتدخلون فينا احنا حرات وكل شي متوفر عندنا ومن هالكلام .. البنت وقتها تحب تصير مثلهم وتتأثر بكلامهم وانهم كووول وشخصيه فتجي البيت وتقلب عليك 180

عندها معلمات تحب شخصيتهم متفاهمات وحنونات .. ويمكن شوي كشخات ويحبون يسمعون للطالبات فالبنت تعجب فيهم لأنها تتمنى امها او اختها في حنيتهم وطيبتهم لها فتسوي مقارنات ..

وقتها تقول في نفسها "امي كله اوامر واسلوبها كله صراخ لكن المدرسه ماترفع صوتها علي وطيبه وتحبني مره "

<< على فكره البنت دايم تفسر ان اسلوب الصراخ = انا اكرهك

, فاللي يصرخ عليها حتى لو في مصلحتها معناته انه يكرهها فيصير اسلوبها هجومي وعناد وكره للطرف الاخر


فيه صديقات يوميا" يسولفون عن الاكشن والشقاوه اللي يسووها يوميا" من باب احنا شقيات ونجنن اللي معانا

فتلاقيهم عالببي كاتبين مثلا" طز في المدرسه وطزين في امي ..!!


واشياء ووواااااجد انتي ماتتوقعينها تتأثر فيها بنت برا البيت وتجي تصب كل الغل فيك ..

فالحل : حاولي تشوفين اللي تماشيهم تسألين المدرسات والمشرفه الاجتماعيه كيف تتعاملين مع حالة بنتك بس بدون ماتقولين لهم انك ام فلانه ..

تكلمين معها زي كلام وافكار بنت ام 19 ..

مثلا" تكلمي عن المسلسلات التركيه وعن لبسهم بس لاتبينين لها انك تبغين تسحبين منها الكلام وبتتفاجئين بردها يعني لاتستبعدين تقولك .. " الله المسلسلات التركيه كلها حب وحنان "

والا تشوف اخس وحده بالمسلسل كتعامل وطول لسان وتقولك " هذي رهيييبه "

تكلمي عن البنت اللي تعبت امها مره ودخلت امها بالعنايه من كثر ماتعبتها بالعناد لاتصلي ولاتذاكر دروسها وكله تتطاق مع اخوانها

وشوفي ردة فعلها ..

ومن ردة الفعل بتفهمين ايش تصوراتها عنك ..ايش اللي خانقها ومخليها سلبيه وماتحترمك

ومنها تعرفين وين الخلل فيه ..

ووافينا بالنتايج

اسمعي يا قلبي ادعيلها وان اختك والله سن مراهقه اكيد وعندي وعندك خير بنتي تقريبن مثل بنتك بس بنتي تخاف مني شوي ولاترفع صوتها بس تعاند بطرق ثانيه جربت التطنيش اطنشها ولا اعطيها وجه والله ترجع تتمسكن عليك بهذا الاسلوب والله انا ومن واقع تجربه جاب حل وربي يهديهم