وش العذر

من عافنا عفناه ولو كان غالي

بلا حب بلا بطيخ
يعني هو عايش حياته ومبسوط
وانا اتقلب على جمر الغضى

شوفي

والله ي قلبي له اسباب واجد واللي بقولها ممكن تكون صح ممكن غلط مااعرف لكن من وجهة نظري انا فقط

أحيان كثيرة تكون المشاعر أقوى من العقل
والحب او التعلق قسما بالله ما يروح بمجرد قرار صراحة
بالذات لو كانت الفترة طويلة أو الذكريات كثيرة بينهم

كمان ممكن يكون فيه شعور بعدم الاستحقاق أو ضعف ثقة بالنفس عند البنت نفسها
فتلاقيها تتعلق بشخص حتى لو هو ما يستاهل التالية من الغنم لأنها تحس ما في أحد أفضل منه

وممكن يكون مجرد عادة وهو الشي الأغلب
شي تعودت عليه فقط
الإنسان يتعود على شخص أو علاقة يصير من الصعب عليه انه يتركها حتى لو كان فيها ألم له

التعلق بهذي الطريقه له جذور من الطفوله
تكون البنت ما حصلت اهتمام وحب داخل بيتها وعائلتها
وفي لا وعيها تصير معها برمجه او نظره او قناعه ومشاعر من الشح والندره والجوع اتجاه العاطفه
اول ما يهتم فيها شخص ويحسسها بالامان والتقدير اللي ماشافته بحياتها تتشبث فيه كأنه اخر حبه في الحياه
مو بيدها ولا بكامل وعيها مثل ماذكرت هي عندها حالة فقر وشح عاطفي وتظن ان هذا الشي الوحيد المخصص لها بالدنيا ومالازم تتركه وتظن انها اذا تركته راح تنهار وتنتهي حياتها وتفقد مصدر هذا الامان والاهتمام
الموضوع يمكن شوي متشابك لكن جذوره من الطفوله اللي برمجت وكونت شخصيه غير ناضجه عاطفياً وماعندها تقدير كافي لذاتها
واكثر اللي يمرون بمثل هذي التجارب يحطهم فيها رب العالمين لحكمه وهدف انهم يتعلمون كيف ينضجون ويتطورون في هذا الجانب الضعيف عندهم ويكونون اكثر توازن

تتعدد الأسباب والتعلق واحد

بعضهم تعلقت بشعور كان يحسسها فيه
او تعلقت بالصورة اللي رسمتها له لدرجة صارت رؤيتها للواقع مشوهة
أو تكون مو قادرة تطلع من دور الضحية واعتادت هالشعور
واغلب الأسباب يكون ماعندها استحقاق وتحس هو الوحيد اللي رضى وبيرضى فيها فماتفكر الا فيه
واحيانا يكون من الصعب تجاوز الشخص اللي رفضك او تجاوزك تضل تفكر فيه لين يرجعلها اعتبارها..

وازيدك كمان
تلقينها هي طالبه الطلاق ولما يحصل تبكي وكانها ماطلبته

خلاصه الكلام احنا الإناث
نشوف الطلاق فشل، فشل لنا لذاتنا
ونعرف وجعه قبل لا يصير،
مع هذا انا اشوف انها اقوى واضعف امرأه
ماتقبل تكون بمكان غير كامله هي فيه …
وتقبل انها تنكسر وتتالم عشان تبني ذاتها وترضي ذاتها