وش الفرق بين هنا و هناك ؟ الولاده

السلام عليكم
يا الله حيهم يالله يحهم .. مبطين عنكم و الله اني ولهتن عليكن ..
ميخالف كتمتكم بالبخور .. بس من الفرحه ..

لحظه ابي اروح اطلب بيتزاء لكم و ارجع ... ( بخور و بيتزاء و الله من الكرم)

شوفو نحش بالموضوع على طوووول قبل لا يطقون حقين البتزاء ..

ودي اسئل البنات الي حملو و ولدو في بلدهم و بعدين حلمو و ولدو في الغربه .. وش الفرق بينهم ..
يعني بالبلد يالله من فضلك عز و خدمه و مايمديك تغسلين ايدينتس من الفطور الا و الغداء والم .. و طبعا تأكلين مما لذ و طاب من مصابيب و مرقوق و قرصان و الخ الخ الخ .. ماله داعي اكمل .. لاني ما راح اخلص ..
طبعا هذا غير الراحه ثيابك و ثياب طفلك تجييك مغسوله و نظيفه .. و ما عندك شغله الا انك ترضعين الطفل و تنامين .. و اذا بغى احد يجيك بس روحي تحميمي و البسي روب نظيف .. و بس .. طبعا هذا غير اللهوم الي شي تعرفينه و شي ما تعرفينه
طيب ها الراحه هل لها فوائد .. و هذه الاكل هل هو الطريقه المثلى للعتايه بالنفساء .

طبعا علشان نعرف الجواب لازم نعرف من بنات حملو وولدو هناك و بعدين حلمو وولدو هنا .. ايش الفرق .. يعني بعد النفاس هل تحسين بتغيير على صحتك تكون اسوء لانك ما تغذيتي زين و ارتحتي .. طبعا لان هنا لا فيه احد يخدمك و لا شي ,, و اتوقع ان حتى الاكل ما يجيك اكل زين مره .. و ان جاء فهو نادر .. هذا غير النفسيه و التعب و قل العنايه بالنفس بحكم التعب و الانشغال ..

فهل فيه فرق بالصحه او بالنشاط .. او حتى شكل الجسم .. هل يغتير شي .. و لا كله واحد و نعرف الراحه و اللهوم و الغذاء وجوده مثل عدمه ؟ هو فقط راحه للمرأه لكن ماله فوائد ثانيه ؟
هل لاحظتي ان جسمك تغير لانك ما استخدمي اللهوم ؟ هل حسيتي انه صار لك بطن مثلا لانك ما عرفتي او ما لقيتي من يربط لك بطنك .. ؟ او حتى ما لقيتي من يحرصك على الربط ؟ هل عانيت من التهابات او غيره لانك ما تدفيتي او ما شربتي من ها الاشياء الي يغلونها في النفاس ؟ و طبعا معروف ان البرد هنا اشد من هناك ايش تسوين اذا جيتي تطلعين لموعد او شي .. هل يؤثر عليك البرد ؟ هل عانيت من الام ظهر بعد النفاس هنا اكثر او هناك ..

ما عليش لو ابتل اسئل ما خلصت .. بس من جد هذه الاسئله تجي على بالي كثير لان النفاس هناك مختلف تماما عنه هنا فا حبيت اعرف و ياليت اي وحده يجي في باله سؤال تطرحه و خلونا نستفيد ..
يعني ايش الاشياء الي الواحد المفروض ما يستغني عنه ابد في النفاس ..

ياليت الكل يشارك .. انا ما طرحت هذا الموضوع في قسم الحمل و الولاده لانه يهم المغتربات .. و ابي اعرف المغتربات و تجاربهم ..
و ان شاء الله تعم الفائده ...






طييييييين طن ..
جات البتيزاء .. شكلكم نسيتوها :42: :29: