الولادة بامريكا بإذن الله والعناية بالطفل أفضل وأسهل وبتاخدي عناية فائقة وممتازة لو حبيت ....

لكن بعد الولادة ............. صعب جدا تدبير امورك لوحدك

تحتاجين لأهلك أو على الأقل والدتك تكون عندك وتساعدك ......

الله ييسرلك ويكون بعونك يا رب

اهلين فواحة الريف.. سامحيني توني اشوف سؤالك...
بالنسبة لي .. الحمدلله مو ندمانة اني ولدت بأمريكا لحالي.. لأني ولله الحمد تعلمت أشياء كثير.. أهمها الصبر .. بس لو تقولين لي أولدي مره ثانيه بمريكا اقول لا.. لاني نفاسي (من ناحية الاكل) تعبت كثير.. كنت اكل بيتزا وهمبرغر.. ونادرا ما آكل اكل زين..، ولأن صعبة مع بنتي الصغيرة الله يحفظها..
بس شوفي.. من ناحية المستشفى.. يعني الولاده وما بعد الولادة.. المستشفيات هنا خدمتهم ممتااازة و عنايتهم ممتازه.. طيبين والبسمة على وجيههم.. لو يألمك شي على طول جابوا المسكنات.. وطول الوقت الطفل عندهم بس يجيبوه وقت الرضاعة او لو ابي اشوفه.. بس انهم يطلعونك بدري من المستشفى.. يعني الطبيعي ثاني يوم تطلع.. والعملية يومين بس.. انا عملية وخلوني يوم زيادة بعد زنيت على راسهم :)
بالنفاس.. طبعا لو اهلك عندك هذا يكون شي ممتاز.. لانهم بيطبخون لك اكل زين وصحي لك.. وراح يونسونك .. ويساعدونك بالبيبي ...
لو عندك بنات صديقاتك على الاقل يرسلون لك اكل مثلا او يجون يقعدون عندك لو زوجك راح الجامعه... لانك تبين تشوفين احد عشان تغيرين جو معاهم...
لو في مطاعم عربيه.. كان توصونهم يسوون لك اكل مناسب للنفاس....
بس شوفي.. انا اول طفل ولدته هنا ولحالي.. بس حسيتها تجربه صعبة شوي لاكن حلوه الحمدلله...
انتي استخيري... وتوكلي على الله.. ولو عندك اي سؤاااااال لا تترددين احنا حاضرين..
كنت ابي أسألك.. انتي اي شهر الحين؟ ومتى الولاده؟ وهل هذا اول طفل؟ وهل عندك عرب ممكن يساعدونك ..

هو هو هو يا خزياة الناس مجتمعين بموضوعي و انا و لا ني هنا ..
حياك الله فوااحة تفضلي اختي اقلطي

ما ادري اي المواضيع هذا الي فيه بيتزا و لا الله فيه ذبيحة .. المهم اقلطي و مالك الا الي يرضيك ..

انا قلت لك رائي بولادة الغربه .. بالنسبه لو يحصل اروح اولد بامريكا و ارجع في كل حمله ما قلت لا .. حتى النفاس مع انه فيه تعب جسمي و ارهاق و قل اكل بس اهون عندي من اني اكون في دولة و زوجي بدولة ثانيه و ما يشوف طفله الا بعد كم شهر .. الشي الثاني المميزات انه نا فيه تكلف و لا مبالغه بالاستقبال الزيارات محددوده و الضيافه مرره بسيطه و غالبا جاراتك يجيبون ضيافتهم معهم . يعني ما فيه تعب .. و الاكل اذا عندك جارات ما راح يقصرون ..

عيوش .... العمده عندنا يا مرحبا يا مرحبا نورك طفا الكهربا .. وينك يا اختي ولهت عليتس .. عيوش :( ما قريتي موضوعي عن العودة للوطن و الله كان ودي بمشاركتك ,, وودي اشوف انت مثلي و لا لا ..

هلا بالهنديه
الله يبارك بعمرك تسلمين يالغاليه على هالترحيب
عودتك للمنتدى كانت بفترة انقطاعي عنه تقريبا لمدة شهرين
لكني قد سالت عنك في موضوع المغتربات
وقلت لك ان موضوعك حق العوده للوطن شيق لكنه ماشاء الله طوييييييل
قريت بعضه ولا قدرت اكمل الموضوع لكن اذا قدرت وقريته اكيد ابشارك فيه
الجزء اللي قريته فيه اشياء واجهتني مثل ماواجهتك لكن مع الوقت تعودنا غصب علينا ...
مع العلم انا الى الان تجيني انتقادات كوني احافظ على النظام وانتقد بعض المخالفات او الاشخاص اللي مايتقيدون بالنظام
يعني بالعربي اللي يمشي صح ويتقيد بالنظام بديرتنا تراه نص لفه ويعيش بعالم خيييالي

ياعمري والله اني حبيتكم
الله يوسع الصدوركم ويسعدكم