مرحبا

الموضوع حيل عجبني مع العلم ما كلمت قرايته للاخير

حابه استشيركم عن اني اولد بامريكا او ارجع للكويت اولد هناك عند امي
المشكله ماني قادره اخلي زوجي وهذا اول حمل لي وماصار لي بالغربه وايد صار لي بس
6 شهور وانا الحين بالشهر 5
وما اعرف احد عندي جيران عرب لكن للاسف ما اعرفهم الاغلب عوايل كبيره واشوفهم مشغولين مع عيالهم
ابي نصيحه منكم هل تنصحوني اولد اهني بس المشكله ما اعرف للبيبي نهائيا .. او اولد بالكويت عند امي ولو اني ما ودي اترك زووجي

..
.

هلا اختي سيلينا
الف مبروك الحمل
و مشكوره على مرورك
طبعا يمكن من ردودي السابقة للبنات راح تلاحظين اني من المؤيدين ان الوحده منا تولد بالغربة عند زوجها .. احس انه مهم ان زوجك يعيش التجربة معك و حلو تشوفون اول طفل مع بعض في نفس الوقت .. الشي الثاني الولادة و ان كانت صعبة بس تراها عملية طبيعية يعني مئات الالف يولودون باليوم الواحد في العالم و من دون مساعده من احد ,, و بعدين التغيرات الي في جسمك وحده هنا او هناك يعني كل التعب الجسمي و النفسي موجود هنا و هناك .. حتى النوم و الراحة نفس الشي لان الطفل اذا بترضعينه طبيعي ماراح يخليك تنامين حتى بوجود امك ,,
الشي الوحيد الي راح تفقدينيه الخدمة مثل الطبخ و نظافة البيت.. و هذا طبعا مو سهل .. بس المسألة اولويات يعني فيه ناس عندهم استعداد يتحملون و فيه ناس لا هذه الاشياء عندهم ضروره
بس القرار النهائي يرجع لك .. انت اعرف بظروفك كيف نفسيت زوجك هل تتوقعين انه راح يتحمل و يساعدك .. طبعا لا تتوقعين انه راح يدللك طوووووول الوقت لان الرجال عموما بالهم قصير لكن على الاقل يشيل عنك بعض المسؤوليات .. يعني مثلا انا اعرف وحده كويتيه جاره لي في امريكا و حامل في بكرها و وولدت هناك اول ما نشطت بعد الولادة على طول سافرت الكويت تقول تعبت زوجي معصب طووول الوقت انا ما اقدر اذاكر و يصارخ علي و اذا صاح البي بي جلس يصارخ علي اطلعي من الغرفة انت و ياه و ما تحملت .. فا انت اعرف بزوجك
و بعد انت اعرف بنفسيتك يعني تتحملين تبعدين عن زوجك فتره طويلة خصوصا ان هرموناتك راح تكون مظطربة يمكن تكونين محتاجتة اكثر من اي شخص ثاني
فكري زين و استخيري و الله يكتب لك ما فيه الخير

مشكوره

يابنات الله يخليها الي تساعدني

انا باذن الله ومشيئته راح اولد بامريكا راح ادخل لامريكا في شهر الواحد واولد بالشهر الثالث

يعني بعد شهرين فقط من دخولي لامريكا

وانا وزوجي لغتنا الانكليزية وسط

وخايفة شلون اذا اجاني الطلق اقدر اتفاهم معهم اخاف ماافهم عليهم ومااقدر افهمهم واموت ومحد دراني بيه

طيب شنو اكل بالمستشفى اكيد الاكل مو حلال الله يرزقها خير الي تساعدني وترد عليه ماعندي معلومات عن الوضع هناك وخايفة وربي

رفع


يابنات الله يخليكم جاوبوني طلبتكم كيف اولد وانا مااعرف لغه شلون اقدر اتفاهم معهم ساعدوني