وجع حرتني

ترى هي من النوع الي شخصيتهم استفزازيه وماتنطاق ,انتي بس حاولي تتجنبيها وتتشاغلين عنها واتركيها تحرق نفسها بنفسها
وب نفس الوقت لاتقاطعيها سلام وسوال عن الحال من بعيد وبالمعقول يكفي --

شوفي حبيبتي انا حاسه بمعاناتك لأني عشتها ولا زلت اعاني منها

خوات زوجي ياما لعبوا بحسبتي لاني من النوع السااااااكت ولا نفس اخاف حتى ماعرف اركب جمله على بعضها بحكم حياتي مع امي وقسوتها ضعفت شخصيتي غير الخجل والاحساس بالظلم ....فالاخوات استغلوا هالشي رغم انهم متدينات ولهم مكانتهم بين الناس الا معاي انا ينقلب وجههم للشر فجأه وظليت اكتم وامرض

فوق الخمسه وعشرين سنه صرت جده ولا زلت انهاان .... جدام بناتي انهان جدام زوجات عيالي انهان والغريب الله ماعطيني القدره على الابتسامه كأني اشكرهم واتأسف منهم اني خربت مزاجهم ( تفكيري غبي ) قسيت على نفسي اعتزلت الناس والزيارات بسببهم اخاف يعتدون علي وماقدر ادافع عن نفسي وخاصه اني وحيده ماعندي اخوات فهالشي مقويهم علي والغريب انهم يخااااافون من الناس ويحسبون لهم الف حساب يحافظون على صورتهم امام الناس

وسنين تمر علي اياام ما انام من التفكير بكلمه رموها ولا اهانه مقصوده لي وربي سنيييين اعاني

من تقريبآ سنه قلت لي متى وانا اخاف من ردة فعلهم ؟ راح العمر خلاص ... لي متى ؟؟؟؟

جلست مع نفسي وافتكرت كل الي عملوه وحاولت احفظ كم جمله ادافع بها عن نفسي .... مره اتصلت اخته قالت بنجيكي الحين محنا بقاعدين شويه ونروح عاد هم من شهور ماجوني فقلت هذه فرصتك يابنت استرجعي كرامتك الي فقدتيها وتنفست بعمق وقلبي يدق خايفه ماني متعوده لكن الاحساس بالظلم والقهر والاهانه الله لايحسسكم اياه

تأخروا ماجوني حتى بالزياره يستهينون فيني حتى انتظرهم لنص الليل على اعصابي وانا متعوده اسكر بابي بدري

اخيرآ جو كالعاده مجموعه مع بناتهم وقلت لبناتي تعالوا معي المجلس بس لاتقهونهم خلوا الخادمه

جو وتأخرت ماجيتهم المجلس بعدها دخلت وحسيت بقوه غريبه اول مره احس فيها سلمت بدون مانطق كلمه لاشلونكم ولا شخباركم جلست وحطيت رجل على رجل وبديت بالتلبيخ العدل اقولهم الناس الي فاهمه الدين غلط وانه مظاهر امام الناس وقلوبهم سودا الله لايوفقهم ويكشفهم امام خلقه ....ووالله من القهر مدري كيف الكلام يطلع لحاله وهم وبناتهم يناظرون مستغربين هالمنكسره صارت تتكلم ....ولما تكلمت وحده من البنات التفت لها وعيوني مفتوحه عالاخر واشوفها بغضب ماعدت استحي مثل قبل قلت كلام جرحهم وماتحركت من مكاني اوجبهم زي زمان مثل الدرويشه الهبله ....قاموا بيروحون وقفت بدون ولا كلمه وسكرت باب الفيلا وراهم بقوووووه ودخلت بالصاله وانا مرتااااااحه من زماااان مارتحت

بناتي يقولولي يمه ليه عملتي كذا قلت وانتوا عاملوهم نفس الشي من اليوم ورايح اوعوا تضعفوا ترى والله الكلام يطلع بسهوله لما تفتكري اهانتك

ومن يومها والله ماعبرهم اشوفهم بمناسبه اسلم على الكل واعديهم وكل حركه اسويها احس بلذة الانتصار واني مو ضعيفه ليه صبرت قبل واقنعت نفسي بالضعف ؟ والله يابنات المظلوم يطلع منه الحكي بسهوله وكأن حد يلقنه وش يقول

الحين خلاص ارتحت منهم ماعاد فيه علاقه من هذيك الزياره لكن سبحان الله فيه ( احـــتــــــرام ) يحترموني ويكرهوني ماعندي مشكله لان كراهيتهم مجرد حسد اقسم بالله العظيم مش لخطأ عملته معهم لأني وحيده واخاف ولما اسلم يردوا السلام وانا بمزاجي يعني بعزا مثلآ اسلم كأني اوصلهم رساله ان الدنيا زايله ليه نظلم ونهين غيرنا عشان مين ؟


.....................................................

صاحبة الموضوع تكلمي عن نفسك منتي بخسرانه شي بالعكس راح تحترمك وتحسب لك حساب

ومثل ماقالت وحده من الاخوات خلي الكلام القوي عند الحريم حتى تفشليها وتثبتي قوتك ..... جربي لاتعيشي معاناتي بتظل تهينك حتى جدام اولادك بالمستقبل

الله يقويكي بالحق وينصرك يارب

نفالي 
اي والله ليت امي تحط لي مكانه زي ماخالتي معظمه بنتها 
بس امي ضعيفه وحياتها عند جدي كانت قاسيه واتوقع هذا هو الشيء اللي اضعفها فمابي اضغط عليها زياده 


منجو 
والله ماتوقع تخاف من (حسبي الله ونعم الوكيل) بذكر لك مواقف تبين لك قد ايش قلبها حجر وقاسي 


بنت المدينه

خوالي اتوقع فاهمين شخصيتها ومادري احسهم يتجنبونها 

ليمونه 
عشان كيذا انا جايه هينا ادرو حل احس غلطت بحق نفسي كككككككككثيرررررر وكلما اتذكر شلون ذليت نفسي لها احقد على نفسي اكثر

ويبقى الامل 
والله اني حاسه فيك وياشينها لاصارت بين الخوات الله يجبر بخاطرك

بنت قرية  مطر

 والله انك فهمتيها من جد شخصيتها اسستفزازيه وبقوووووووووووه


الشيخه 

من جد انا زيك اخاف احاكيها او ارد بس مو ضعف مني بس عندي ثنتين من خالاتي وجدتي ام امي يحبوني واخاف ارد عليها وتخرب صورتي عندهم خاصه اني احسهم لي سند اكثر من امي مثل ماقلت امي ضعيفه وخاصه انهم مايدرون وش البلاوي اللي تصير بيني وبينها يعني زي لما نجتمع حنا وخالاتي خالتي هذي تقط علي ذبه ولاتجريحه بس كلهم يشوفون انها مزحه الا انا افهم انها شيء ثاني مادري اذا فهمتو قصدي او لا ،لما تصير بينك وبين شخص مشكله كل الناس تفهم حكيه عادي الا انتي توصل لك رسالته على طول 


بقولكم على مواقف للحين حافره بقلبي منها 

اذذكر يوم كنت بالثانوي لابسه فستان للركبه وتحت كيلون اسود وماكان شكلي لافت لاني كنت نحيفه مره راحت وعلمت اخوي الكبير وهي تدري بيننا وبين اخونا هذا مشاكل والاغلب يمد يده علينا؟ طيب ليش مانصحتني انا ولاقالت ل امي!! او عالاقل خواتي الكبار ، اللي يجلط اللحين بنتها دبببببببا مرا وتلبس فساتين لنص الفخذ بدون كيلون ولاشي وجسمها كبير 

موقف ثاني يضحك ويبكي 

اول مابلغت تعرفون صدر البنت اول ماتبلغ يجي حساس مره ويعورها 
المهم كان دايم تقرصني فيه اذا جات بتضربني

والله اني ابكي واصيح بس ماكان ترحمني سبحان الله قلبها مافي رحمه 


مواقفها معي قووووووتني كككثيييير وقست قلبي عليها 
اللحين تجمعت كل هالمواقف بقلبي وابي انفجر فيها وماتوقع ابد يجي يوم وااسامحها هزت شخصيتي كثير خاصه بمرهقتي كانت مركزه علي تدري هالمرحله حساسه