وش رايكم نذكر قصصنا مع الخادمات لاخذ الحيطه والاعتبار

بدايه اي وحده تذكر قصة اما حصلت لها او لوحده قريبه عشان المصداقيه
انا راح اذكر لكم قصة خادمة اختي : (على بالي قصص الف ليله وليله)
هذي الخادمه كانت مثال الامانه والاخلاق مثاليه بطبخها وبنظافتها وباهتمامها بالاطفال كانت سمحه مع الكل تحاول انها ما تتذمر مهما حصل والصدق كنت اشك باختي ولا يمكن اشك فيها
المهم زوج اختي بدت عليه علامات الصرع وشوي شوي اتكلم الجان على لسانه (بسم الله علينا كلنا )
المهم الشيخ اكد انه مسحور طلعوا من بيتهم مؤقتا لانهم كرهوه في ذاك الوقت كانت الشغالة جدا مرتبكه وعلى الرغم من كذا كان الشك فيها مستحيل.
قررت اختي انها تفتش باغراض الشغاله بدون علمها ولقت اسفنجة مطبخ وصخه (ماسحه فيها جزمت زوج اختي وانتم بكرامه ) مغزوز فيها دبابيس طبعا ودوها الشيخ واكد انها سحر والدبابيس تمثل مواقع الالم كل جزء في جسمه كان يوجعه.
فك السحر ومو بس كذا طلعت بعد ساقيته سحر ثاني بعصير بس ربي رد كيدها وبعد شهور من الرقيا الحمد لله تعافى.
ذكرت القصه لان بعضنا يعتمد عليهم بكل شي فالمؤمن كيس فطن.
الله يحفظنا واياكم