وش رايكم يابنات في معاناتي؟؟؟؟؟؟ ام زوجي

ودايم تدخل في حياني طبعا انا اصغر زوجات عيالها وزوجي اخر العنقود
والحمدلله انا ساكنة في بيت لحالي وبعيده عنها تقريبا بيني وبين ديرتهم ساعتين وياليتها 2000 كيلو امانه بنات لاتلوموني

انا وزوجي متفقين أننا ما ننجب لين يصير ولدي عمره 3 سنوات لانني انا وياه صغار في السن
دايم اذا زرتهم ها مافيك حمل ؟ اكيد انك تاكلين حبوب المنع والله يابنات انني من يوم ولدت ماحطيتها بفمي الا حبوب الرضاعه لاني كنت ارضع ولدي

ودايم تقول لي ابي ازوج ولدي والله العظيم اخر مرة قالته لي قبل3 ايام :mad:
ومرة كنت جالسه انا وزجي معها قالت لي انتي بقرة وتخيلي عاد اذا احد سبك عند زوجك وشلون يصير وجهك :44:

e][/

والمشكله انها متسلطه علي يعني اذا رحت للسوق قالت وش يوديك للسوق ماعندكم اسواق هناك وزوجي الا هو زوجي ما منعني :angry2:

تصدقون والله :06: اني قاعده اكتب وانا احس بغصه والعبرة خانقتني
وقبل ما اروح لاهلي بالعيد مريتهم وعايدهم بس سبحان الله مايبين في عيونها
زعلت يوم رحت لاهلي ويوم كلمتها بالتلفون قالت انتي نشبتي عنداهلك بس خلاص ابي ادور لولدي مرة :angry2:

انا وزوجي متفاهميم والحمد لله ويحبني واحبه بس انا متاكده انها راح تفرق بينا

حتى هو جالس تقول ابي ازوجك وانا جالسه ماتراعي مشاعري :

وانا يوم رحت اخذ عمره مع زوجي زعلت :mad:
رغم اننا عرضنا عليها تروح معنا بس سبحان الله الشر والحسد مالين قلبها

ويوم حنا بالطريق راجعين قلت لزوجي خلينا نمر سوق الذهب قال ليش؟
قلت عشان نشري لامك هديه صعبه ناخذ عمره ولا نجيب لها
قال خلاص ورحنا للسوق واخترت لها خاتم ياخذ العقل وحطه بعلبه كشخه
ويوم رجعنا وانا اقدمه لها وقلت لها حقك اكثر من كذا ياعمه بس هذا اللي قدرنا عليه

احزرو وش ردت علي <<<<<<<<<

:(

قالت الله يخليه لي معودني مايروح الا ويجيب لي هديه تقصد ولدها الا هو زوجي وانا صار مالي معروف وانا اللي ذاكرتها :024:
لكن لي رب ما يضيع الاجر بس اجرحتني قدام بناتها

اذكر مرة قالت لي قبل ما نخطبك كانو الناس يقولون انها سنعه وانها مرة طيبه و00و00ويوم اخذنا طلع الكلا م كذب
والله اني رحت لغرفتي ابكي لانني محترمتها ولاعمري غلطت عليها وللمعلوميه انا كبر حفيداتها يعني المفروض تراعي حقوق السن بيني وبينها :09:

ومرة من المرا كنت ملبسه ولدي شورت يهبل وشرابات طقم وكان زوجي جالس واخذت ولدي ونزلت شراباته من رجليه واحذفتها في صينيه الفناجين وصرت كذا :44:

واذا جلسه اتكلم مع حمواتي لازم تتلقف وترد علي رد قاسي
واحيانا اذا سولفت مع زوجي يعني اكلمه عن ولدي والمواقف اللي تصير له تتلقف وتقول وش تقولين؟ :024:

والله اني دايم ادعي عليها لانها معذبتني في حياتي بتقولون ليش حرام
طيب هي ليش مو حرام اللي تسويه فيني والا عشاني صغيره بالسن محتقرتني ومستكثره علي كل شي :angry:

ومره من المرات راح زوجي لمهمه في الحج وقال لي ابي طلب منك قلت وشو امر قال ابيك تجلسين عند اهلي عشان امي تلعب مع الولد :icon33:

والله اني وافقت عشان خاطر عيونه وانا في اشد الحزن لانه راح يطول علينا وفي نفس الوقت راح اسمع كلام يضايقني وانا حساسه وسريعه البكاء لانني ماغلط ليش هي تصر على الغلط :(

وفي ذيك الفتره كانت شغالتهم مسافره والله يعلم كنت قايمه بالبيت مع العلم اني استحي من حمواني بس لاجل عين تكرم الف عين وكان ولدي في ذيك الايام يطلع اسنان ومطلع عيوني ويسهر بالليل ويبكي وتخيلي يصير كل هذا وزوجك غايب :icon33:

وسويت العشاء قالت ليش العشاء مالح والله ثم والله ثم والله ان ماهوب مالح حتى بناتها قالو بالعكس طعمه حلو
ولازم دور علي عيب :angry2:

لكن ما اقول الا حسبي الله ونعم الوكيل
امانه يابنات اذا احد يسب امك وابوك ويسبك وش راح تسوون؟؟


طيب ليش تخطبني يوم انها ماتبيني
اذا تحبوني وحاسين في معاناتي صارحوني وجاوبوني وحلو مشكلتي بس ما ابي قسوة في ردودكم فيني اللي كافيني
ولا ابي احد يقول لي هاذي مثل امك وليش تدعين عليها
لاني ابي اجاوب وابي اقول امك انت تسوي فيك كذا واذا احد ضرك وحرق قلبك ماتدعين ؟ والله العظيم اني راح ازعل عليكم من قلب اذا شفت مثل هذه الردود لاني بكيت كثير بسببها وجاني هبوط في الضغط منها وقالي الدكتور اذا استمريتي على كذا راح يصعب علاجك وكله بسبب التفكير فيها ومواقفها الغير مشرفه
حتى ابوي احس انه حاس فيني اني اعاني منها وعنده خبر عنها لانها معروفه بهذا الشي وخايف علي منها يقول لي خليك بعيده عنها واحترميها اذا رحتي لها
والله يعلم اني بارة وساكته لان لي ولد ولا ابي زوجته بعدين تعاملني مثل ما اعامل ام زوجي000000000 لكن هي اللي دايم تبدا
راح انتظر ردودكم بس ما ابي احد يلومني وانا متاكده ان اللي ماجربت ماراح تحس بمعاناتي مايحس فيني الا المجرب0000000 الله المستعان

بنات امانه ادعولي ان الله يصبر قلبي ولا يفرق بيني وبين زوجي احد حتى لو كانت امه وللاسف انها امه 0

اعذروني على الاطاله بس ما جاني النوم وقلت اكتب عشان ارتاح
والله يعلم ان كل اللي كتبته نقطه في بحر عميق والله يشهد علي

بنــــــــــــــــــــــــــــــــــــــــــــــــــــــــــــات اعذروني كتبت لكم قصتي في اجزاء لانه مساحة الموضوع ما قبلت اني اسرد القصه كاااااااااااااااااااامله عشان كذا جزئتها
وسامحـــــــــــــــــــــــــــــــــــــــــــــــــوني

الله يعينك على عمتك بس شكلها كبيره في السن وشكلها من النوع الي يغاااااااااااااااااار
كان الله بعونها انتى فهمي زوجك وحاولي تكسبيه وهيه لاتردين عليها وخليها تتكلم بكيفها