قضية الحقوق للمرأة ..الحمدلله الاسلام ماترك شي الا واعطي له حقه ...واللي تبغى حقها تقدر تأخذة بما شرع الله .....ولا ننكر ان فيه نساء تحت ولاية ذكور بعدين كل البعد عن الرجولة والدين ...وكل مجتمع فيه الجيد والسيئ من البشر ...وهؤلاء لهم محاكم وانظمة وقوانين متبعة ...تقدر تاخذ حقها عن طريقها ...
لكن سالفة تدخل دول لمناصرة المرأة السعودية وجماعة حقوق الانسان و هيومن رايتسوتش وشلتهم ..ترا كلها كذب وخداع ولا يريدون الا هدم الاسر والالحاد وفكفكة المجتمع ...لو تهمهم المرأة كان شافوا المغتصبات البروميات ...ونساء سوريا العفيفات واطفالهم واللي صار لهم ...ونساء العراق وسجن ابو غريب واللي حصل فيه ...ماشفنا هولاء النساء لهم حقوق او حتى ذكروا ...لانهم خلاص مجتمعات تفككت ودمرت بالحروب والجوع وكل انواع الاذى ....نسأل الله ان ينصرهم انه الواحد القادر على نصرهم ....
اما سالفة البنت اللي هربت ..نسأل الله لها الهداية ...اول الموضوع هي لم تعنف من اهلها ...ولكنها الحدت واضطرت الهروب خوفا على نفسها من حكم الردة ...وانها ايضا لا تستطيع البوح بالامر في وسط اهلها ....ومتأكدة غرر بها من حسابات خارجية ....لغرض ما ..لكن ما نقول الا الله يرحمنا برحمتة ويغفر لنا ولها ويردها اليه ردا جميييلا

اللي يبغى يعرف ويش سالفة الهروب واللي صدعوا راسنا انه هروبها بسبب الظلم روحوا ادخلوا حسابها وشوفوا كيف أول ماقدرت تطلع من المطار طلعت صدرها واتصورت بشكل مقزز
صورتها والله بألف رد على اللي مغيبين ومبرمجين عقولهم عشان يصحوا ويفهموا هذه النوعيةو لماذا لاتريد العيش بالسعودية لماذا لاتتحمل الحياة ببيئة طاهرة نظيفة وتهرب للبحث عن الحياة ببيئة قذرة
والله ماحبيت اتكلم فيها بس الموضوع صار علني وصار يمس ديننا و وطننا وكثرة تعليقات المطبليين لها رأح يأثر على بناتنا الطاهرات
الله يهديها ويثبتها على الحق ويردها سالمة

الله يستر على بناتنا وبنات المسلمين

البعض عندهم خلط بين ولاية الامر اللي محصوره في تزويج الاب بنته للخاطب ، وبين القوامه اللي بين الزوج وزوجته المحصوره بقيامه بخدمة اهل بيته والنفقه عليهم من باب تكليف وليس تشريف ويعمل حاله عنتر وهتلر ..
للاسف الغالبيه فاهمين الولايه والقوامه غلط وغير مدركين للواقع والظلم الحاصل لبعض النساء بسببها .

كمثال بسيط البنت المسجونه اذا خلصت مدة حكمها اهلها يرفضون استلامها وتبقى طول عمرها بالسجن او دار الرعايه ماتقدر تطلع نفسها ولا تعيش حياتها والسبب ( موافقة ولي الامر )

والمرأه الكبيره اللي تزوجت وخلفت وعيالها صارو طولها ماتقدر تسافر إلا بـ ( موافقة ولي الامر ) .

كذلك بعض الجهات تشترط موافقة ولي الامر او معرف في التوظيف والتعليم والعلاج والحمدلله صار تحسن وتغيير للافضل عند الغالبيه


والمحترمات هنا اللي يطالبون اسقاط الولايه المقصد من كلامهم الامور اللي ما انزلها الله في كتابه الكريم انها ضمن الولايه وجالسين يمارسونها على المرأه وفيها تضييق عليها وعلى اسرتها .

المرأه مثلها مثل الرجل لها سن رشد وكاملة الاهلية لا تحتاج من يرشدها كيف تعيش حياتها وتتخذ قراراتها

اما بخصوص المعنفات انا كنت وحده منهم وهذا انا عايشه الحمدلله مرت الايام واستقرت الاوضاع

ويوم كنت اتمنى بيني وبين نفسي اهرب ماكان في تفكيري الهجره ولا السفر كنت بس ابي اهج بالشوارع وارتاح من الهم اللي انا فيه لا خلعت حجابي ولا تعريت ولا هاجمت الدوله ولا كسرت قوانينها الحمدلله ربي يستر علينا وعلى الجميع مو مثل اللي نشوفهم بتويتر ثلاث ارباعهم يطالبون بالتحرر والانسلاخ من الدين والاخلاق وليس الحريه والكرامه .. انا مع تغيير بعض الانظمه اللي تخنق وتقيد المرأه وضد الانحلال وكسر القوانين

معليش احد يفهمني
دول الخليج الكويت البحرين الامارات والدول العربية مثلا الاردن مصر واليمن والجزاير وغيرهم ماعندهم هذا النظام اللي هو الولاية


لكن هذا ماغير في مجتمعاتهم شي فيه عندهم المعنفة والمحتاجة ونسمع عن قتل باسم جرايم الشرف
وش السالفة؟