وش فيكم وش جرى لكم ... نبغى نشوف الابداعات والمواهب ..لمده اسبووع فقط ..حياكم

السلاااااام

وش فيكم انتوا وش جرى لكم

وين الابداعات مهنتكم نسخ ولصق
وزياده مشاركات

تغيرتوا بجد اول لما افتح الترفيهيه الاقي مواضيع جديده وحلوه
وتونس وتضحك ومن ابداعات رهيبه ومبدعات

ترى بجد ملينا وطفشنا

نبي نشوف ابداعاتكم وين الموهوبات لاتستحون تقولون اخاف اتفشل او مدري ايش


لا خلينا نسوي تحدي بيننا وبين بنات الترفيهي نبغى لمده اسبوع اسبوع بس
الترفيهي نخليه كله ابداعاتكم مانبي مواضيع مكرره
نبي نشوف ابداعاتكم ومواهبكم على سطور وصفحات الترفيهي
مواقف قصص اي شي
غير النكت والالعاب هذي مانبي
نبي مواقف وقصص من ابداعاتكم
طلعوا المواهب انا عارفه ان بيننا موهوبات كثير بس ماحد عطى نفسه فرصه
وطلع الابداعات
خلينا نسوي تحدي لمده اسبوع طبعا من بعد اذن المشرفات اذا يسمحون لنا
نسوي تحدي ومسابقه
بيننا
على احلى قصه او موقف او اي موضوع من ابداعاتكم
نبي نكسر الروتين الملل هذا اللي احسه يدخل علينا
خلينا نرجع رووح الترفيهي من جديد
الابداعات مو تحطونها هنا بالموضوع لااا
حطوها مواضيع جديده خاصه فيكم
بس بشرط العضوه ممنوع تكتب موضوعين في يوم واحد
تكتب موضوع وتعطي فرصه لغيرها تطلع مواهبها
انا
اسوي ندااااااااااااااء لكل بنات الترفيهي يشاركون معانا
والمشرفات يعطونا تشجيع

((اذا كان الموضوع مخالف او شي لكم الحق حذفه يامشرفات ))
((كل هدفي هو استرجاع روح الترفيهي من جديد واستخراج المواهب من العضوات
والابتعاد عن المواضيع المكرره او مواضيع النسخ واللصق ))
لنا اسبوع واحد فقط خلينا نشوف مواهبكم وابداعاتكم
وممنوووع منعا باتا انك تحطين موضوع من اي منتدى ثاني
نبي موضوع من ابداعك انتي
اي موضوع تحبين سواء قصه حلوه او مواقف طريفه او اي موضوع يلائم الواحه الترفيهيه
بالابتعاد عن الالعاب او النكت ...
اتمنى تكون الفكره وصلت
وابغى اشوف فيه مؤيدات او معارضات للفكره
حيااكم الله
:26: :26: