سلااااااااااامون عليكم
ويالله تحيي الربعات والنصفات ههههههههه
شفتن وفيت وكفيت ، وعدتكن ان صرتن شاطرات انزل موضوع بعيد الضحيه
المفروض يسمونن ام عيد خخخخخخخ
وحيث انكن هاه وهاه،، يعني نصف ونص بالشطاره نزلت الموضوع قبل العيد بيام قلايل
قبل ما نلهى باللحمان هههههههه
لعيونكن تئبرنن،،و تستاهلن ياصرقوعاتي
اجل تبون اشترك بمسابغة القصيره القصيره !!
نشوف انتن تجزمن عقب هالموضوع أنا اشترك أو تهونن كخ كخ
وه منكن يابنات الواحه وراكن تسذا
هجدتن
وين الحماس اللي قبل فتره؟
الظاهر الواحد يبي يشبك بكن كهرب 220 وعساكن تنزلن لنا موضوعات
وش ابي اقول
وش ابي اقول ايه ذكرت صرقوعااااتي
يصلح موضوع بلا مكدمه
لان المصيبه ماعندي مكدمه
من عنده مكدمه ما تبيه
اللي عنده تعطين الله لايهينه ونطلع انا وإياهاللبر
ونستاجر دباب
ابانشي أو اباتشي حديهن واطاعس به بس ترى مهوب أزين له خخخخ
المهم ومالكم بالطويله << اتحداتس تصيرين عند كلمتس
اش
بس ماعليكن مني اطووول أو اقصر اصلن الموضوع حقي بقيوما على احد مني بكيفي انا اللي اتحكم
يعني اقول اللي ابي اقول واسكت متى مابغيت
<<< ماصارت الدعوة به مذله وتذليل هههههههه
الحين تجمعن همن احتسي . يالله اقعدن كلكن واللي اقول اسمه تقول حاضر
عذيب – موكا – سبلة – نسمه – شموخ – ريوفه – لينا – مدوده – المسلمه –
– سعادة – كسيره-رموووز- ميمو نقطه- اصصصص وهي تعرف نفسه
–ريماس – سكر ذره - معلمه -
مداوية << اما عاد ذي تجي ايه هين عنده خارج دوام صايرتن قهوجيه هالايام خخخخخخخ
ام الصيصان << وذي بعد كابرن راسه عقب البنت
تحسب ما احد جاه بنات الاهي ساحبتن علينا السيفون خخخخام جوريه << انا اقول ام جوريه ياناس وين طست هالمره ماله عّررره
نبي تقرير مفصل عنه او نبي نفصله من الواحه الكركريه وماله أي حقوق أو راتب تقاعد خخخخخ.
زين يالمسلمه قولي ان شاء الله
قلوبه وام سولطان ايه وشبكن طارت عيونكن
مثلكن مثل غيركن حضرن للموضوع اوتسيهايه وش كنت ابي اقول ايه ذكرت ترى عندي شرط قبل لا اندمج بالموضوع
<< الحين تقرق حول ساعه ومابعد اندمجت الله يســــــترررر من الجاي
وش بكن تحلبطن
وش تقولن هاه ؟اقول اصصص ولا نفس لا اطلعكن برا موضوعي
شوفن
شرطي مهوب الوحد تدخل للموضوع وتطلع ماغير تحط اما ههههههههه أو كع كع كع
أو خخخخخخخخخ اسم انه قرت الموضوع وهي ماتدري وش السالفه
لع ولا ونهي الله يعظم اجره ترى الموضوع متعوب عليه
اما انه تقراء بذمة وضمير
أو تطس تكركر بمحل ثاني لا تغثن تروح الله يسلمه عند اللي مهوب صاحين مهوب عندنا
<< تكفين يالصاحيه انتي خخخ
وفيه احد رده بعد يشب التسبد يقول مشكوره
تكفين كلفتي على عمرتس يابعدي
وترى ردتس مايختلف عن اللي يكركر وهو مايدري وش الطبخه
بالعروووبي اللي مهوب قاري لا يقرأ مهوب غصب
بس لا يضيف رد وهو يستذب
يعني انه قرأ وهو ما قرأ ترى التسذب حرام
ويروح لموضوع غير موضوعي ويرد ونفس الطريقه بمواضيع ثانيه
ترى انا ما ابي يدخل بذمتي شي علمتكن<< وش دخل ذمتس بالموضوع
اصصصص الموضوع موضوعي وانا اللي اتحكم ههههههه
شي ثاني اللي عنده ذمة وضمير وتبي تقرأ الموضوع من طقطق لسلااام عليكم
<< ياربيه متى ناصل لسلام عليكم حلم خخخخخ
اقول انثبرن بس
ترى اعرفهن اللي يبن يقرن والله لايخلي منهن ، ترى هن اللي خربنن وخلنن
استمر بالبربسه والكتابة لكن
<<< ووواقرادة حظنا بس كل شي باجره
عاد اذا قريتن الموضوع ابي كل وحده تعلمنا عن تجربة له
مهوب بس انا الي اطلع فضايحي وانتن لع
فضحووو وافضح وترى كلنا اهل قرية وكلن يعرف اخيه
وش رايكن مايسد التصخين وندخل بالموضوع
الا الموضوع وش عنه اساساً تصدقون نسيت << من اوله
اسمعن ومططن اذانكن للسواليف وتبن تعرفن وش عنه موضوعي
أن زين<< ماتسن بوه عنوان للموضوع كخ كخ
هذا الله يسمنكن مرتن من مراريت الايام
رحت لاهلي وصار السيناريو اللي كل مره يصير لاصارت الوحده عند اهله
اكلنا وشربنا وفهينا وسولفنا وتجاهدنا مع ذّرنا
ويوم جاء وقت السريه لدورنا مير نشوف سنون امي
يابعد حيي من الخبه والفرحه لقرب الفرج بتقلعنا لبيوتنا
ماتنلام اميمتي فضخنا راسه بقولتنا
فلان اقعد
فلان وين نعالك؟
وفلان اهجد
وعلان وين شرابك؟
وفلان جمع اغراضك
الا مير انتن مثلنا عيالنا نروح لاهلنا مشخصين نرجع من عندهم مفصخين ؟
هههههههه
المراد طلعنا من اهلي وطقت براسي شهوة اني اشتهي شي
وذي حالة تجي وتسير عليّ أنا أو احد من بناتي وهي حالة مشتهيه اشتهي شي
يعني تحقون بتدوير أي شي يفّرم اصلن مابوه شي محدد بس من زود الفسق
والبطره ودرباة الكروش
.. مير بناتي لاتشهوو يشتهون شي مألوف اما كاوكاو أو حلاو أو عسكريم أو خفايف أو موالح أو مكسرات
اما انا فمابي ملح اشتهيت الله يسلمكن صحن فلافل مشكل
وانا الاكل يويز من حلقي هههههههه
بس صارت هالمره دوري بمشتهيه اشتهي شي خخخ
الزبده أخذت الطلب ومعه خبز صاج ودكن تقلطن معي يدوووخ من حرارته
قلت لسواقي الدلخ عجـّــل بسرعة للبيت قبل لا يبرد
وما قصر احميد شال السيارة
عن الارض ووصلنا للبيت ودخلنا السيارة بالكراش
يوم أقبلت لمدخل البيت دعست أيدي بالشنطه ابي اطلع المفتاح
وأدور المفتاح وابحث عن الكي
اثر مابوش مفتاح
وين صار؟
صار بجيب ثوب أبو دحومي من أمس لأني سلفته مفتاحي يفتح بوه الباب
دخل يجيب أوراق من البيت وكنت معه انا بالسيارة
وكانت السياره مشغله قلت لاتطفيه خذ مفتاحي .
يوم رجع نسى المفتاح معه وأنا نسيت أخذه منه والنتيجة
تنثرنا انا وعيالي بالحوش ليـن جاء هو من مشواره بالليل والفلافل بردت وصارت
ثلج ياسفاب دوري بمشتهيه اشتهي شي
الظاهر الحين ياصرقوعاتي عرفتووو وش عنه موضوعي
يخلين لكم
ايه صح عن النس النس
وش عنه ذكرون نسيت
؟فاصل ونواصل يعني ريضه بكن
هيه رجعت
ايه اكمل لكن السالفه
سمعت الدكتور طارق السويدان يقول : ان الانسان سمي انسان لانه ينسى عاد
وين قال هالكلام نسيت خخخخخخخخخخ لا اتسذب قاله في شريط من مجموعه
اشرطة قصص الأنبياء
المهم بموضوعي ذس ابي ابدع واكبكب لكن من مجموعة من تجاربي مع النسيان
واللي زاد بالفتره التاليه لدرجة ان ابو دحومي
اتهمن اني عجزت ويقول لي يالله حسن الخاتمه
تهقون!!!!
وانا اتعذر اني شافطتن
قارورة الأوكسجين اللي حاطينه لي وقت الولادة
عاد اكثر ماشفطت يوم اجيب أروني .
الجماعه بالمستشفى يبون اشم شوي علشان اتدروخ
وانا اخاف اني قضيت اسطوانتهم كله ههههههههه
يقولون اللي يبلع اوكسجين وااااجد يتعرض للنسيان
عاد هو صدز ؟
الله واعلم ابراي لله
بس انا كل ما اطق عودن عود ونسيت قلت هذا من تأثير الاوكسجين هههههههههههه
الحين نجي للسالفه الثانيه
وخلكن معي وياويل اللي تطـّلع صوت
ترى ابي ادريبيه برى الموضوع وتقعد بالبرد زين
طلعت مره مشوار مع ابو دحومي
ومعنا دحومي كنا راحين نودي جهاز تأبوطه لمركز الصيانه بمكتبة جرجير
اوووه قصدي جرير اللي بالحمراء "حمراء ولا خضراء " هههههههه
كان جهازه مصخن
ابد ماشر بس بوه كم فايروس من اللي يحبهن قلوبكن
المهم طقت تسبدي
مير التفت والقى محل "سعد الدين " حق الحلويات << اكيد اجل حق النعال هههاي
قلت يامره انزلي جيبي حليان للفطور لان الكلام ذا برمضان اللي طلع .
دقيت على بعلي يأبر تسبدي وكلمته اني ابي انزل للمحل ..
يعني حطيته قدام الامر الواقع طفيت السياره ورحت للمحل وانا اللي
اخذ واختار كل شي عندهم ماخليت شي
يوم جيت احاسب وافتح البوك واثر ماهنا
قروش ادور البطاقات ويقعد المحاسب يناظرن ولسان حاله يقول علينا هالحركات
وبوه شايب معه طلب بصحين صغير ويقعد يتحلبط يبي يحاسب ويطلع
والدورلي وانا انبش بشنطتي وارزه قدامهم قلت لعل وعسى يفهمون اني مانيب شحاذه
من حقات رمضان
والشويب هو وصلعته يتحلبط وانا اللي اجي واطي رجله تسني
مادريت قلتعته ابو صليعه
واطلع جوالي وكلمت ابو دحومي . يكز لي قروِش
مع دحومي ..
تدرون ليش ماكان معي قروش وتعرضت لهيك مأف؟
هذا الله يسمنكن لي شنطه جخه لزوم التشخيص ولها الشنطه محفظه قرنقش
. هذيك الشنطه يامداويه اللي جيتكم به وحطيتي عيونتس عليه وقمتي تلمحين
يازين شنطتس يام تابط ياملحه مير اقوم واتميلح عند اهلتس واقول مكدمه
بس تراي اتسذب
بالمشمش مكدمه الخلى كخخخخخ
بس ااني استحيت من اهلتس وقلت تسذا << هالوجه مستحيل يعرف الحياء
المهم اني قبل ما اروح مع ابو دحومي لصيانة جرير كنت طالعتن قبله بيوم
لمشوار وحطيت قرنقشي وبطاقاتي حقات الصراف بشطنة التشخيص
ايه ماتدرون يمكن اشتري عمارة الفيصليه أو المملكه أو عمارتن بالبطحاء
بطلعتي لهاالمشوار كخ كخ كخ
عاد المفروض يوم رجعت ارجع لو البطاقات على الاقل لبوكي ورفيق دجتي
الاصلي << واللي ماله اول ماله تالي وقديمك نديمك حق شنطة ضحيه
وضحيه تخبرونه سبق التعريف به بموضوع مبطي من مواضيعي
<<< راجعووو الارشيف وانتن تعرفن
الله من بطاه خخخ
وشنطة ضحيه ذي به كل حواقيني اطلب تجد مير مكتوب اني انسى
واخلي ابن التسلب ( مشفره )
مايصدق اني مانيب طراره حتى عقب ماعطيته قروشه مهوب مصدق
مير الحمد لله تسنه اقتنع يوم خلى حداء عماله يشيل قشي يوديهن للسياره وشاف سيارتنا
والله يخلف لو اني داريتن انهم مايقدرون الواحد الا بوش عنده يشخص بوه تسان
ملطعتن ريموت البي هم من الشنطه حتى يصدقون اني رزه ( VIP )
مير نسيت نوبتن اوخرى
الشكوى لله مايدرون وش قايلن الاول : الناس مخابر مهيب مناظر
<< وش دراهم عن مخابرتس تكفين ضفي وجهتس انتي ومخابرتس
عاد اقولكن
ترى عادي ان ينسى الواحد ويملح الاكل مرتين او اكثر
او ينسى الدجاج بالفرن يدخل على اساس ان فراخ ويطلع بقدرة قادر غربان كخ كخ كخ
اقولكم شي وماتعلمون احد ترى عرفت وراء غازنا يقضي بسرعه
من ترك عيون الفرن تدهر
افتحه وانسى اصكه والمشكله قدام عيوني لكن اســـــج وانسى اطفيه
ابي اقمز قريب واجي لا تروحوووون