وش هي الحياه ياناس من دون الأطفال؟؟؟

حبيباتي ... لاتقرون العنوان وتقولون عني متشائمة ....
لاو الله اني أحمد ربي ان خلقنا مسلمين نؤمن بالقضاء والقدر ونعلم ان ماأصابنا لم يكن ليخطئنا وما أخطائنا لم يكن ليصيبنا .... ولا الكفار اعوذ بالله من حالهم لو يمرون باللي نمربه من أزماات نفسيه ماعندهم حل غير الانتحار أعوذ بالله الحمد لله على كل حال ... لكن اللي بوصله أن المرأة مخلوق ضعيف جدا وحساسه وغريزة الامومة فينا من يوم حنا صغار نلعب بالعرايس ونسمي اولادنا وبناتنا وحتى مرحلة المراهقة نفكر بأننا نصير أمهات ونحن ونشتاق للأمومة ...
وبعد الزواج ننتظر الحمل بفارغ الصبر وتمر ايام عصيبه وليالي كئيبه وحنا ننتظر ونشفق على الحمل أكثر ونركض لكل خلطة أو دواء أو عملية وأبر بعد التوكل على الله .... نقول نبي نفرح أزواجنا نبي نفرح أهلنا نبي نفرح أهل أزواجنا ...
والحقيقة انك انتي اللي محتاجة الضنا قبل غيرك نفسك قلبك يفرح بنبض جنينك وهو يعيش برحمك وكيف ينمو معك وتتحسسينه وتتمنين اليوم اللي ينولد فيه على الدنيا تفرحين به ويملى عليك حياتك تهتمين به وتلاعبينه وتنسين الدنيا من حولك معه ... والله تنسين زوجك وأهلك وتكونين لاهيه فيه هو هو وبس لأنه الشئ اللي أحتجتيه ......
مثلاً ... خواتي الحين ... كل وحده لاهيه بعياله وبيته ولو يضيق صدري وبكلم وحدة منهم اللي تقول شوي برضع ولدي واكلمك؟؟ واللي تقول بدرس بنتي وادق عليك .. واللي تقول ماعندي فرصه حتى للمكالمات إلا الخميس والجمعة ...
الله يهنيهم لاهين بعيالهم ... وأمي وأبوي من مصلاهم لنومهم وشايلين هم أخواني اللي ماتوظفو ...
وزوجي مرات يشيل معي الهم وأغللللللللللللب الأحيان يطلع ويوسع صدرة مع أخوياه بالآستراحات ويجي تعبان ويناااااااام ... يعني مين اللي حاس بالوحدة والشوق للطفل غيرك ... والله حتى زوجك مهما شفق وتمنى الطفل مايبي إلا اسم ابو فلان :arb: ماهب مثل المره هي اللي بحاجة الطفل مثل حاجتنا للهواء والماء ...
االله يطعمنا ولايحرمنا ...ويملا حياتنا بالأطفال الأصحاء السليمين اللي نلهى بهم زي هالناس ونفرح بهم ..
كتبت هالشئ لان فيه ناس يقولون أطلعي روحي تعالي وسعي صدرك الاطفال ماهم أهم شي بهالدنياء اللي تقول هالكلام معذرةً ( كــــــــــــــذابه ) لان الاطفال هم كل الدنيا هم الحياه يانااااااااس...