( وش يحب مازولتك او العربي ، او عافيه )

.... ....

::::: لكم عيوني يا عيوني لو تبونها في ايديكم ،،،

::::: ولكم حياتي يا حياتي صدق ما تغلى عليكم ،،،>>> احتروني :D

ندخل في الموضوع على طول >>> وحده ما عندها مقدمه تبداء فيها

وحده من البنات اتصلت علي قبل فتره وسألت عن مازولتي قلت نايم

فقامت تسولف معي وتذكرت اني ناسيه الشاهي على النار قلت يوه يا فلانه

الشاهي على النار ابروح اشوفه قالت هماك تقولين مازولتك نايم وشهوله

تسوين شاهي قلت : ابيه يشم ريحة النعناع ويصحى :D >> ذكاء حريم خخخخخخ



>> ام القطاوه حتى براريدنا ما سلمت من قطاوتك خخخخخخخخخ

عاد السالفة ذي ذكرتني بقصة وحده قريت عنها في الجريده السالفه تقول ::::

( ان روز كانت مع زوجها جاك يتمشون في شوارع المكسيك وصار لهم حادث

وجوهم ذوليك اللي في 991 وودهم المستشفى عاد روز ما بها ولا طقه طلعت

على طول اما الضعيف جاك راح في خرايطها على قولهم يعني راح في غيبوبه

وجلس ثلاثة اشهر فاقد الوعي عاد روز من زود حبها في جاك كل يوم تجيء

عنده في المستشفى وتقراء عليه القصص اللي يحبها وقصايد خلف بن هذال

وغيرهم وهو مصنم ما يدري وين ربي حاطه واذا جاء في اخر الليل راحت

لبيتها علشان تنخمد وترتاح >> انا اشهد ان هذا الحب والا بلاش

المهم يوم جاء ذاك اليوم قالوا لها الاطباء ان حالته زادت سوء ويمكن يفطس

في اي دقيزه قامت تصيح وتولول وجلست تقول ( يا ربي وش السوات جاك

بيروح من يديني وانا كيف اعيش عقبه )

ففكرت بفكره >> اجل فكرت بخطه انا ووجهي :D

وراحت وسوت له ذاك الجريش اللي ياكل براطمه وراه وجات للمستشفى

وهمست في اذنه ( جاك قليبي سويت لك الجريش اللي يحبه قلبك ) وأخذت

ملعقه وحطت فيها جريش وقربتها من خشمه علشان يشم ريحته وحطت

شوي على براطمه وفجاءه الا وعيونه يوم فتحت الا وفتح فمه ولحس

اللي على براطمه الا يوم صرخت ونادت الدكاتره وتجمعوا يأكلون الجريش

لا اقصد تجمعوا يشوفونه ويقولون سبحان الله كيف صحى من غيبوبته

وقام جاك وقال ( انا كنت دائما اقول ان طبخ روز يرد الروح فطلع كلامي صحيح )

بنااااااات ترى القصه والله حقيقيه بس انا غيرت الأسماء

وبدعت في الأسلوب امحق الا حست ابو جده :42:

عاد نجيء الحين للزبده من الموضوووووووووع :::::::::

ابيكم يا طويلات العمر تقولون لنا وش الشيء اللي يحبه مازولتك ( زوجك )

والا عافيه ( ابوك ) والا العربي ( اخوك )

يعني وشهو الشيء اللي اذا سويتيه لهم يلبون كل طلباتك وهم مغمضين

سوءاَ كان طبخه او عمل يرضيهم ......................

عاد انا مازولتي يموت في شيء اسمه كبسه وشاهي اخضر

ياليت احد يخترع لنا بخور بنكهة الكبسه كان اربع وعشرين ساعه

متسمر في البيت :41: ادنبشه بالحلال خخخخخخخخخخ