وش يكون شعورك اذا انضرب طفلك من اي طفل

بالنسبة لي عادي.. أهم شي مايكون فيه إصابات..

لان عيالي ممكن يضربون عيال الناس..

فليش أصغر عقلي وأزعل.. :)

بس انا عيالي مايطقون ابدا
ولايدافعون عن انفسهم

وغالبا اصابات

للاسف ماعندى اطفال
انا اشوف ضرب عن ضرب يفرق
يعنى الضرب البسيط ممكن يتحمل
اول جونا ضيوف وبنت اختى عمرها تقريبا سنتين
وضعيفة ماتعرف تدافع وجاء ولد في الروضة ودفها على الدرج وانكسر سنها وانشقت شفايفها " تحتاج عملية " وانفخت ودمان وحاله فظيعة ولسانها مرض
واختى مسكينة ماتت من الفجعة
وانشغلت فبنتها واسعافها
وام الولد لا خااااااااصمت ولا ضربت ولالالالالالالالا شيء جلست وكملت الهرجة عااااااادى
بنت اختى الى الان بين فترة والاخرى توجع شفايفها وتورم وتنفخ
امى الله يسعدها ويفرج همها دائما توصي اختى استحملى هذولا بزران ماعليك لا تزعلين طولي بالك
بصراحة مرت اخوى لو بنت اختى تصقعها صقعة صغيرة وماتألم تزعل هي واخوي لا ويضربون الصغيرة بعد
وكل ماراحوا ولا جو يقولون اف فلانة ضربت بنتنا
الله يرزقنا حسن الخلق

مشكورة اختي على الموضوع

اذا حد من عيالي يالي شاكي ان حد ضربهم
اول اقولهم شو صار ... واطلب منهم التروي والسكوت بعدين يتكلمون على اساس افهم

المشكلة ان ابوهم غير عني
من ضربكم
ويسب ويهاوش
ويمكن يدور على الياهل

انا عارفة انهم بحاجة الى ان يشكون وبعد شوي بيتراضون وبيلعبون

واذا حد من الجيران
اقولهم ان هذيلة جيرانا ولهم حق علينا والله يسامحهم
واللي يسامح الناس الله يسامحه

وما احب اذا حد ضرب عيالي يردون عيالي ويضربونه اكره هذي الصفة احب ان يكون بينهم
تسامح

والحمدلله ان ماصار شي كبير
وهذا امر عادي وكل الاطفال يتضاربون

ومرات اطفالنا هم اللي يغلطون ويحصلون ضرب

والسموحة

ومن بينزل مستوى عقله لمستوى عقل الاطفال !!!

بعدين مصير طفلك يمد يده ويظرب غيره وش بيكون موقفك هذا السؤال الاهم ؟؟

يعني المفروض ام الطفل الي يضرب تمسكه وتعاتبه وتضرب يده لو ضربه خفيفه ع الاقل قدام ام الطفل المضروب علشان مايصير بالقلوب شي ولا تدعي ام المضروب على ام الضارب وطفلها :11:

والاطفال يتضاربون وكم دقيقه ويرجعون ماكنه صار بينهم شي
والمصيبه الكبار الي يزعلون ويقاطعون بعض سنين :11:

اللهم لك الحمد :(

..

.