السلام عليكم ورحمة الله
وأهلا بالجميع

ما ضفت شي المدة الماضية لأن أغلب الأكل كان مكرر
ورح ضيف الجديد اليوم

على فكرة بنات كل مرة بدخل بدي أكتب شي وبنسى

زوجي كانت بتجيه حرقة بشكل شبه يومي بالمعدة ومن بعد ما صار أكلنا بهالاسلوب اللي بكتبه يعني البهارات شبه معدومة الاستخدام عندنا ( مع أني بموت بالبهارات والدهون ) وكمان بطلنا السمن واللحم المدهن . وصرنا منكثر من وجود الخضراوات والفواكه بالبيت بعد ما كنا أغلب تسوقنا سناكس وحلويات .الحرقة عنده أختفت تماما.

والشي الثاني اللي بقوله خلال اليوم قطعي دائما خيار وطماطم وتفاح ونجاص وناولي الطفل بايده وهو عميلعب طبعا الأرض راح تاكل أكثر منه بس مومشكلة كل ما رمى قطعة خذيها وأعطيه غيرها .

مريومة بعطيعا العنب الناعم اللي بدون بذور بتعضة وبترمية وأنا بقعد ألم وراها الحبات بس المهم بتاكل شوي

منجي للأكل

عشان خاطر الأخت العزيزة اللي طلبت الحلو رحت قلبت بهالكتب ولقيت وصفة حلوة جربتها وطلعت طيبة ومو كثير حلوة رح أكتبها إذا حبيتو جربوها

2 بياض بيض تخفقيهم كويس مع إضافة ملعقتين سكر شوي شوي لين تتكون الرغوة تضيفي 4 ملاعق مربى أي نوع ( أنا استعملت ملاعق صغيرة عشان ما كثير تحلى ) بعدين تضيفي 50 غرام لوز أو بندق أو جوز مطحون ناعم جدا ثم 120 غرام شوفان وتحركيهم كويس بعدين تفرشي الصينية بورق الزبدة وتصيري تاخدي بالملعقة من الخلطة وتحطي على الورق بعدين تشويهم حوالي ربع إلى ثلث ساعة على حرارة 160 وتتركيها لتبرد وتقدم .

الغذاء أمس

بصلة خضراء مفرومة تقلب بزيت زيتون حتى تصفر بعدين تضيفي لحمة ناعمة وتقلبيها معاها ( كان نفسي أعملها بالدجاج أحلى بس صايرة بخاف أستعمله ) لما يستوي اللحم منضيف كوسا مقطع جوانح ومنحركة ونتركه شوي بعدين منضيف طماطم مقطع شرائح ومنحركه معا الخليط بعدين منضيف شوية عصير طماطم وشوية ملح وحوالي نصف كاس ماء منحرك ومنغطي الطنجرة إلى أن تستوي وعملت جنبها رز بالشعيرية
وطبعا خلطت أكل مريومة بالخلاط لأن القطع كبيرة وعجبتها

كمان حاجة بنات أظنها معروفة بس رح أقولها لاأفضل أنك ما تستعملي الخلاط الكبير ( تبع العصير ) لخلط أكل الأطفال لأنه رح تضطري تعملي كمية كبيرة وترميها .
الخلاط المناسب هو بيسموه هون مساعد المطبخ بيكون مثل قدر صغير إن شاء الله عرفتو قصدي . أنا بخلط فيه وهو نفسه بعتبر صحنها يعني بفك الشفرة وبوكلها منه فورا.

والسلام عليكم

غداءنا اليوم
خضار مشكله ( بطاطس, قرع, جزر, كوسه, زى ما تحبى)
سلقتها كويس بشويه ماء مع رشه ملح خفيف و تركتها الى ان تستوى ... فى هذا الوقت كنت احضر الباشميل2 ملعقه دقيق مع ملعقه زبده و ملعقه زيت .... نسخن الزيت و الزبده و نحط الدقيق ثم نحرك الى ان تتكتل الخلطه و نطفى عليها و اتركها تبرد شويه.... اكون وقتها حضرت الحليب ممكن من حليب الأطفال الخاص ... انا الصراحه استعملت نيدو ... نصب الحليب على الدقيق (طبعا الكميه حسب السماكه حوالى 100 ملم لكل ملعقه و نحرك الى ان يصبح الخليط متجانس ثم نضعه على النار و نحط نص مكعب ماجى مع التحريك المستمر علشان ما يكلكع و خليها ع النار الى ان تغلى غلوه مع التحريك (اذا حسيتى انها سميكه زيديها حليب) انا افضل لنها تكون خفيفه شويه اسهل لهم فى الأكل... نتركها تبرد شويه و نرجع للخضار اللى بردت نهرسها بالشوكه و نضيف لها الباشميل الكميه حسب الرغبه و بالهناء و العافيه...
بنات تراها سهله بس انا حطيت الوصف الممل بس و الله ما اخذت ربع ساعه لتحضيرها و حبوها البنات كثير و الصراحه هى كثير لذيذه