تسلمى حبيبتى ... الله يخليلك بنوتتك الحلوة و يكبرها

تصدقى احنا مشكلتنا الخوف...
انا كمان كثير امنع عنهم اشياء و اقول اكيد ما حيعرفوا ياكلوها ... و بس نروح عند اختى (خبره عندها 4) تعطيهم اكل و اشوفهم ياكلوه ...
الظاهر اننا لازم نتجرا شوى و نعطيهم و اللى ما حياكلوه اكيد راح يكبوه ...
( السبب الثانى انى ما احب انهم يوسخوا البيت ههههههههه اللى يسمع يقول انا اللى بانظف... بس يركبنى مليون عفريت اذا شفت شئ وسخ :( و مع الأطفال الواحد لازم يتحمل علشان يتعلموا

السلام عليكم ورحمة الله

وأهلا وسهلا باللي انضموا معنا وألف صحة على قلب الحلوين اللي جربوا أكلاتنا

تويتي وكليهم لحمة بالعافية إن شاء الله هون كنت بشتري لمريومة مرطبانات باللحمة الضاني من سن الست شهور
بالهنا يا رشروش لجوجو وما شاء الله عليها بتاكل موزة واثنين كيري وبتقولي عنها ما بتاكل أنا يوم ما بتاكلي مريومة ربع موزة بشوفها تحفة ولبن وجبنة ما بتذوقهم عشان هيك بضطر أحطهم بالعجينة

رح أكتب الجديد حالا

مبارح عملت معكرونة بالسبانخ واللحمة

لحمة مقطعة صغير تحمر بالزبدة بعدين ضفت عليها علبة سبانخ مجمدة ( طبعا إذا عندك طري أفضل ) حركتهم مع بعض بعدها ضفت قرص ماجي بالخضار ( مع أني ما بحب ضيفة للأكل بالعادة ) وبعدها حطيت حوالي أربع ملاعق كبيرة طحين وحركتهم سوا وبعدين ضفت ماء وحليب وحركت حتى صارت سماكتهم متوسطة بعدين ضفت عليهم معكرونة مسلوقة وشوية ملح وبالعافية

وبشوفكم بخير بكرة

الله يسلمك