السلام عليكم
مين جرب خلطة حور الجنان للشعر اللي اسمها وصفة الحنا العجيبة بالاعشاب المطحونة لعناية مكثفة للشعر ومغذية وعلى ضمانتي الشخصية
واللي مو عارفها ذي الموضوع تبعها
السلا م عليكم ورحمة الله وبركاتة
اخواتي العزيزات كثير من البنات يطرحون ويستفسرون عن حنا الاعشاب التي تباع في العطارين وفي الاسواق وعن نتائجها العجيبة للشعر انا راح اعرضها لكم ووبلاش بدون مقابل ولا وافضل بكثير من الي موجود في العطارين وعلى ضمانتي الشخصية كل الي اتمناه يااخوات الي نفسكم فية يتحقق بأذن الله اهم شي الاستمرار
مكونات الحنا بالاعشاب راح تكون كثيرة بس والله عجيبة وصدق على مسماها للعناية المكثفة والعميقة للشعر وانتو الي تحكمون ياحبايبي
**المكونات** اهم شي تكون مطحونة ناعم مرا بنات الكاس يكون حق الجبن الصغير
2كاس حنا يمنية او من المدينة المنورة
2كاس سدر ناعم
2كاس عشبة الياس مطحون ناعم
كاس عشبة المشاط ناعم
نصف كاس بقدونس مجفف ومطحون ناعم
نصف كاس جرجير مجفف مطحون ناعم
كاس بصل مجفف مطحون نام
كاس ثوم مجفف مطحون ناعم
نصف كاس مطحون الرشاد ناعم
كاس مطحون الشعير ناعم
كاس حلبة مطحونة
كاس مطحون محلب
نصف كاس إرطا مطحون - الاحمر الي يوضع مع اللبن ونشربة
نصف كاس ورق الغار مطحون ناعم
نصف كاس قشررمان مطحون ناعم
نصف كاس خميرة فورية مطحونة ناعم
كاس مطحون قرنفل ( مسمار) ناعم
نصف كاس دارسين مطحون (قرفة )
نصف كاس ترمس مطحون ناعم
كاس مطحون الاملج ناعم
نصف كاس ورق المرمية مطحون ناعم
نصف كاس مطحون بذر القطونا ناعم
بنات والي يحس ان الكمية كثيرة بس والله عجيبة بفوائدها للشعر واذا حسيتي انها كثير قللي الكمية بس بالتساوي
بس والله فوائدها رروعه للشعر وعلى ضمانتي يااخوات
تنطحن كل المكونات على حدة وتوضع مع بعض في علبة زجاجية وتوضع المكونات في الثلاجة بس وقت استخدامها تاخذي المقدار الي يكفيكي من الوصفة وتغلي موية الكمية الي تحدديها لشعرك فيها بصل تصفية وتعجني فية الوصفة وتخمريها من الليل وفي الصباح تضعية دة 6 ساعات ويشطف بالماء اول وهو رطب دهني شعرك بزيت سمسم مع زيت خروع فقط اليوم الثاني تغسلية بالشامبو فقط يعمل الطريقة هذي مرا فقط كل سبوع لاغير بدون زيادة اونقصان
دعواتكم لي بالشفاء يااعز اخوات في عالم حواء
الله يشفيها قواوا آمين
اللي جربتها هل تنعم الشعروالا بس كثافة وطول لانى مايهمني غير النعومة لاني شعري متعبني جدا وماابغى اشتري مكونات الخلطة
ويطلع ماتنعم الشعر وابتلش فيها
لو هي تنعم الشعر فعلا لو هي في اخر الدنيا راح اجيبها
رجـــــــــــــــــــــاء اللي جربتها تقول؟؟؟؟؟؟؟
امل بعد الم @aml_baad_alm
عضوة فعالة
يلزم عليك تسجيل الدخول أولًا لكتابة تعليق.
#همس الحياة#
•
رفع
الصفحة الأخيرة