وصفه سحريه وبسيطه لإزالة الهواء والكرش وللنفاس للقيصريه

بسم الله الرحمن الرحيم
بنات اليوم بحطلكم برنامج نفاس للولاده القيصرية سهل وبسيط وأنا من كثر ماتشتت من برامج النفاس الكثيره تعبت ودخت وخصوصا أنكم عارفين اللي والده قيصريه مو أي شيء ممكن تآكله لأن يصير حار على الجرح وتعبها وبعد لأن حركتها قليله علشان العمليه وهالبرنامج مافيه لويه وخبه وتعب
واللي تستفيد من هالبرنامج تدعيلي.
والله العظيم اني أنا بنفاسي هذا حيل تعجبت من سرعة النتائج الإيجابيه اللي شفتها مع العلم أنها بينت علي من ال15 يوم الأولى والنتائج أهي« 1•خفت الكرشه بشكل كبير
2•بطني شدت وفتح لونها بسرعه
3•نظفت عدل من الدم والوسخ عزكم الله. 4•كانت حركتي سهله والجرح الحمدلله بسرعه جف

مع العلم ان هذي ثاني قيصريه لي والاولى ماكنت عارفه وكل وحده كانت تقولي رأي وكان نفاسي موعدل حتى بطني مأخف بس بولادتي الثانيه ومع استخدام هالبرنامج كان التغير موصج والنتائج سريعه الحمدلله وأتمنى الكل يستفيد••

البرنامج ••
1 أول مأطلعين من المستشفي أوبعد مايشيلون خيط الكبس التجميلي تستخدمين الخوا جوا على الجرح بقطنه وتشترينه من العطار ويكون خالطه مع شغلات ثانيه ويبيعها جاهزه بنص دينار مخلوطه وخالصه ويكون لونها أحمر سائله تحطين منها بقطنه وتمررينها على الجرح كله وحوالينه

2 قشررررررر القهووووووه
وهذا أهو سرازالة الكرش موطبيعي موطبيعي فضيع يطلع الهواء ويخفف الكرش وينزل الترسبات قطع مع العلم ان اللي والده قيصريه يكونون منطفين الرحم عندها ومع هذا قشر القهوة ينظف حيل
طريقته: تشترينه من محلات القهوه والتمور ومعروف باسم قشر القهوه
تفوحين ماي لين يسخن بعدين تحطين ملعقتين كبار قشر وتخلينه يطبخ شوي مثل القهوه


وتكونين حاطه بالمطاره شوي زنجبيل مبشور وحبه حلوه الشومر وتصبينه فوقهم
وأنا أشرب منه طول اليوووووم كل مأخلصت مطاره سويت لي ثانيه


3 الزعتر والنعناع
تفوحينهم وتشربينهم يهدون الأعصاب وينمون ويطردون الغازات وحتى الجسم يرتخي


4تمر مع حبة البركه ورشاد مفيد حيل للتخلص من الغازات والرشاد يدرر الحليب


5 بالإضافة الى الأكل وأنواعه لأن لازم النفاس ماتفضى معدتها أبد


6خلطه تدهن فيها البطن
مكوناتها زيت الزنجبيل واللوز المر وزيت زيتون وزيت الخردل وزيت حبة البركه تدهن فيهم البطن لي فوق الجرح ولأزم قبل أي شيء تستخدمينه للبطن تكونين مطهره
الجرح بالخوا جوا لين يجف بعدها دهنئ بطنج ولبسي شيء يكون قطن وضيج شوي وادفي لأن راح تحسين بأن بطنج يطلع من حراره لوجود زيت الزنجبيل بالخلطه
فوائده تخفف التشققات وتنحف وتشد وتوحد اللون ويزيل السلولايت


هذا أهو البرنامج بشكل مبسط وأنا لاستخدمت دارسين ولا كبو ولااشياء ثانيه لأن هالكم شغله البسيطه فادوني واكتفيت فيهم الحمدلله وشفت نتائجهم والأهم من هذا كله الرضاعه الطبيعيه رضعي كثر ماتقدرين لأن راح تشوفين بعد كل رضعه للبيبي ينزل معاج دم هذا لأن الرحم قاعد يشد سبحان الله وسلامتكم





منقووووووووووووووووووووووووول