وصف البعير الاجنبي لجدتي

يالله حيهم وبقهم ومن خيرك عطهم

المراد

بخش بالماضوع دغري


هاك اليوم وانا جالسه اقهوي جدتي بالحوش وقدامنا التلفاز وحاطين على الجزيره الوثايقيه

المراد

ماطولهاا

ولا يطلع برنامج عن حيونات وبعارين وخير من ربي ولا جدتي ماعجبها من هالحيونات كلها غير

البعير الاجنبي .؟: وتقول لي

هي: ابك ياشقحه علام بعيرهم هاللون
انا: اجل وش تبين لونه اخضر بيج يهبل بس لو انه مخطط بأحمر يطلع شي
هي: تحذف علي الفنجال .. يمال الغباا اللي مدري وشلون قايل طالعتن على امك غبيه
انا: جدا هوب هوب عن الغلط ترى هذي امي
هي: مالت عليتس انتي وامتس الا قولي وليش هالبعير له سنامين علامه
انا: بقولك القصه جدتي .؟.

اول شي صلي على النبي زور ابن الزرزور اللي عمره ماذبح ولا مدري شسوه المهم زور
ذبح بقه وترس سبعت جدور . ألخ

جدتي: اخلصي علي لا هلحين بالنفنجال اخليه يلعب بضهرك
انا: خلاص بقول والله بقول


انا: كان يامكان في قديم الزمان كان في بعير اسمه مدحت هذا البعير مدحت ما كان له سنامين بس هالبعير كسوول مره ما يطيع احد مغير منسدح على النهر ويشرب الماء ومعه كاس عصير ليمون بالنعناع مثلج

المراد ايه ولابس نظاره سوده وكان ثوبه بيج مقلم بكحلي انتي معي..

والله لو تشوفون شكل جدتي مصدقه مندمجه مما خلاني اكمل لها السالفه ..

المهم

مدحت خوينا البعير جااه واحد وروضه وثمن خذاه وراح يتمشى وانت يالخبل تدرين وش كان مسوي

جدتى : وش مسوي .. مندمجه

انا: تصدقين يا جده انه قاعد على السنام ماله ومنزل رجوله على رقبته عشان كذي رقبته منحنيه
جدتي: ايـــــــــــه عشان كذا

انا: اسمعي لاهلحين ماخلصت السالفه :
وبعدين وهو يمشي ولا يشوف خويه موقف يبي يركب عبري كان ياخذه معاه وركبو كلهم على السنام
وبعده مشو خطوتين ولا يلاقون خوي لهم من مبطي مو شايفينه طايحن ميت عطش ويركبونه معهم
وكلهم على هالسنام المراد

والبعير يتحرول ويجيه بلاوي ............ رقابه

وهو مستحمل تصدقين وعقبها السنام انقص نصين ظهره انقص المراد

وهم مارأفوه بحاله ومن ثمين طلع خوينا هالبعير حااامل كان بيولد ماهو قادر

جدتي: ابك وين صارت بعير حاامل

انا: وانتبهت للغلط المطبعي لالالالالا كانت الناقه زوجته حامل وولدت وهو مو عندها من يبي ينفسها هلحين

المراد وزوجته تجيب ولد سبحان الله ياجده
وجدتي: متروعه وشوو
انا: طلع ولده نفسه له سنامين
جدتي: ابك ابك ابك يااااااااااااو الورع راح
انا: تقولين ياااااو ماتقولين الولد طلع له سنامين
جدتي: وبعدين"
انا: والمرض لا هلحين مانتشر مغير الابو وولده
جدتي: اي
انا: وتشوفه جارتهم هاك اليوم بالسوق يشتري شعير وبلعه لزوجته توه المعاشات نازله
جدتي: اي
انا: وتقعد تضحك عليه ضحك كررررررررررررركرررررررررررررخخخخخخخ وضحك خلت السوق كلهم يضحكون
جدتي: يمال الغضر ضحكت عليه ربي يبا يبليها
انا: اسمعي الهرج يقولونك اقطع رقبة الرجال ولا تقطع سالفته
جدتي: اسلمي
انا: لا انا مسلمه اصلي واصوم
جدتي: شقيح كملي
انا: المراد وانتي يالجاره كانت حامل وتجيب لها بكره وطلع لها سنامين وكل اللي ضحكو بالسوق ورعانهم طلع لهم سنامين

ومن بعدها صار يطلع للهفصيله سنامين كله من ضحك الجاره


جدتي: شقيح تضحكين علي
انا: افا ياجده هل عهدتي علي الكذب
جدتي: اجل حنا عهدنا غير ذالك
انا: اخس ياجده والله انك تعرفين تكلمين عنقريزي
جدتي: صحيح صحيح علام سنامه قايل كذا
انا: انتي قولي علام ظهرك منحني جدا عقب ماهو مرتكز
جدتي: من الكبر وخلقت ربي
انا: هااه انتي قلتها من الكبر
جدتي: وتكذبين علي من هاليوم ... طبعا لم نخلو من مسط جدتي بالعصاا

انا: لا جده بقولك السالفه الجاره ماضحكت بس شفتي الثالثه اللي ركبو ظهر البعيرانتي يا مدحت ركبو ظهر البعارين كلها

جدتي: اذهبي لا هلحين بدبغك باللي معي

بس شرايكم بقصتي اصلح كاتبة قصص خخخخخخ

المهم


وجاااااااااااااااو جاااااااااااااااااااو