وصلت غرفة نومي وضاق صدري بسببها

مرحبا بنات اول شي ابغاكم تدعولي  قرب موعد ولادتي ربي يهونها علي 
زي مو مكتوب بالعنوان اليوم وصلت غرفت نومي الي اشتريتها وقد ماقدر زينت غرفتي بالابيض والنور الملون وكل شي حلو ستاره ومفرش نجف وانوار عشان نفسيتي فيها تكون مرتاحه  بس مافرحت فيها بالعكس اهوا جالسه ابكي انا قلبي واجعني
غرفة نومي بيت اهلي مو بيتي تركت بيتي وتركت الماضي كله ادور اي شي اضيع فيه وقتي وانا طالبه الطلاق من زوجي  كل يوم يمر علي اقول هانت ربي يفرجها 
انا ماخليت لي شي بيت زوجي كل شي اخدته وغيرت حتى رقمي افتكر بكل لحضه الي عشته واللوم نفسي انا كان المفروض اتاخد ذا القرار من زمان كثير بس ليش جواتي متالم ومتضار اقول لنفسي مو هوا دا الي تبغي مو عمرك ضاع مع انسان ماقدرك خانك وحب واتزوج واخد يومك واخد دموعك وزعلك وفرحك ليش ازعل ليش الهم والغم ركبني عشان تركته لها ولا عشان انا ماحبيت احد قد حبي له ولاقدرت انزعه من قلبي 
امي كلمته قلتله بنتي تبغى تتطلق قال ان شاء الله اخر الاسبوع كدا اتخيلو طيب اساسا متوقعه منه كدا لانو انا ابغى كدا بس كيف اكمل حياتي طبيعي ولاكانو ساير شي كيف امحي الماضي وكلشي تعشعش بعقلي قد ماتركت زوجي ورجعت بس المره دي غير ماخليت شي بيتي ورقمي غيرته واخدتلي غرفة نوم بيت اهلي وانا مالي اسبوعين او حتى شهر مدري ماحسبت مابكيت ولا ندمت بس اشياء جواتي خانقتني تعرفو ليش تركته بدا الوقت عشان قرب ولادتي انشغل بالالم الولاده انشغل بفرحت جيت ولدي كل دا انا من فتره خططتله بس ارجع واسئل نفسي ليه انهميت ليه اتضايقت