وصلت معه المواصيل يصور بالجوااال!!!

السلام عليكم ورحمة الله وبركاته
اخواتي والله اني خجلانه انزل موضوعي لكن قلت يمكن الاقي حل مايخليني اطلع السالفه برا البيت انا وزوجي لنا حوالي 15 سنه وكل هالسنوات في صراع مع هذا الزوج تصرفاته دايم في عجله اوقات يتصرف مثل الاطفال اتحملته سنين طويله صرت ماعاد اتحمل وارد عليه وزادت مشاكلنا وصل الموضوع لمدة اليد وحلفت ان مديتها لاسجنك وصرنا حاقدين على بعض اذا زعل مستعد يسوي اي شي يحبسني في البيت ويرفض يطلعني يعني يقلبها ذل وصرت اطنشه ولاعاد افكر اطلع او اطلبه شي طلبات البيت يجيبها لكن بطرف النفس ويرميها رمي كنت افكر اطلع من البيت واطلب الطلاق لكن عيالي واهلي الي رافضين هذي الفكره اجبروني اتحمل الوضع وعشان عيالك وهالكلام الي انتم عارفينه صرت اطنشه احقره واقوم بعيالي وطلباته نادر ماانفذها صرت حتى الاكل اسوي الشي الي مايحبه وانا والله ابي اذوقه واعامله بنفس اسلوب المذله لانه ماغيره من سنين يعني طلباته ماتمشي نفس الاول مع اني يشهد الله اني سنعه والكل يشهد لكن خلاص الوحده لا لقت الجحود تستخسر فيه والله حتى لما يكون راضي وارضيه انه يستخسر الكلمه الحلوه فيه مره ارسل على الواتسب الله يعطيك العافيه وليته ماارسلها لاني حسيتها ثقيله يقولها بوجهي
المهم ............!!
لما اهملته صار يمسك الجوال ويصور غداه وعشاه واذا لقي شي مونظيف يصوره انا انصدمت يابنات يعني ماتوصل الخسه والحقاره فيه لهالدرجه يعني ماخذه اسلوب اشهر فيك !!! يعني توصل فيك انك تطلع اسرار البيت وتشتكي وتقول شوفو غداها وبيتها وش هالحقاره !!! الرجال اذا الحرمه ماتوفقت معاه طلقها وراحت بحالها مو تكسر عينها !! ادمي زي هذا بالله عليكم كيف اتصرف معاه والله اني افكر بافكار اتعوذ من ابليس تكفوون دلوني انا كارهتته ومستحيل قلبي يصفى عليه يوم من الايام جرح والله مايبرا كيف اتصرف معاه والله اني استحي اقول لاي وحده انه صور قلت له عيييب هذي مهي مرجله ولاهي حركات رجال اتريق على كلامي وراح تكفون دعواتكم يابنات