وضعي كل ماله يسوء

يابنات انا من شهر جاني الم بالمعده ومعاه وساوس وقل نوم ماعاد اتحمل حياتي ولا زوجي ولا بنتي بس تسوي شي قمت بكل صوتي اهاوش واضربها واحس بالم قوي بالمعده وبعدها اهدا واندم واقول ليتني صبرت ولا ضربتها احس اني انسانه بدون قيمه وحياتي مالها معنى اتمنى اموت ماصار ودي اطلع ولا مكان ومع هذا الالم انا اجلس صاحيه للظهر وانام بالغصب لين المغرب نوم خفيف ما احس اني اتعمق بالنوم الصباح والليل مايجيني النوم حتى لو واصلت يوم كامل كان نومي عادي انام الصباح اصحى العصر انا فيني خوف من الليل ما احب ذا النظام نهائي ملل وطفش مو طبيعي زوجي ماعنده سالفه الا غيري نومك قومي الصباح اطلعي امشي وحركي نفسك وسوي فطور وغداء انتي من عرفتك هذا نومك وهذا روتينك رافضه التغيير يابنات مع ذي الارق اللي فيني وهو يضغط علي زياده وهو نومه معفوس له شهرين ينام العصر ويصحى اخر الليل بس يقول عادي انا اعدله بس انتي لا وبنتي يكون البيت نظيف وتقلبه في دقايق وانا هذي الفتره اعلمها الحمام ومضغوطه منها بشكل اذا سوتها بنفسها يرتفع ضغطي واضربها غصب عني يارب سامحني ماني قادره اسيطر ع عصبيتي رحت كشفت عند دكتور باطنيه قالي عندك القولون العصبي وعطاني حبوب تهدي وتساعد على النوم والحبوب والله ماسوت شي يجي وقت النوم احس بنبض في بطني والم براس المعده هو الم خفيف لكن مزعجني وتعبت نفسياً لدرجه افكر بالمستقبل واقول ماراح اقدر ادرس بنتي ولا انا قد مسؤوليتها طول العمر مدري وش ذا التفكير الغريب وخايفه عليها وخايفه زوجي يتركني واجلس اهوجس واقول انا مالي قيمه وحياتي لازم انهيها زوجي صار يغسل ملابسه بنفسه ويطبخ لنفسه انا مالي خلق لشيء فكرت والله اني اطلب الطلاق اعرف ان هو مجرد شهر بس احس اني صرت جسد بدون روح وهو كل شوي موديني المستشفى وطفش مني قبل كنت اطبخ واغسل واسولف واضحك فجاه كل شي تغير فيني تعب وودي اصرخ وابكي اذا فضفضت لامي ماتعطيني مجال ولا وتاخذ وتعطي معي بس تقولي اقري قران واتعوذي من ابليس انا ابي افضفض اتكلم واحد يسمعني ويطبطب علي واحس بالراحه ماحد يفهمني تكفون كيف اطلع من ذي الحاله وارجع شغفي بالدنيااا😭😭