لمبة حا111رتنا @lmb_ha111rtna

عضوة

وطـني الـحبـيب وهـل احـبـو سـواهـوو

:heart:

يـــامــرحــبا ترحـيـــبة كــلهـا لـــش
تكسيش من راسش اليا حد ماطاش
من قلب مهـيومــن بحبـه صـفالـــش
يلعبـّه الغربيـل الـيا سمع طــريـاش

السلام عليكم ورحمة الله وبركــــاته

يسعدلي صباحكـون مساكون يلـي بدكـون أيـاه
>>>> يقـولون اني فـاشله بـالموقدمـات من شان هيك رح فـوت دغـري بـالموضوع
>>>>> ووووه ياشيـن العنـز يوم يتلبـنن

كل ادمي في هالدنيا عنده حلم..سواء كان هذا الحلم معتبر ولا كان هالحلم ماله داعي
وسخيف مثل احد الأخوات حلمها مثل وجهها..تقول حلم حياتي اقول نكته ويضحكون عليها الناس مليت من الكسحات والفشايل..في الحقيقة انا صارحت هالبنت وقلتلها ان العيب مو بالنكته بحد ذاتها وانما العيب في وجهك يختي وجهك يلهي الواحد :icon19: حاولي تصدين وانتي تلقين النكته وتمشي امورك تمام والحمد لله وضعها الحين احسن بكثير..

نرجع لموضوعنا..بالنسبة لي حلمي من يوم كنت كبر هه(صورة جحّة موقفينها بالطول)
كان حلمي اسافر الخارج .. ودي اسافر لبلدان الخضرة والماء والوجه الحسن ..بحياتي ماشفت
بحيرة ولا نهر..الله يسامح الوالد لاقلنا له نبي نسبح ونطافش بالمويه فتح لنا خزان الما المصدي
نتنقع فيه لين تكرمش يدينا كان ودي اشوف غابة بحياتي ..كنت اشوف
الثلج بالتلفزيون واقول لأبوي يبه تكفى ودي اشوف ثلج ودي اتقلب عليه..يجاوبني ابوي بإستهزاء..
افا عليتس ماطلبتي شي روحي افتحي فريزر اللحم وتقلبي بيدينك ورجلينك

وكما تعرفون اعزائي الشخص الذكي هو اللي يعرف وشلون يحقق حلمه..ومايحتاج اقولكم اني
انسانه ذكية جدا ..أصلا انا من كثر ذكائي فصلت من المدرسة تخبرون العين حق والواحد ألزم
ماعليه ذكائه ..المهم بما اني ذكية جبت لي خطة ماتخورّش الميّة..معتمدة اعتماد كلي على
سياسة النق والزنّ وكلاهما فن لايتقنه الا العظماء..قعدت أزن على راس ابوي يوميا وعلى قولة
المثل كثر الدق يفك اللحام ..

يبه تعرف وش لغة العالم اليوم..
ابوي: وش؟
اللغه الأنجليزية يبه اللي مايعرف انجليزي ياكل تبن هالأيام
ياخي هاذي لغة العالم كل ابوه اذا ماتعرفها كنك أمّي..
ابوي: أمّي ولا أبوي
رديت عليه وانا اذكر نفسي بعذاب اللي يعق امه وابوه ويلخهم بكاس المويه :dry:
يبه الله يهديك قاعد تنكت وانا أكلمك بموضوع جدي..
ابوي: جدي ولا جدتي
مسكت كاسة المويه و..(إيه وش تحسبوني بسوي مهمن كان هذا الوالد
يتميلح ويثقل دمه زي مايبي ومالنا الا نحب راسه :heart: ) مسكت كاسة الموية
وشربتها وطلعت انام..

جلست لمدة شهرين وانا ناشبة لأبوي بموضوع الأنجليزي وانه احسن شي اننا ندرسه بالخارج
وان المدارس هناك شديدة مرة وأشد منه من ناحية الحرص على الطالبات وان البنات مايطلعون
من السكن الا ومعهم مشرفة والسافره السعوديه بكبرها..وهه كنه بدا يقتنع وقالي
خلاص انا موافق تروحين بس بشرط تروح اختك معك..عاد أختي وش اللي يقنعها تروح معي
ماهي وجه سفر ..وبعد تفكير عميق عرفت وشلون اجيبها..رحت للمطبخ
وسويت ذيك القهوة المحكورة وحلى السينمون الكذاب بالصامولي واروح لمها اتدحلك..
هلابالغالية هلا والله بسندي وقت الشدايد..أختي طبعا تفاجأت ومن حقها الصراحة لأني
معودتها على الدقمة والأخلاق السياحية :cool: ..قلت وانا ادف حلا السينمون الكذاب بقرطوع قهوة.
.اقول ياقلبي ترا الثقل صنعة
مهو زين كل هالتشفق يضر بالصحة وانا أختس..

هالحزة صراحة شيطاني كان تاكي قلت الحين انتي ماتشوفين العالم تطورو وقامو يتكلمون
شوي فرنسي شوي انجليزي شوي بنقالي ماعاد احد يتكلم عربي .. وبيني وبينك الناس
الحين قامت تطلع وتمشى وحنا محكورين بذا البيت ويقولون ان به مكان اسمه باريس
ان كانك بتروحين مكان محد يمنعك جعلك مارجعتي .. بهاللحضه اختي عيونها نطت بحضنها
أختي: صدق والله!..وينها باريس ذي وعسى مافيها هيئة بس :humm: ..

أنا: من جدك اي هيئه هناك مايعرفون ربهم
اختي وهي متشققة ازاريرها مدري اساريرها من الفرحة : بالله أبوي يوافق ..
أنا: افا عليتس أختس ذيبة ..ابوي قايل اسمحلكم تدرسون انجليزي هناك انتي واختس..والله ونتجهز ونحجز ونضبط جوازاتنا ونكلم السفارة الفرنسية..وهناك صارلنا موقف بايخ مرة
سألونا وش الغرض من زيارتكم لفرنسا قلنا ندرس انجليزي عاد الموظف فطس علينا ضحك
وقال أصلا ثلاث ارباع الفرنسيين مايعرفون انجليزي وبحكم اني ذهينة لفّيت الموضوع بحركة تنم عن فيض من الفطانة والدهاء وقلت له:ومن قالك انّا ما نعرف هالشي..حنا اساساً نبي نضرب عصفورين بحجر نبي نتعلم انجليزي وفرنسي وزي ماانت عارف اللغة الأنجليزية لهجتها أسهل من اللغة الفرنسية وعشان نتعلم فرنسي لازم ناخذها من ألسنت الفرنسيين انفسهم بعكس اللغة الأنجليزية لو يعلمكيها
هندي عادي تفهم عليه..وسبحان الله كنه فهم الخنبقة اللي قلتها وأقتنع :humm: ..

ويجي يوم الرحلة ..قعدنا نودع أهلنا وهاتك صياح ونياح وتجلس امي توصينا..عليكن بالستر
يابنياتي ولا تطلعن للشارع الا وانتن مغطيات عيونكن وابوي يوصينا هو الثاني..يابنات اسمعن
كلام المشرفة اللي تقوله يمشي..وطبعا حنا ماغير سمّ يبه سمي يمه..ونقعد نخمخم اهلنا

شوي ونركب السيارة متجهين الى المطار..وهناك مشت امورنا بسلاسة لين دخلنا الطيارة ..
عاد وحنا بالطيارة حللنا ام التذكرة..عصير رايح وعصير جاي مخدة تحت راسي ومخدة تاكية
عليها ومخدة داستها بشنطتي هذا غير مواعينهم اللي جمركناها ..المهم يوم قربنا نوصل
قلت لأختي:
شوفي ترانا محناب نازلين بذا العبايات وين الحجابات اللي عطيتك طلعيها
نلبسها الحين..أختي:أي حجابات..لاتكون ايشاربات اخواننا السوارية اللي عطيتيني قدام نطلع الطيارة..
أنا:إيه اشاربات السوارية وينها هي والدبابيس أم راس لولي ..
أختي بإستهتار مفعم بدلاخة:رميتهن يازيني وانا لابسه ذا الخرق :freak6: ..
فما كان بوسعي الا ان دبجتها دبجة هزت الطيارة هزة لابأس بها..صاحية انتي وش اللي رميتيهن
حلال ابوك هو الحين وشلون نطلع ..مانقدر ننزل بذا العبي والنقابات..أختي:ترا الظرورات تبيح
المحرمات انا دارستها بالفقة عادي ننزل الحين كاشفات شعورنا وبعدين نشري حجابات
لاوصلنا السكن نستغفر وما عاد نعودها ..

يـتـبع ــــ

( اللي بايعتها خليـها تـرد قبل اخلص هذرتـي )

يلزم عليك تسجيل الدخول أولًا لكتابة تعليق.

تسجيل دخول

لمبة حا111رتنا • 18 سنة

وحيل الله اقوى نزلنا لمطار باريس الدولي والهوا يصك بوجهي ..الحقيقة أول خمس دقائق من

السفور كانت صعبة..لكن بعدين الله الله
ياصلاتي عالنبي وكل ماناظرني رجّال حطيت يدي على وجهي بحركة تمويهية :rotaeye:

وصلنا السكن ..عاد السكن فلة حجاج غير ماتوقعنا تماماً..المشرفةالفرنسية عجوزن منتهيه
لوتدفها جاها شلل رباعي والطالبات فالين ابو جدها وما عليهم من أطلق شنب..وحنا طبعا

هذي هي الأوضاع اللي نقدر نعيش فيها ونبدع مثل البكتيريا بالضبط ماتقدر تزدهر الا في بيئة

معينة ..

ومن صباح اليوم التالي قاعدين انا واختي نفطر كوروسان وموزاريلا وحركات ..وألاحظ ان
اختي تبوسم وتناظر الساعة..داهمتها بسؤال مباشر:وش بتس عسى ماشر ترا التبوسم من

غير سبب قلة ادب..اختي:مااضحك عليك يالخبلة بس مستانسة .. وانا بالله بالله وش له

مستانسه .. اختي : مواعدة وحده من خوياتي الشقران بالمول اللي جمبنا .. كان اقول ايه

تمام بجي معاك منها اتمشى ومنها اتعرف على خويتك :icon30: .. ناظرتني اختي بنظره تقول ياذا

النشبه وقالت : لاماينفع انتي خليك هنا ذاكري المذاكره مفيده وانا بروح للمول ..
وانا شفتو اللي يحك راسه بصبع رجله كذا صار شكلي والله ماهي داخله مزاجي ذي البنت

ماهي وجه سفر لو تاركتها هناك احسن لي وللزمن .. المهم نشبت في حلقها لين رحنا المول

المول اقل مايقال عنه انه تحفة معمارية..مكشوف عالهوا الطلق هذا غيرالماركات العالمية وغير
اللي يبيعون فيه انواع الذرابة ..كل ماتدخل محل يضيفونك شوكولا وبنجور مدام وهيدا
بيلبئلك وهيدا بيعئد<<قامت تخبص :huh: ..وانا واختي ندخل بمحل ونطلع من محل لين دقت خويت

اختي الشقرا عليها ..
وقالت لها انها تنتظرها عند البوابه .. اختي:شوفي بقابلك قدام ذا المحل عالمغرب يالله باي..
انا:ووووين بروح معكم انتي وخويتك..
اختي:ظفّي وجهك تبين هالشقرا تشوفك انتي وذا الشوشة.
انا:يختي اخاف اقعد لحالي..اختي:والله لوانك بسوق حجاب يومك تخافين تلفتي حولتك كلهم
ناس يقوطرون وداعة :laugh2: ..
انا:اوكي بس لاتبطين..وانا اللي جاني فوق راسي الشيطان الاحمر ويقول يابنت الحلال اختك

وراها شئ روحي الحقيها يايبنت الحلال اخاف تسوي شئ من وراك ولا هه و هه
وانا اللي الحقها بتخفي وانزل وراها لين وصلنا عند باب المول .. وياجعلي ماوصلت
اثراها ماجالسه تنتظر الشقرااا جالسه تنتظر الاشقرررر .. ياويل حااالي العيون خضر مدري زرق
والشعر اشقر وذا البياض واقف جمب اختي كنهم روميو وعبله :dozey: .. المهم وانا ولا كني شفت شئ

رجعت للمول وانا شايله هم اختي والعنز اللي معها وسبحان الله الشيطان مهوب هين جلس

يزن فوق راسي ويزن قال ورا ماتشوفين لك عنز انتي الثانيه . وانا اتعوذ من ابليس . وابليس

فوق راسي .. وانا اتعوذ منه .. وابليس مصر على رايه .. الين قلت امرنا لله
وانا اللي متجهه لذاك المحل ويصقع فيني ذاك الاشقر وتطيح من يده كيسته .. وانا اللي اصرخ

بوجهه وجع انت ماتشوف .. اثرا الشيطان فوق راسي يقول يابنت الحلال ذي فرصتك وبعدين

تكلمي فرنسي زي العالم .. وانا اللي اتاسف له واشيل كيسته كان يناظرني بنظره مهيب

صاحيه ويقول لي ميغسي :pinklove: ..

عفــوا انـقطع الارســال .. >>>> ياشين اللي يقطع اللحضات الجميله

ملاحضه : ترا اللحضات السعيده اللي ماهي بترضي الله ماعمرا تدوم >> ورا ماتهجدينا
المهم وارجع للمكان اللي تواعدنا فيه انا واختي وانتظر والاخت ماحست فيني
وانا اللي انزل واخذ تكسي ومدري وش صار المهم اني انخطفت بالاخير مدري كيف فتحت

عيوني اثراني في سجن والسلاسه بيديني ورجولي واجلس اصارخ وازعق ولاكن محد حولي
شكلهم يحسبوني ارهابيه وانا قسم ان دعست على نمله ارحمها ..
والتفت يميني اثراني اشوف وحد نايمه ومتغطيه بعبايتها واقرب جمبها واسحب العبايه بشويش

عن وجهها وانا اللي متوقعه بيطلع لي فرعون وكنكم عارفين طلعت اختي .. كان اناظرها واخمها

واقول انا اختك وش بلاك ساكته كان تناظرني وتقول وش تبين اسوي لك ارقص لك .. في هذي

اللحضه جاني احساس ان هذي ماهي اختي او انها اختي وفقدت الذاكره :huh: ..

وبعدها جلست فوق راسها اقرى عليها المعوذات وماتيسر من القران .. كان تقوم وتناظرني

وتصرخ اختتتتتتي وتخمني .. وانا اللي اقول بقلبي بدري وانا اختك .. بالله ماتقولين لي حنا وين

كان تقول حنا بغونتنامو للنساء فقط .. وانا اللي العن الساعه اللي جابتني هنا والساعه اللي

وافق ابوي نجي فيها والساعه اللي سافرنا فيها ووووو الساعه اللي كتبت فيها هالموضوع >>

بتتسطر الليله

ونجلس انا واختي نخطط للنحشه وكيف بدنا نهرب وشو بدنا نعمل :confused: وانا اللي افكر وافكر وذيك

الفكره الجهنميه اللي تجي على بالي .. ناديت الحارس وقلت له بلييز لاهنت ابي اروح للباث

روم .. وهو اللي يفتح قضبان الحديد وانط انا واختي بوجهه وناخذ السلاح منه ونربطه بالسلاسل

وسطرناه تسطير الين حلف انه يعتنق الدين الاسلامي .. وانا اللي ادوس ببطنه واحط رجلي

واهج ومن مخرج الطوارئ على شارع كلنتن . .واوقف اقرب تكسي

وماهي الا دقائق قليله وحنا لامين شناطنا و عفشنا رايحين للمطار وحنا لابسين عباياتنا

وبراقعنا ومتسترات ومتجهين لديرتنا الغالية وحنا نردد

وطـني الحبيب وهل احـب سوااهووو روحي وماملكت يداي فـداهوو :hearts:

عسى الله لايخلينا منه .اللهم آآآآآمين.. :biggrinlo

:: :

منســــمه • 18 سنة

خخخخخخخخخخخخخخخخخخ
امحق من رحله كان استترتوا احسن
تسلميييييييييييين على القصه الرائعه

قمر على هيئة بشر • 18 سنة

تسلمين على القصة الروووووووووعة

"الريم" • 18 سنة

ـهههههههههههههههههههههههههههههههـ

الله يرجكـ..

والله شــي.. ـهههههههههههههههههههههههههـ

لمبة حا111رتنا • 18 سنة

مـنسمـه :

هه هه :dozey:

ربك ارحم :huh:

الله يسلمك :icon20:
_______________

لـوحه فـنيه :

هش بس لايـسمعك احـد :buck:

______________

قمر على هيئة بشر :

الله يسلـمك بس بشـويش عالبورد وانا اختـك :biggrin2:

________________

"الريم" :

هه هه

داا إيــه داا :freak6: لاتـرا ازعـل عليـك بالله خليك راعصه هنا
ولاعـاد اسـمعها منـك ثـاني مره

حيـاك الله :dry:

برافيت للجميع : ترا جـاني احبـاط نسبي واحسـاس يقول وش ناطل وجهـك في الواحه :unhappy: