وظائف شاغره هلمو إلى عشوقه

السلام عليكم ورحمة الله وبركاته

وششششلونكن عساااااكن بخير (يابعدي كلكم والله أحس أني مششششتاقة لكن واااااجد)>>> هذا وهي ترز وجهها عندكم كل يووووووم ...

الموووووهم اليوووووم عدت والعود بإذن الله احمدو ... >>>يهين لاأحمدو ولاخالدو بس خلصي هرجكو ..

المووووووهم جبت لكم معااااي قائمه بالوظائف السنعه رغبتن مني في دعم قطاع سعودة الوظائف(يوووووه ماتشوفون حالها يوم سمعت الوليد يقول عندي وظائف لقطاع النسسسساء يوم افتتح أفرع المملكة السسسسبع >>> تخيلت انها دخلت جو في وضيفتن مضمونه لا وتزيدكم من الشعر بيت قامت هواجيسي توديني وتجيني لراااااااتب واشياء كثيره وماقطع هالهواجيس إلا كلمت وميمتي يابنيتي قوووومي الله يسسسعدسسسس اقلي البيض)>>> بيض ذا الحزه يمه قولي عشاء من برا لأني توظفت عند الوليد ..

نعووود لمحور حديثنا(ويا كثر ما أسطح والله) ..
الوظائف على الشكل التالي ..وطبعاً أنا أنتظر منكم ترشيح بعض العضوات لها وسأقوم بنظر في ملفاتهم في قادم الأيام >>اخسس يا لمهمة .

الوظيفة نمبر ون:
1-حارسة أمن الواحة الترفيهية ..(نظراً لعدم تفرغ المشرفات المسئولات عن هالقسم وإلى كل وحده تقول كلن على همه سرى وأنا على همي سريت >>> قلبتها سامريات الأخت هع هع هع ..
قررنا الآتي (البحث عن موظفات لحين تفرغ المشرفات وحتى إشعار آخر..ولازم تتميز حارسة الأمن بتالي:
-ان تكون مصرقعه درجه أولى ومشاركه في مواضيع الهبال وتجتاز اختبارات القبول في كليه ا لصرقعه والخبال (وأن تحمل شهادة خبره)>>> تبي تعجزكم والسلام هههههاي.
- القدرة على الحفاظ على ممتلكات الاعضاء من مواضيع وغيرها ..
المميزات والمزايا لهذه الوظيفه (سندوشت لبنه وزعتر + عصير الربيع بارد >> جالسة تأكلها ) لاتقولون نبي منها لأن هذي سبيشل بسس لحارسة الأمن لاااا لها منا عشا لست اشخاص من مطبخ عالم حواء مجاناً طوال فترة توليها المهمه .

2-حاضنه أطفال (عشان الولايد مايشيلن هم طول فتره الولاده >>أياكي اعني واسمعي ياجاره ماهنا مشاكل المهم تكون أنفاس المصرقعات الكباريه معنا ..وأهم شيء بالحاضنه أنها تجيد أمور اللكاعه والخمبقه يعني تكثر من النفاق قدام امهات هالوراعين وتدهر قدامهن عشان الدعايه طبعاً ومافيه مشكله أن الحاضنه توري هالورعنه نجوم الليل بعز الظهر بعد مايتوكلن على الله امهاتهن. .. (المزايا ) عدد 3قواطي حليب نيدو + عدد 4حفظات اطفال من بامبرز بمقاسات مختلفه )>>> وش دخل هالمزايا بالموظفة بسس..ولها منا تامين كامل على جميع قواها العقليه المنسمه والمنتهيه إذا ضربت فيوزها طبعاً>>> وش الفايده.

3-منظمه حفلات ورحلات للعضوات المصرقعات الشروط كتالي:
1-تنظيم الحفلات بشكل اسبوعي بمنتدى الهبال والاشراف على التذاكر والمبيعات (والنص بالنص طبعا ).
2-تنظيم مواعيد كبارالمصرقعات ..
3- تنظيم رحلات لجميع انحاء العالم واختيار المكان المناسب لقضاء وقت يسود فيه جو الهبال والخرش والقرقه..
المميزات 1
- الذهاب الى كل الرحلات والحفلات بدون ما يدفع ولا فلس ( مجانا)
2- نصف مبيعات تذاكر الحفلات في جيبه غير البخشيش .

4-عدد2موظفات استقبال

الشروط 1..
- تعريف الاعضاء الجدد باهمية الصرقعه والتنسيم ودورها في الحياة عامه وعلى الفرد خاااصه

2-التاكد من تنسيم كل من يدخل الى الواحة الترفيهيه وان مخه مضروبه فيوزها كلها.

3-ان يكون لبسها يدل على انها خبله 100% وعقلها ريح في خرايطها..

المميزات
1- حضور جميع اجتماعات المنسمين والمصرقعين وحفلاتهم ورحلاتهم


5-موظف علاقات صرقعه عامه>>> يمديكم بس على مسمى الوظيفه والله انه شيء
الشروط 1.>>> من جمبها ماهنا معرفتن تامة بها الوظيفة شكلي بتربع على عرشها يعني هالوظيفه (محجوووووزه)..
المميزات ..
1- بعثات ودورات في اكبر دول التنسيم الكبرى مثل الهند وطاجاكستااان0

6-عاملات تنظيف لجلي وتنظيف الواحه من كل غبار وكل قديم يستفحل من بعض العضوات إلى يجيبن العيد قبل حله (وأنا والله أولهن) الموهم أن هالعاملات يكونن عندهن مناعه من الغباااااار لاو مناعه قويه بعد لأنهن بيشوفن شيء يهد الحيل .. والمزايا لهذه الوظيفه (عدد 100كمامه في اليوم + عدد100قفل في اليوم + كل أدوات التعقيم لأن الوضع بيني وبينكم يحتاج مكافحه قويه).

7-دختورات للكشف عن صلاحية المصرقعات وبث روح الصرقعة في دواخلهن بين وقت وثاني لأن ربعنا الله يستر عليهم يايجمدن مره ويا يجيهم مرض الصرقعه التكعيبي مره الموووهم أهم شيء نبيه من هالدختررر أنه يقدر يفجر طاااااااغات المصرقات في كل وقت وكل حين ..
واتمنى من اللي تجد في نفسها الرغبه في اي وظيفه ترسل سيرتها الذاتيه لي ومعها شهادات الصرقعه التي حازت عليها..
وان شالله بنقولكم عن المقبولات بالوظائف بعد سنه من تاااااريخه

واللي ما تبي وظائف ياليت تتكرم وترشح لكل وظيفه المصرقعه المناسبه

مع خالص تحياتي لكم كااااافه


مبروك مقدما للفااااائزيين بالوظااائف




مكتب شئون الموظفين بمنتدى عالم حواء..
فرع متدى الهبال والصرقعة)قصدي الواحة الترفيهيه).

سلاااااااامووووون.:23: