وظيفه في مشغل

للمساعدة ..

يا قلبي ما يحتاج لها شهادة ما دام تبغي تشتغلي بس ما تفتحي مشغل لنفسك لانك تحتاجي وقتها لشهادة ،، تروحي عادي للمشغل و تكلمي صاحبته و تقولي لها لو عندكم شغل انا اعمل مثلا تسريحات او مكياج و هي تسوي لك اختبار تقولك سوي لي تسريحة او مكياج و تشوف شغلك او توريك مكياج في صورة تقولك سوي لي زي كده ، او انتي مكيجي بنات و صوريهم لها ووريها في جوالك و هي تشوف شغلك و تختبرك ،، حتى لو امية و ما عندك شهادة المهم شغلك يكون نظيف ،، و اذا انتي حاسة انك لسه مو شاطرة خذي لك دورة مكياج و تسريحة بس في مشغل كويس و اتعلمي ، افضل شي تكلمي صاحبة المشغل تقولي ابغى اشتغل عندكم شهرين بدون راتب و اتعلم القص و المكياج و التسريحة من العاملة عندكم و بكذا تتعلمي و تكسبي خبرة و بعد شهرين تلاقي وظفتك عند نفس المشغل ،،
انا بنت اخت زوجي متعلمة للمتوسطة و هي شاطرة في المكياج بس ، كانت تحس نفسها موهوبة في المكياج و دخلت دورة شامل بس هي حبت المكياج اكثر و بعدها اشتغلت بدون راتب لمدة 6 شهور لين صارت شاطرة و راحت لمشغل ثاني مشهور و اختبروها في المكياج و صارت تشتغل عندهم ب 2500 ريال و في المواسم 3500 بس شغلها مكياج مالها في التسريحات الا وقت الزحمة يطلبوها و دحين صارت تسوي فالبيت للناس يجوها ، وكمان تطلع للناس اللي تعرفهم بس مع امها ،، و تقول مكسبها في الشهر كله على بعض تقريبا 5000 ريال بس هي لهلوبة و شاطرة ، في البداية كانت بالمرة ما تعرف تتصرف و شخصيتها ضعفية بس دحين صارت شاطرة ، و كمان صارت تسوي تسريحات و فتلة و تنظيف ،، بس شغلها الاساسي و يطلبوها الناس للمكياج ،، و اول ما بدأت كانو يعطوها بالنسبة و بعدين 1500 و بالتدريج لين وصلت 3500 ،، يعني اكل الزبيب حبة حبة

اب