من غيركم كني بيت بلا ليت .......في ظلمة الاشواق عانيت ماودي اطول عليكم السالفه واسال عن الحال والاحوال << عين قويه وماهنا وقت
المهم في احد الضحويات
<< نسبه الى الضحىقدمت معروض طويل لابو الشباب
التمس << الله يحرسني علىها للغه ويتضمن انه يوديني لا حد الاسواق الفخمهعشان اشتري شويت اغراض لزوم العيد
وقلت ابد مابي غير محيلن واحد هو خاص مايدخلنه غير الحريم ودي بشويت اغراض لاهنت
يابو الشباب وعقب الترجي وحب الايدين والخشوم<< حقيقي مو زي الدره
وافق وختم المعروض بتذمر ونرفزه
حيث انه يقول مايكره بالعالم غير اثنين امريكا والسوق
المهم دخلنا بسم الله عليكم ذيك السوق وتوني بالردهه
قال لي : كم تبين من الوقت؟ قلت بسم الله على امة محمد يارجل انا ماامداني اقول ياكريم قال: اخلصي وبلا هرجن فاضي
تعرفيني مااحب الدواجه قلت بعد خوف نفض ركيباتي انه يقول لي بطلت ماهنا سوق : نص
ساعه يالحبيب << لايهمكم هاذي لزوم السوق
ونحوس وانا وراه مغمضه
<< بالعيد
ابد وعيونكم ماتشوف الا النور ماهنا الا ورعان ماسكين بديهم كروت ارقام فوق ال 200
حق ترقيم البنات وبتلاقيهم الله يخلف على اهاليهم مربطين روحهم بها البدل كانهم حلوى
بدره والكشه متر قدام اللهم ياكافي السو
والباقي ياحظي حاطن على راسه شماغ تقل حيه كوبرا ويمشي ماهنا حدن قده وانا ورا ابو
الشباب وابو الشباب يتحسب طول الطريق وانا قلبي برجولي خايفه يقول مالقينا المحل شالو
مشينا <<< كلن همه شقا اللي له واخيرا مسك ابو الشباب احد الهنود وطلب منه يدلنا على
المحل وبالفعل وصفه لنا << اللي يشوفهم يقول يدورون قلعة وادرين والهندي يوصف وهو
بدكانه من الخوف من كفيله مو زينا بياعينا بس دواجه بالشوارع
حتى الهنود علموهم زيهم
المهم قلت له شوف اجلس على الكرسي المقابل للمحل وانا ابدن مانيب متوخره حدي نص
ساعه اذا مو اقل يابعد عمري << ندهن السير لزوم السوق وكان فيه على الكرسي ولد
صغير عمره حوالي تسع او عشر سنين جلس ابو الشباب جنبه ودخلت المحل ومن الحظ
الردي ماحصلت الغرض وطلعت بعد ربع ساعه شكله داعي علي خخخخخخخ
ويوم طلعت من المحل
7
7
7
7
يتبع
ويمهن رجال مقفي عمره حول الخمسين عاد خويتكم قالت بنفسها ابدن هذا مو ابو الشباب
ورحت ادوره بنواظري مالقيت غيره قلت ياربي هذا حلاياه بس انه يضحك ياويل قلبي
الرجال قبل شوي عاكلن حلاياه وش اللي يضحكه لايكون وحده من هالدلال << نسبه الى دلة
اللي لابسات فرنسي مرقمته واتحسف ويقوم فكري يودي ويجيب
وتشتغل نحلات افكاري
وواويلي انا اللي جبته للنار بيدي <<< حرمه تفكيرها ضيق
ابو الشباب شافني ورجع للكشره السابقه قلت ايه بس هذا هو ابو الشباب ورحنا نمشي وانا
تفكيري مووووووولع
وفضولي ماله قياس قلت وش يضحكك يارجال قال شفتي الرجل اللي مقفي جنبنا قلت ايه
وش بيه قال يوم دخلتي المحل جلست مع لولد الصغير نتجاذب اطراف الحديث << بسم الله
علي مدري من وين اجيب اللغه وفجاه جانا الرجل وجلس وسلم وبدا يسولف ويقول انه كان
في السبعينات بامريكا وانه كان يشوف نفس ااسماء المحلات والحين جت عندنا سبحان الله
طبعا يقول ابو الشباب انه استانس مع الرجال وبدا الرجال ينتقد البنات اللابسات عبايه فرنسي
وزوجي يايده طبعا ويقول الرجال الشايب شلون اولياء الامور راضيين لبناتهم بهالشي واللوم
كله يقع على ولي الامر اللي لازم يردعها وووووووووووووو
طبعا زوجي اعجب بكلام هالرجل الشايب وشوي طلعت ثلاث
بنات لابسات عبايه فرنسي
مفتوحه من قدام والبنطال واضح تماما للعيان <<< عاد انا هنا طاح قلبي قلت وش سون
المهم البنات راح يمهم الرجال الشايب يقول ابو الشباب قلت يمكن يبغا ينهاهم ويبين لهم
خطاهم لكنه قال سلام طلعن اهلي وراح معهن يقول ابو الشباب انا من هول المفاجاه
واسمع انواع الضحكات وصفقة يد
قويه من الطفل الصغير
اللي كان جنبي يقول قلت له: انت فاهم؟
قال ايه هذولا اهله وهو يعايب على خلق الله مايعلم نفسه مسوي فارس
طبعا انا شفت منظر الصغير وهو يضحك من رجال في الخمسين ويمكن اكثر وربي يفشل ....
عاد ابو الشباب حط رجله ووينك يالسياره وانا ادرعم وراه وكل اللي قاله بالسياره لي كلمتين :
آخر مرة تدخلين هالسوق <<<<<< وجنت على نفسها براقش:44: