السلام عليكم ورحمة الله
البارح سهرنا عند وحده من قرايبنا وتلاقوا زوجة اخوي بسلفتها
وكانت الجلسه في البدايه عاديه
لكن قبل لاتعرفون شسالفه .. ترى زوجه اخوي متزوجه مالها سنه وعقلها يحب يقلد الاخرين تقلد على عماها واي احد يقدر يأثر عليها بسرعه واذا جلست مع اي احد تركز وتنتبه لكل شيء الحركات والسكنات واللبس ورنه الجوال ونوعيه الجوال والسوالف اللي تحكيها اللي قدامها وماتنسى ولاشيء من اللي تقابلهم ..
يعني ماتنفع تقابل ناس فاسدين ابد .. لانها لازم تعدل نفسها وتتوازن وتدعي ربها بالثبات قبل ما تفكر تقابل احد
زوجة اخوي محظوظه بدور كامل من البيت لها وتملك مالاتملكه الكثير من المتزوجات بيتها واااااسع مو ايجار وربي موسع عليهم .. لكن شكلها مابتعرف قدر النعمه ان سلمت نفسها لعقلها وهواها
هي بإعترافها تقول / حياتي عند زوجي افضل بكثير من حياتي عند اهلي ..
تمتعت عند زوجي بنعم لم اعرفها ولن اعرفها في حياتي
يعني ارتقت من اسفل الى اعلى بزواجها
وسلفتها الاولى مره مقهورة منها لانها ماتملك ولاشيء مما تملكه هذه العروس الجديده
لان سلفتها تعيش في شقه مشترك فيها وضيقه وزوجها ضاغطها
اجتمعوا السلفااااااات
وعاد انتم ادرى بالحسد والحقد اللي يحصل عادة بين السلفات الا من رحم ربي
يابنات انا طبعآ في حسبة اخت الزوج
قامت هذه الزوجه الجديده تنادي سلفتها القديمه تعالي اجلسي عندي عندي لك كلام .. وهي ماعندها سالفه بس تبي تقودها الى عندها
السلفه قااامت ماتقدر تصبر لازم تعرف السالفه
جلست جنبها ودها تعرف حتى يرتاح قلبها المكبوت
قاموا يوشوشون بينهم بسوالف بصوت منخفض وانا بجنبهم
وانا عارفه نفسية كل وحده منهم وش في تصورها وموقفها من الثانيه وربي السالفه ماتتعدى المجاملات كل وحده مقهورة من الثانيه من الداخل لكن تحااااول بقدر الامكان تبين العكس :09:
هم جالسات بجنب بعض وانا جالسه بجنب وحده فيهم وطبعاً الغرفه مليانه حريم
انا في البدايه كنت ارى كل وحده تتكلم مع الثانيه ..
شكلي ماله داعي جالسه بجنبهم وهم يشاورون بعض بالهرج
يعني وقاحه وعدم ذوق ابدددددد :09:
طنشت .. وشوي لفت انتباهي صاروا يتكلمون بالاشارات من كثر مايبون حد يعرف مابينهم
وشوي رجعت الوشوشه من جديد وتبين لي ان السلفه القديمه تؤلب الزوجه الجديده على زوجها اللي هو اخوي وعلينا كلنا
شوفوا قوة العين وقلة الحيا وانعدام الذوق عيني عينك
تحرشها قدامي على مسمع ومرأى تحرضها علينا .. من كلامها للمسكينه السماعه لها / مو كويس الزوجه تسكن عند اهل زوجها ــــ> عاد اللي عندنا مهيب ناقصه توغر قلبها علينا من كثر ماتحب تطبيق كلام من هب ودب
مهما كان الزوجه ماترتاح الا بسكن بعيييد عن اهل الزوج ـــــ> وشبنا عندها 24 ساعه وربي هي في بيتها بعاااالم وحنا ببيتنا بعااالم ومحد درى عنهم نجلس عنها بالشهور مانزورها عشان ماتقول ماارتحت في بيتي والحمدلله مااحد جالس على روسهم
وهذيك المسكينه فاغرة فمها تنصت بعين قلبها لما تمليه عليها معلمتها من نصايح تهدم لاتصلح ..
شوفي فلانه كانت عند اهل زوجها ماارتاحت الا لما نقلت عنهم , الوحده تحس بالاستقلال بعيييد عن اهل الزوج , انت يازوجي ملكي ماابي احد يشاركني فيك !!!
ولاتسكتين عليه اذا جرحك عشان مايتمادى انا ماارضى احد يدعس لي على طرف !
وهذيك المسكينه تهز راسها وتجيب امثله من حياتها التي لم تتجاوز سنه والاخرى تهول الامر .. انتم مالكم الا سنه وهالمشاكل كلها بينكم !
تبي تحسس الضعيفه التائهه انها في منعطف خطير من حياتها
وهلم جرآ من مغامراتها مع زوجها وانا عملت كذا وصار لي كذا وتعدَل بعدها
والاخرى تجيب ايه انا قد اعتذر مني خليته يعتذر !!
ورب الكعبه تؤلبها علينا تاليب عجيب وامام ناظري .. انا ماني مستوعبه انا بحلم ولابعلم انفجعت من الموقف .. لهالدرجه انعدم الضمير عن جد وجهها مغسوووول بمرقه .. باردة الوجه ! !
طبعآ انا في البدايه ماكنت اسمعهم .. بعدين هم فضحوا انفسهم بالايماءات وانتبهت في الاونه الاخيره .. وفي البدايه سكتت وقلت يمكن هالمشفوحه تتكلم عن حياتها وجالسه اسمع والتمس لها الاعذار .. الى ان طفح الكيل شيء واضح مااقدر اتجاهله والشمس ماتتغطى بغربال
هاللي مالها سنه عندها حب تقليييييييد عجييييب وربي اشفقت على اخي .. :(
يتآمرون ضده .. السلفه القديمه من شده غيظها وحسدها على الجديده تريد تخرب بيتها كالسوسه تنخر من تحت لتحت والجديده تمووووت بالتقليييييد الاعمى بس تقلد بس تقلد
انا بصراحه طفح الكيل عندي وماني قادره اسكت اكثررر .. لما الاولى تؤلب الثانيه على اخوى وعلينااااا شوفوا قوة العين فيهاااا .. ماسكت رديت عليها قلت / بس اللي تسوي كذا مصيرها الطلاق وبعدين مااحد يفكر في الحرمه اذا تطلقت ماينفعها عنادها وكبريائها ومشاكلها مع اهل زوجها ومناقرتها لهم .. فالافضل تكسب ودهم وتتحبب لهم لانه ليس في صالحها المعامله السيئه .. وربي التفتوا كلهم الثنين وهم في غمرة السوالف والهرج :09:
وخافوا هزيتهم هز .. قالوا كلهم ايه صح وسكتت المحرشه عن تحريشها وشوي لسانها حكها ماهي قادرة تصمت دقيقة اكملت حديثها مع المدققه المُسجله للكورس والتفتت اليها وهلم جرآ من تحريض صريح ضدنا .. طبعآ امي واخواتي كانوا بالمجلس لكنهم بعيدين ويسولفون مع الباقيات وانا اقرب وحده لهذيلا فصرت ارد .. سمعتها تقول بكيد ومكر شديدين للمستمعه المنصته / اهل الزوج مهما كان نحيسين والام تغار .. يغارون .. مافي اهل زوج طيبين وتحلف !! قدااااااامي يااااجماااااعه قدااااااامي وربي .. قمت رديت عليها / مو كلهم بالدرجه اللي تتصوريها .. فيه فئه كويسين وطيبين ووو
قامت تهز راسها لاوالله نادرآ وييييين !!
الى ان سكتها << مع العلم اني اكره الجدال بالذات مع الحمقى من النساء
وشوي تجيب سالفه ثانيه تتكلم فيها مع سلفتها المنصته المقلدة
انحيت الحديث منحى آخر فقلت/ يعجبني ( فلانه ) من النساء في صبرها وتعاملها مع اهل زوجها ... ردت بعد ان قالت نعم .. غيرت رأيها قلبت تقول/ لا والله الحين هي ماتسكت عليهم وان وان وان ...
وانا انا شخصيآ اعرف هالانسانه بصبرها وجلدها واخلاقها العاليه مع اهل زوجها ... لكن نقضت كلامي امام سلفتها حتى لاتسمع لنماذج طيبه وتحتذي بهم !
هي تعرف اننا مستحييييل نخلي سلفتها الجديده بمفردها حتى لاتؤثر عليها بأفكارها الدنيئه فقامت ماتبي تفوت فرصتها الذهبية لانها ماراح تقابلها الى فرصه ابعد وليس بمفردها!
بالعربي الفصيح .. هي عرفت نقطة ضعف سلفتها ونقطة ضعفنا اللي اعترف بها
نقطه ضعف سلفتها/ التقليد الاعمى وسرعة الاستجابه والتطبيق المباشر والاخذ والعطاء معها بادق تفاصيلها
ونقطه ضعفنا / الطيبه الزائده وعدم الجامها واسكاتها وايقافها عند حدها
اول ماوصلنا اخبرت الاهل بالفاجعه اللي ضيقت علي زيارتي وطبعآ وحده من خواتي لحقت على اخر الجلسه وشافت هي الاخرى بعض مما صار واخبرت الوالده وقامت اختي بإخبار اخوي عن الحدث طبعآ خاااصم اخوي قال / وانتم وينكم عنهم !؟ بالله هذا سؤال !! يعني الى متى حنا بنراقب هالطفله اللي تحب تقلد وانت ليه عاجز عنها ماتأدبها عن تقليد النسوة والتأثر السريع بهم .. الى متى حنا نصير ننتبه لها الى متى بالله ,, ترى حنا محنا برج مراقبه شغالين لزوجتك واشكالها . انت اردعها ووقفها عند حدها .. اذا انت عاجز عنها فغيرك اعجز !
لكني من هذا المقام ... اذا تكرر مشهد البارحه والله مااعديها على خير ..
اول قرار اسويه قبل مايصير اللي صار
1/ انصح اخوي يحرم على زوجته يقابل هالشرانيه الحقود الحسود اللي تسعى للافساد لا الاصلاح .. بالله وش تستفيد سوى التحريض والافساد وخراب البيوت والحش في الرجاجيل وكشف استار البيوت .. بعدين ماهي مكلفه بزيارتها لانها ماهي امها ولاهي عمتها ولاهي خالتها يعني ماهي من ذوات الارحام .. اذا سمع هالنصيحه كان بها ماسمعها راح انتقل للإجراء الثاني.....
2/ اوصل للسلفه القديمه فكرة جديده باننا محنا بالعين السنتنا اقلها اعرفها ان الله حق . وبكل كلمه تقولها اوجهها لها بشكل مباشر لعل وعسى يطلع لها قلب , واتجادل معها الى ان اوصلها الى درب مسدود ماتقدر تثرثر فيه مدعم بالاحاديث والمباديء لعلها تتعرف عليها وتتهذب
وربي افجعها واخليها تقول فلانه ماهي فلانه اللي اعرفها ويسير خيرررررر
اذا الفاصل بيننا جاء على هالجدل تبشررر ماطلبت شيء والله !!
والايام حبلى بالمفاجأت والمفاجعات
اللهم رد كيدها في نحرهااا
حسبي الله عليها ماهنتنا بجلستنا مع قريبتنا
غيداء السعيد @ghydaaa_alsaayd
محررة ماسية
يلزم عليك تسجيل الدخول أولًا لكتابة تعليق.
الله يعينكم اخاف يمكن شايفة شي منكم ؟ او اذا ما غلطتو عليها صراحة ما تستحي وين عايشين ولا تحطين كل اللوم عليها الثانية كبيرة ولها سنة متزوجة ليه ماتحكم عقلها بتصرفاتها يعني لو قالوا لها طبي بالنار تطب صدق حريم ناقصات عقل والأفضل انكم ما تعزمونها نهائي للبعد عن الشر او ان عزمتوهم اعزمو كل وحده لحال اريح لكم ومن وجع الراسالله يعينكم اخاف يمكن شايفة شي منكم ؟ او اذا ما غلطتو عليها صراحة ما تستحي وين عايشين ولا...
آمين.. كادي
ربي يكون بالعون لجميع
حياااااك ربي :26:
ربي يكون بالعون لجميع
حياااااك ربي :26:
:blink::blink:
شكلك ماقريتي السالفه او انك ماانتي فاهمتها
يااختي اريد لو كنتي بمكاني شو موقفك المنصف
وياليت مااحد يفهمني غلطـــ !!
حاجتي للرد اهم من الاسمايل اللي بتخرج عينه !!!!!
عالعموم حياااكِ
يااختي اريد لو كنتي بمكاني شو موقفك المنصف
وياليت مااحد يفهمني غلطـــ !!
حاجتي للرد اهم من الاسمايل اللي بتخرج عينه !!!!!
عالعموم حياااكِ
عبير88
•
آمين.. كادي ربي يكون بالعون لجميع حياااااك ربي :26:آمين.. كادي ربي يكون بالعون لجميع حياااااك ربي :26:
علمي اخوك باللي سمعتيه وقولي له يمنع زوجته من مقابلتها والتحدث معها
لازم تقولي له
وبعدين قولي لزوجة اخوك الجديدة لاتسمع التحريش منها
لازم تقولي له
وبعدين قولي لزوجة اخوك الجديدة لاتسمع التحريش منها
الصفحة الأخيرة
اخاف يمكن شايفة شي منكم ؟
او اذا ما غلطتو عليها صراحة ما تستحي
وين عايشين
ولا تحطين كل اللوم عليها
الثانية كبيرة ولها سنة متزوجة ليه ماتحكم عقلها بتصرفاتها
يعني لو قالوا لها طبي بالنار تطب
صدق حريم ناقصات عقل
والأفضل انكم ما تعزمونها نهائي
للبعد عن الشر
او ان عزمتوهم اعزمو كل وحده لحال
اريح لكم ومن وجع الراس