وقعت في شر اعمالي .....صج ما توب

بسم الله الرحمن الرحيم


شلونكم يا احلى بنات وحريم يالي اقدر اتسلى معاكم من قلب دون حذر ولا خوف من زعل هاذي او هذيك :55:
المهم ماطول عليكم انا وللاسف فيني طبع ماجوز عنه ابد ابد ::23:

وهو اني ما اكذب :11:
بس اهول بالموضوع ولو كان تااااااافه:o
خصوصا لغاليي ابو الجوريات:02:
اللي صار عارفلي على طوووووووول:29:
ماطول عليكم هذاك اليوم كان زوجي مواعدني يعشيني بالمطعم الصيني اللي امووووت فيه:cook: وقعدت طول النهار احر بصديقاتي وجاراتي الحبيبات اللي ازواجهم اصدقاء زوجي:19:
وقاعده اتحضر ومجوعه حالي لدرجة الجوع الشديد بعد اتحرى هالشوربه اللي تهبل وفرحانه هيه:29: لا تقولون وش هالمفجوعه لا يبه بس انا كنت جويعااااااانه ومحتاجه شوية رومانسيه:27:اللي ما عرفتها من جني هالجوريات وخصه هالوسطيه اللللللللللللله يصلحها ادعو معاي الله يخليكم
عاد ماجت الساعه 5 العصر الا انا جاهزه وبكامل اناقتي مو عايزني الا هالعباة حتى جورياتي صرفتهن عند ام سليطين الله يخليها لي دايم حاضره وقت الازمات
انا متعوده زوجي يطلع عالاربعه او الخمسه ان طول
شوي الا غاليي دق بيتاخر شوي صارت مشكله بالمصنع وباعتباره المدير عيب يخليهم ويطلع :42:قلت مافي مشكل يابو الشباب لك ساعه بس قال ان شاااالله:44:
عدت الساعه والساعتين وماجا ابو الشباب وكل ما دق التلفون فزيتله اثرها ام سليطين تسال ها ما رحتي العشا؟؟؟؟؟؟؟؟؟؟؟
الا انا بااااااااارد وجهي واقول الا شوى بعد:01:
دق ابو الشباب وقلت عييييييييب خل اثقل شوى قالي بيتاخر المشكله شوى عويصه:(
قلت عادي حبيبي خذ راحتك احنا عندنا اهم من هالمصنع
بس الجوع كاااااااافر ما يرحم:06:
قلت اخذلي تصبيره تفاحه
شوى الا التلفون يدق الا ام عمر تسال ها مارحتي العشا؟؟؟؟؟:29:
قلت لا والله زوجي جاي بالطريق قالت اشمعنه زوجي بيتاخر قلت وانا شكو عاد يلاه اللي فيني مكفيني ضحكت وسكرت والله للعن ابو الشماته
صارت الساعه 11 وراح العشا وراح الجوع وراحت كل الرومانسيه وعشيت بنياتي ونومتهم وتبخرت كل احلامي بس؟؟؟؟؟؟؟؟؟؟؟؟؟؟؟؟
يامن ينولني ابو الشباب بداخلي نار ماطفيها الا فيه:30:
حتى مادق بعدها ولما صارت الساعه 1 دق الاخ يسال:
هو : السلام عليكم
انا : ما رد
هو : مو مشكله السلام لله
انا: ها صباح الخير حليتو قضية القدس
هو: الله يهديج بس تعشيتو؟
انا : لا صايمين اليل عشانك >صج عوبه<
هو: انا اسف والله انشغلت وتعبااااااااان وجوعااااااااان ونعسااان
انا: لااااااااااااا وبعد قول تبي عشا
هو: ياليت عندي وقت انا باتاخر شوي بعد
انا: احسلي لوديلك فراش تنام بهالشركه اللي ما وراها الا الغثا
هو: حرام عليك هاذي رزقنا والخير اللي عايشته
اتا: مابي هالرزق بلااااااه كل الرجال ببيوتهم الا انت لحالك مرابط بهالشركه
هو: من قال
انا:انا ادري توني كلمت الحريم كلن زوجها عندها الا انا
هو:منو بالضبط اصلا ما يصير يتركون الدوام هذا تسيب
انا: محمد وعبدالله وماجد كلن ابيته وانا توني مكلمه حريمهم صدقني :06:
هو: انتي متاكده
انا: يعني انا كذابه وبعد تشك فيني خلااااااااص ابي امي
هو: لااااااااا محشومه بس حبيت اتاكد لحظه شوى
وبعدين حطه عالسبيكر واسمعه يقول:
محمد انت رحت البيت الحين
محمد :لا ابدا
عبدالله المدام تقول انك بالبيت صحيح
عبدالله :لا هذاني مقابلك من العصر
وانت يا ماجد
ماجد: يابويا انا مارحت البيت من الصبح

قالي : ها حبيبتي تاكدتي ان الشباب كلهم هنا ما راحو
بطلي كذب الله يخليك وتووووووووووووووووووووبي توووووووووووبي
بعدها سكرت التلفون بكل هدووووء ورقه ورحت انام وانا الفشله ماكله وجهي ويومين بعدها مالي وجه اشوف زوجي والخبر وصل كل صديقاتي وهاااات يا ضحك وتعليق وكرهت حتى طاري المطعم الصيني وصرت لنفسي عبره كل ما نويت الكذب او التهويل خصوصا عند ابو عيالي