صاحبة القصة تقول
السلام عليكم .. مرحباااا ياأمهات ...
في تجربه صارت لي وحبيت أفيدكم فيها لأني في ذمتي إستفدت منها وااااااايد...
يمكن تنصدمون ويمكن ماتصدقون ... ويمكن تعرفون هالحركه بس انا توني من فتره بس عرفتها...
ماأبغي أطوول عليكم ...
الله يسلمكم من فتره كنت انا و ولدي والخدامه في الغرفه..وكان ولدي عمره 7 شهور تقريبا ,,,
وهو يزحف خبط راسه الكبت خبطه قووويه
.. انا نص عمري راح ,, خفت على راسه إنه يتورم ,,, بس الحمد لله خدامتي على طووول فتحت شعري وحكت راسه (مكان الخبطه) بشعري وهي تقول بسمالله الرحمن الرحيم 3 مرات ,,, انا إستغربت وإنصدمممت من حركتها !!!! وشو هالشي الغريب بعد ...!!
وانا كنت أقول لها شتسويين ,,, بس هي متخررررعه وماردت علي ,,, المهم لما هدا ولدي فديته ,,,, قلت لها إنتي ليش سويتي هالحركه ,,, قالت لي عشان راسه ماينتفخ ويتورم ... تعجبببببت من صجي ,,, !!!
قلت لها وإنتي إشلون عرفتي ؟؟ قالت إحنا عندنا في أندونيسيا هالشي,,
قلت لها إنزين ليش ماحكيتيه بشعرج إنتي ؟؟ قالت لي لااا لازم بس الأم ,,, كبرت في ويهي علامة التعجب...!!!!!
مب عارفه هالشي الغريب وماسمعته من قبل.. والمفاجأه ,,, إن فعلاااا ماتورم راس ولدي...
بس تبون الصج ماكنت مصدقه ,, وقلت يمكن الخبطه هي إلي ماأثرت على ولدي أصلا ...
اوكي .. عاد مره رحت بيت هلي وهو ماشالله عليه كان يلعب جنبي.. المهم مادري إشلون خبط راسه بالطوفه خبطه خلته يتيبس ,, والله العظيم ماأقدر أوصف لكم شعوري في ذاك الوقت ,,, تخررععت وهو يصيح وكنت أشوف راسه أنتفخ على طووول ,,, وبدوون حاسيه فتحت شعري جدام هلي وفركت راسه وانا أسمي ,,, بعدها هدا شوي وعطيته حليب ونام ,,,
والله العظيم ياخواتي والله إني رحت أشييك على راسه وهو نايم ,,, واللله مافي أي أثر حق الخبطه ’’’
تعجبببببببببببببببت من قلبي,,,,, وقلت الحمد لله على نصيحة خدامتي إلي انا متعجبه منها لين الحين,,,
تصدقون إلي خلاني أكتب الموضوع اليوم .. لأن ولدي الله يحفظه توه بدأ يخطي .. عاد وهو قايم طاح على راسه وخبطت راسه الطاوله ,,, إنتفخ راسه نفخه كبيره وصار لونها أخضر على طووول .. وانا خايفه من أبوه يهاوشني ,,, قمت فتحت شعري وفركته براسه ,,, وتميت تقريبا 10 دقايق وكل شي رااااح ... ولله الحمد ,,
وأتمنى تستفيدون من الموضع لأنه فعلاااا فادني بشكل كبييييييير ... وعسى الله يحمي أولادكم من كل شر
لكم خاااااااالص تحياتي ’’’’ ^_^
