ولادتي .............................. .............

كيف الصحه وكيف الحال ان شاء الله تكونون جميعا حوامل و والدات بصحه وخير
نجي لموضوعنا .........
انا كان مقرر لي ولادة الجمعه بتاريخ 7-8 والسبت قالت الدكتورة بعطيك طلق صناعي ولا رحت خايفه من الطلق الصناعي قلت استنى يجيني الطبيعي ومر السبت بدون أي بوادر ولادة وفي اخر الليل شربت قرفه مع كمون وقالت لي وحدة حطي معهم سنا مكي مسهل ...المهم شربت الخلطه 3 الفجر ونمت صحيت الساعه 6 الصبح على الم غريب حسيت اني مفتوحة من تحت وكأني احس بجروح من تحت واذا نمت ما اقدر اقلب يمين وشمال احس بثقل تحت مش طبيعي المهم قلت بمشي لين يجي الطلق وتوقعت اني بولد ومر يوم الأحد وانا زي ما انا لا طلق ولا شي يوم الأثنين امي جبرتني اروح المستشفى وانا رافضه اخر شي وافقت اروح المستوصف اللي عند بيتنا اكشف بس لأنها ما تقدر تنومني وتعطيني طلق صناعي (كل هاذا خوووووووف من الطلق الصناعي خخخخخخخخ) رحت كشفت من تحت طلع الرحم متوسع 3سم بس قالت لي اذا مافي طلق يمكن تقعدين اسبوع على هاذي الحاله وقالت لي الدكتورة اشربي زيت الخروع شربته المغرب وطلعت امشي تشققت رجولي من المشي وطبعا كل شوي رايحه الحمام وانتوا بكرامه من تأثير الخروع الى الفجر ماجاني لا طلق ولا شي صليت ودعيت ربي يسهلها ونمت الا واقوم الساعه 7 على الم بس زي الم الدورة وبعدها نزل معاي دم قلت خلاص الحمدلله قربت الولادة وعلى هاذا الحال لين الساعه 9 الا ويروح الألم وينقطع الدم ولا كأن شي صار قلت بمشي مكن شوي ويرجع اخر شي تعبت ونمت واقوم الظهر قالت امي خلاص لازم نروح المستشفى وانا ضاق صدري مرررررررره
اتصلت على زوجي ياخذني المستشفى وامي قالت لازم اروح معك (((طبعا لظروف عمل زوجي انا من بداية التاسع قاعدة في بيت اهلي وحدة واثقه بتولد من اول التاسع خخخخخخخخخخخ)))
رحنا المستشفى وانا مافيني ولا شي الا ويجيبون لي كرسي اصعد مدام قالت ما ابغى الكرسي ابي امشي ويدخلوني غرفة الكشف ويركبون جهاز الطلق مافي ولا طلقه وتجي الدكتورة تكشف علي من تحت الساعه 3 العصر كان مفتوح 5سم وقلت يارب ان شا الله الحين يجي الطلق يوم جا المغرب قالت بنفتح موية الطفل يمكن يساعد ونستنى الين 8 بالليل بعدها قالت خلاص لازم طلق صناعي طبعا حطت لي طلق بالمغذي ويبلش الطلق الساعه 9 وسبحان الله يبنات يوم بدا الطلق الرحم صار يتوسع ببطء شديد عكس المتوقع مو راضي يزيد عن 6 والدكتورة توسع لي لأني خلاص تعبانه الطلق الصناعي ماتشوفين اللي قدامك الحمد لله ان زوجي طلع برا ولا كان بيروح فيها يحسب السالفه فيها وناسه فاتح لي التلفزيون والله كنت بكسره ....ههههههههه
والقابله اللي عندي يحليها لبنانيه وقبل الطلق اسولف معاها واسألها عن لبنان وهات سوالف ويوم جا الطلق مابقى شي ماسويت فيها والله ماكنت حاسه امي تقولي اني دفيتها وبعد 3 ساعا ت تقريبا من التعب شرفت بنتي ويجيبونها عندي والله ما كنت ابي اشوفها جسمي كله يرتجف والدكتورة تخيط وانواع الألم بس بجد يبنات كانت تخوف مدري من الطلق الصناعي ولا انها تأخرت في بطني ما حبيت بنتي ابدا وخفت منها اول يومين ماابي احد يشوفها بس الحين لي 9 ايام والدة تهببببببببل يزينها وسميتها على جدتها امينه ادري اسمها مو شي بس زوجي ركب راسه وسماها للمعلوميه انا عندي بنت من قبل اسمها ليان زوجي ترك لي حرية التسميه في الأولى بس الثانيه سمها على امه طبعا بنتي الأولى ولادتها اسهل بمليون مرررة من اختها والدتها طبيعي في طبيعي وكل شي يجي من الله حلو ...الحمد لله
وابشركم تراني دعيت لكل وحدة متأخرة في الحمل على حسب طلب احدى ألأخوات
انا والده في مستشفى السعد بالخبر طبعا قمة الروعه من جميع الجوانب الشي الوحيد اللي فيهم ان عندهم نظام الرضاعة الطبيعيه يعني مايعطون الطفل حليب ابدا اول ما تولدين يقولون رضعي الطفل احسن له بس انتي تكونين تعباااااااااااانه
واذا تذكرت شي بقولكم واي سوال عن المستشفى انا حاضرة

ام ليونه وامونه