ولادتي بمستشفى حائل العام

السلام عليكم ورحمه الله وبركاته
اخواتي انا مجرد فضفضه والحمدلله ولدت بخير وابني بخير لكن التعامل الزفت اللي شفته اجبرني اتكلم هنا 😭
دخلت ع الساعه 8 الصباح وكان يوم الجمعه وكان الرحم عندي فاتح 4سم وحطوني طبعاً في كشك الولادة ومعاي نساء اخريات مابيننا الا ستائر وكنت اسمع الصراخ والصياح وادعي لهن بالفرج
كانت فيه دكتوره مخبيه بطاقتها وكانت تنافخ انا اظن انها من الجنسيه الباكستانيه او الهنديه للاسف الشديد لاحظت عليها تفتح بيننا الستائر وتلبس قلفز واحد وكلنا تكشف علينا به ماتبدله
وتاخرت انا بالولاده لاني بكريه وجابو لي استشاري وقال نصبر عليها للفجر اذا ماولدت عمليه وقالي امشي في الممرات وكان ضيق المكان نوعاً ما وكنت امشي وجت الدكتوره ضربت كتفي بالغلط قمت اتعذرت منها قامت دفتني انو ماالمسها وتهاوش انا انصدمت لما شافتنا الممرضه قالت يلا ع سريرك واحط الجهاز عليك انا لما شفت كذا طلبت اخرج ع مسؤوليتي ورفضو واصريت وطلعت ولما مشيت بالبيت وشربت زنجبيل حمى الطلق علي ونزل مخاط مع دم اكرمكم الله ورحت مره ثانيه لهم وكانت الحمدلله مو موجوده وولدتني دكتوره مصريه على الصباح الله يوفقها ويسعدها بس الممرضات السعوديات معليش كانو منفسين الدكتوره هي اللي ولدتني وهي اللي اخذت الطفل وهم متفرجين ولاعملو شي بتقول لاتطلعين صوت والثانيه تبصمني ع اوراق وانا اولد تمسك يدي وتبصم تمنيت لحظتها بس اطلع بخير منهم ولولا الحاجه ماولدت عندهم بس مضطره ماكان فيه الا هو والنساء والولاده كانو ناقلينه ومايستقبلو اعداد كبيره يحولوها هنا ولما خلصت ولاده جيت بتعدل السرير متهالك والامني ظهري منه وهذا يهون لما جتني الممرضه وهي واضح كبيره وتقولي يلا علاجك كوليه واخذته واكلته وجتني ثانيه واعطتني نفس علاج الاوله ومابينهم الا ربع ساعه وقلت انا اخذت علاج قبل شوي قالت ياليل منكم ربي يعجل بنقلي لمستشفى غيركم ،سكت واخذت علاجها ورميته بالزباله قريبه مني ولما قمت ابلبس لانه كان برد مره حسيت الدنيا سوداء غشاوه قمت قلت للمرضه تكتب في ملفات انا ماشوف قالت ارجعي نامي بالله هذا تصرف انتظرت ولدي يطلع وجابوه لي الساعه 3العصر والى العشاء رافض يرضع ووقعت وكان رافضين لانه مايرضع والخمدلله طلغت البيت ورضع وكان اصعب يوم كرهت الولاده من بعدهم ابني عمره الان سنتين ربي يحفظه ويخليه ،السؤال بعد هالمده يمدي اشتكي