صبحكم الله بالخير بنات حواء الغاليات على قلبي
وعلشان كذا كتبت لكم تجربتي مع هالدكتوره اللي ماراح اسامحها ابد خلتني اشتهي الموت من العذاب اللي شفته وهي تولدني تصدقون بنتي الآن عمرها سنتين
وإلى الآن اخاف بس من ذكر الحمل اما الولاده فسووت لي حاله نفسيه رهيبة ما اقدر انساها ابد
يعني تخليوا وحده جايه تولدك مالها نفس جايبينها مع انك متفقه معاها لأخر لحظة على انها هي اللي راح تولدني ويوم جت الولاده مارضت تجي الا بالعافيه لدرجة ان الدكاتره الثانيين يبغون يولدوني وحده مصرية والثانية هندية بس شكلها مو مسلمة بصراحة خفت قلت هذي سورية واستشاريه وعندها زحمه على عيادتها ماهي طبيعية بس ماعرفت انها مسيحية الا بعد ما ولدت للأسف وانا كنت خايفة تولدني مسيحية طحت فيها :o
وتخيلوا دكتوره في سنها كانت كبيره في السن تولدك بدون ماتكلف حالها تقول للممرضة تحط بنج يعني انا ولدت وخلصت المفروض تعطيني بنج موضعي لأنها كانت تقص من برا وجوا وتخيط عاد تخيلوا العذاب
والله العظيم بنات اني في ولادتي مايطلع صوتي ابد الا هذي الولاده اتوقع اللي في الدور الاسفل سمعوني
والله حتى الاسلاك المشبكة في سرير الولاده قطعتها من اللي شفتها ما قدرت اتحمل وهي كانت خايفة على الاسلاك تقولي لالالا
تصدقون ماحطت لي البنج الا بعد ما انتهت تماما يعني خلاص بطلع غرفتي شفت الممرضة لما حطت البنج عقبها نمت بس بعد ايش وحسيت فيها طلعت معها في المصعد وكانت تضحك مع الممرضات وتشرب شاهي تخيلوا
ومن تعقيدي منها ما رحت اكشف عقب الولاده رحت عند وحده ثانية وهي اللي قالت لي انها مسيحية
قسما بالله بنات كلامي صحيح ما افتريت عليها الله بيحاسبني على كلامي
ولاتقولون يمكن اول ولاده لالا كانت ثالث ولاده بس حبيت اغير عن دكتورتي المصرية قلت اجرب السوريه شلون
بس الزحمه اللي كانت عندها اكيد كلهم كشف مو ولاده
الله يكفيكم شرها ولا يحط اي وحده بتولد تحت ايدها وووالله ثم والله ما كتبت الموضوع إلا اني حابه لكم الخير ما وودي اللي صار لي يتكرر مع غيري
واللـــــــــــه يوفقكم ويفرج على كل حامل بالصحــــة والعافيه
(البحر الهائج) @albhr_alhayg_1
محررة فضية
يلزم عليك تسجيل الدخول أولًا لكتابة تعليق.
حسبي الله عليها .. جعل اللي صارلك يجيها ..
من الولادة الاولي ما خفت بس الحين خااايفة *-^..
من الولادة الاولي ما خفت بس الحين خااايفة *-^..
الصفحة الأخيرة
يالله ان شاء الله يكون في ميزان حسناتك وتكفير
قولي اسم الدكتوره والمستشفى عشان البنات ياخذو حذرهم منها