ولدت الحمد لله

السلام عليكم
اخباركم ياصبايا
انا بدخل بالموضوع على طووووول حتى مااطول عليكم وبقول لكم امور ساعدتني في ولادتي وجعلتها سهله والله على مااقول شهيييييد ،،
يابنات انا انسانه اشيل هم بصوره مو طبيعيه واتفه الامور تأثر على نفسيتي ،،انا كنت حامل وشايله هم الولاده لان ولادتي الاولى تعسرت وشفت الموت والحمد لله على كل حال فلما قربت ولادتي الثانيه جاني من الهم ماالله به عليم وصارت نفسيتي دماااااار وكل يوم ابكي اخاف لاتتعسر ولادتي الثانيه مثل الاولى لكن والله والله والله يابنات اني لجأت لعدة امور ساعدتني بعد الله في ولادتي وجعلتها يسيييييييييييره ولله الحمد واول شي سويته هو ؛
لجأت الى الله سبحانه بالدعاااااااء في كل صلاه ان ييسر لي ولادتي ،،
ثانيا كنت كل وقتي اردد لا اله الا انت سبحانك اني كنت من الظالمين بنيه ان الله ييسر ولادتي لاني سمعت مقطع للمغامسي عن فضلها وانها دعوة ذي النون وما دعا بها مسلم الا استجاب الله له ،،
ثالثا طريقه التنفس اثناء الولاده يابنات تخفف بصوره عجيييبه كنت اقراها في النت بس كنت اتوقع انها مجرررررد كلام فاضي لكن والله جربتها ولها مفعوووول روعه وهي انك اذا جاك الطلق خذي نفس عمييييييييق وطلعيه وكرررريه بدون توقف لين تهدا الطلقه وارتاحي واذا رجعت الطلقه الثانيه خذي النفس مره ثانيه طبعا هو له عده طرق بالنت بس انا كنت اخذ نفس عميييق واطلع وبس والحمد لله خففت صحيح مااقول انها سحر تخفي الالم لا لا لكن تخفف شوي وماوقفت عن قول لا اله الا انت سبحانك اني كنت من الظالمين طوووووول الطلق ،، 
رابعا في بدايه الطلق اخذت ملعقه كبيره عسل سدر،،
خامسا قرات سوره الزلزله وانا رايحه الطواري اكثر من مرررره،،
والله يابنات كنت مقرره اخذ ابره الظهر لكن الحمدلله الطلق كان خفيف ومااحتجتها وحتى وقت الدفع ماطولت الحمد لله انا حبيت اقول لكم تجربتي لاني اقرا هنا في المنتدى واسمع كثييييير مثلي تشيل هم الولاده لكن والله ان ربي كريييييييم وما يخيب من يلجا له نصييييييييييحه الجأي الى الله قبل كل شي ،،لاتنسوني من الدعاااااء ،،