السلام عليكــــــــــــــــــــم
كنت حامل بالاسبوع 22 وكنت لسه مو عارفه جنس الطفل وعلى اساس اليوم الاحد موعدي الشهري عند الطبيبه وبعرف الجنس كنت مره متحمسه كنت اسمع عن حالات اجهاض وموت الجنين بس ولا مره جا على بالي بيصيرلي شي سبحان الله بعد اللي صارلي صرت مااستبعد شي وكل شي مكتوب .
كنت نايمه وعند صلاه الفجر صحيت من اللام عرفت انه الم غير عن كل مره والحمدلله زوجي كان فيه بالعاده يكون مسافر صحيته وجلست اصارخ بالسياره وسبحان الله حسيت اني راح افقد الجنين لما دخلت الطوارئ بديت اصارخ من الالم كشفوا علي وطلع الكيس نازل بالمهبل والرحم مفتوح 3سم.
قالت الطبيبه ترا راح تولدين ولا بيعبش الجنين بديت ابكي ودخلوني الملاحظه وبديت انزف كثير وجت امي الصباح وبقت عندي وبقيت متفائله انا وامي ان النزيف بيوقف وراح يربطوني فجلست 28 ساعه ماتحركت حتى الحمام الله يكرمكم بالسرير يوم صارت الساعه 6 اليوم الثاني زاد الطلق امي خافت وصارت تقرا علي وبديت اصارخ وقول لامي تطلع برا الغرفه لانها تخاف وركضت امي تنادي الطبيبه وماعندي احد بالغرفه اذكر اني صرخت صرخه ولدت بعدها وكنت لحالي بالغرفه وانا تعبانه واقولهم ساعو طفلي تراه حي جت الطبيبه واطباء للطفل وقالي الطبيب ترا الطفل ماراح يعيش .
كان الطفل بعيد عني وانا لسه تعبانه واسالهم بنت ولا ولد قالولي بنت انبسطت ولا شفتها دقيت على زوجي وجا ولا كان يدري لسه وشو صار لما دخل علي شافها وتفاجا وناد الاطباء ياخذونها وكنت لسه ماشفتعا بس لمحتها وهم ياخذونها وبعدها نمت وبعد ساعتين صحيت متخرعه اشهق وجا زوجي يقول ترا الله يرحمها وهنا بكيت وحمدت ربي على كل حال واخذها زوجي وغسلها بمسجد الراجحي ودفها .
وانا بقيت مصدومه لليوم هذا وانا ابكي لحالي لاني كنت حاسه فيها واسهرمعها واسولف معاها كل يوم بس الحمدلله على كل حال والله لا يحرمنا من هالنعمه .
اسماء الرياض @asmaaa_alryad_1
عضوة نشيطة
يلزم عليك تسجيل الدخول أولًا لكتابة تعليق.
الهام 2009
•
ربي يجعلها شفيعة لكي ويعوضك خييييييييييييييييييييييييييييير يارب =========
الله يرحمها واهم شء انتي بخير
والله يعوضكم
وياعمري لك بالاخره احسن من الدنيا ماتدرين لو انها عاشت وش بيصير اللي صار لك خيره
وتذكري ان اللي الله كتبه لك فيه خيره
والله انا الحين على حسابي باول الثامن والمستشفى يقولون انتي باخر السابع ومعاي طلق والام مره ذابحتني ومقدر انام ولااتحرك يجيني مغص باستمرار
واحس اني برجع ونفسيتي مره معدومه
والمستشفى يقولون احتمال يعيش البيبي واحتمال لا وانا اقول اللي الله كاتبه باخذه
ودايم اقول اللهم لااعتراض واحمد ربي دايم
وتري والله مو انتي لحالك لاتكدرين عمرك واحمدي ربي دايم وادعي الله يعوضككم خير
والله يعوضكم
وياعمري لك بالاخره احسن من الدنيا ماتدرين لو انها عاشت وش بيصير اللي صار لك خيره
وتذكري ان اللي الله كتبه لك فيه خيره
والله انا الحين على حسابي باول الثامن والمستشفى يقولون انتي باخر السابع ومعاي طلق والام مره ذابحتني ومقدر انام ولااتحرك يجيني مغص باستمرار
واحس اني برجع ونفسيتي مره معدومه
والمستشفى يقولون احتمال يعيش البيبي واحتمال لا وانا اقول اللي الله كاتبه باخذه
ودايم اقول اللهم لااعتراض واحمد ربي دايم
وتري والله مو انتي لحالك لاتكدرين عمرك واحمدي ربي دايم وادعي الله يعوضككم خير
الصفحة الأخيرة