ولدت ولله الحمد والمنه ، نقطة مهمة

السلام عليكم
أبشركم اخواتي ولله الحمد والمنه ولدت وجبت ولد
في ليلة عرفة كتبت موضوع هنا عن ( احس بقلة حركة البيبي ) وجزاء الله خير من دخل ع موضوعي وطمنيني بس وجب التنبيه خلال سردي للموضوع هذا
ي طويلين العمر ١١ بالليل ٩ اغسطس نشب لي زوجي الى نروح للمستشفى ونشيك على البيبي وليش الحركة ووو وبعد محاولات اقتنعت رحت مبدأين لمستشفى الملك عبدالله الجامعي التابع للأميرة نوره وانا اقول لزوجي نخلص تجيب لي اكل عشان اتسحر لعرفة قالو محطة ساكو المطار مفتوح ٢٤ ساعه وصلت سوى تخطيط البيبي الحمدلله كويس سوو سونار الامور كويسه الرحم المويات قالت لي الدكتورة الي فيك مو طلق الي فيك بسبب الجفاف باعطيك مغذي ثم توكلي للبيت قلت طيب ٥ دقايق رجعت لي قالت كلمت الاستشاري وقالي لا دخلوها تنويم براقب البيبي والأم تبي تصوم عرفة خل تصوم تبي تتعيد نطلعها تتعيد وترجع لاني اساس بالأسبوع ٣٩ طبعا اذا كل شي استمر كويس بعدها بنولدها وانا اصلا النيه الولادة بالحبيب التخصصي ركب علي المغذي راح زوجي جاب السحور وانا ولا اتنوم بطلع ولا اقعد دقيقة بعد شد وجذب قال بطلع اوديك للحبيب ماني مخليك ومعه امي نفس الفكره طلعت رحت لحبيب التخصصي الطوارئ دخلت على الدكتورة وقلت لها قالت بشيك على الرحم ( لعبت علي لانها شيكت وسوت تحفيز بغت تطلع روحي قالت مفتوح ٢ سانتي برقيك فوق ونحاول معك رقيت بالتنويم أخذت تحميلة ٨ الصباح كل شوي يشيكون ٢ سانتي وانا بموت من الم بداية الطلق ابي أبرة ظهر باي شكل م ينفع الين ٣-٤ سانتي وامي تقولي عرفتي ليش ربي حط الجنة تحت اقدام الأمهات وزوجي اخذ الدكتورة ع جنب وقالها طيب دكتورة ليش تحفزون واصلا لسى م تمت التاسع وبكر قالت هي ٣٩ يعني البيبي كمل باْذن الله وحنا نحفز لاننا ركزووو ( نخاف ان الحبل السري ملفوف عليه وهذا سبب ضعف حركته ) ماقالي زوجي الا بعد الولادة على الساعه ٢ الظهر فتح ٤ سانتي اعجلو علي ب ابره الظهر اخذتها ( والله يعطيك الف عافيه مخترعها ) ماعاد حسيت باي شي ونمت بسلااام على الساعه ٥:٣٠ جت دكتورتي الرئيسية الي بتولدني شيكت ماشاء الله ٩ سانتي هانت راحت فطرت ورجعت شيكت ١٠ سانتي يالله تجهزين ولادة جتني ام الركب تجهزت تنفسي دفي تنفسي دفي شوي قالت الدكتورة بستخدم الشفاط البيبي بدت نبضات قلبه تقل جابت الشفاط مرة مرتين ثلاث وطلع البيبي الله يجعله من مواليد السعادة ويلحقنا بره وفعلا كان الحبل السري ملفوف على رقبته
والفال يارب لكل من يبي او على الأبواب