بنياتي واخواتي

حسب شوركم علي الله يثيبكم

انا أخذت اسم شيخ ورقمه من ولدي
سألت ولدي عن المشايخ اللي يجونهم ...وقال لي انه فيه وحد حبيب ولطيف معهم
وقال ولدي ان الشيخ كاتب اسمه ورقمه على ورقه في المسجد
المهم ولدي مرتاح له مره
وماسألني ليه أبي الرقم وأعطانياه على طول لأنه ذيك الساعه توهم مخلصين من الصلاة



السؤال
اذا اتصلت على الشيخ وش أقول له وش أطلب منه
عطوني نص كامل ..لأني والله استحي وماعندي جرأه

قولي له الي في قلبك
كل شيء كتبتيه لنا قوليه قولي وش سوى وكيف عذبكم
قولي له اخاف ما يتعدل ودي يظل في السجن طول عمره
قولي كل شيء لا ترتبين الكلام لأنك لو رتبتيه استحاله يكون تأثيره مثل الكلام الي في القلب
لكن اول اسئليه وقت مناسب عشان تقدرين تكلمينه وبعدها قولي له كيف اتصرف
هل تحس ولدي فعلا تغير هل وهل
ونفس الكلام قولي للي خلق السماء والأرض
واشكي وابكي واحكي واذا انتي ترتجين من عبد يرحمك ويحس فيك ويدلك على الخير
ويعينك على صلاح ولدك
فلأولى رب العباد بيكون خير معين

يا اختي العزيزة احنا كلنا بنكون معاك بدعواتنا ان شاء الله بس حابة اعلق على موضوعك
بصراحة يا اختي التربية لوحدها ما تكفي لأن اذا كانوا في اصدقاء سوء مع التربية الصالحة وخاصة في سن المراهقة كل واحد والعياذ بالله يبغى يدور الشيء اللي يطيره من الفرحة وما يبغى ولا احد يوقف في وجهه......
ابغ اسألك هل كنتوا تدورون مين كانوا اصحاب ولدكم وتكلمون ابائهم ؟؟؟؟؟؟
تدرون اني خايفة على اللي في بطني وهذا اول طفل لي خايفة عليه من اصدقاء السوء وخايفة تكون مراهقته أو مراهقتها قوية شوفوا كيف الخوف مررررررررره بدري عليه صح...

اختي ( شكواي الى الله )
ابغ انبهك على شيء ما ادري اذا وحدة من البنات قالته ولا لاء .. المهم : الولد والبنت في سن المراهقة يحتاجون
الحب والحنان لأن لو ما لقوه في البيت راح يدورونه خارج البيت وبالحرام , وفي نفس الوقت ما نعودهم كل شيء
يكون عندهم من الصغر عشان اول ما يبدون سن المراهقة الولد يبغى سيارة والبنت تبغى جوال وبكذا حتى لو الحب كان موجود في البيت راح يشوفون غيرهم ويقلدون ومع ان عند البنت الجوال والولد عنده السيارة فالوسيلة سهلة يلاقون اللي يبون وما تئمنينهم عشان اصدقاء السوء موجودين ......
وردي على ان ولدك طلع من السجن ويدور اصدقاءه اللي دخلوه السجن هذا شيء غريب لأن معروف كل واحد يدخل السجن يتعلم درس وفيه الموجهين والناصحين في السجون ينصحون السجناء وكلهم يوم يطلعون من السجن يلتزمون ...
نصيحتي لك ان لازم تعرفين مين اصحاب ولدك وايش عندهم اللي ما لقاه ولدك في البيت وشيء ثاني وهذا اللي المفروض سويتوه من زمان ودي ولدك عند شيخ ...
الله يكون في عونك ويصبرك ولك الأجر انشاءالله , والله يهدي ولدك انشاء الله ويصلحه ويجعله من التوابين

اسفة اختي ( شكواي الى الله )
كنت مستعجلة قريت البداية بس عشان الوقت متأخر ودايخة ابغ انام وفي نفس الوقت قلبي معاكي ابغ ارد على موضوعك
ترى اقول لك وابشرك ان شاء الله ترى ولدك مسك طريق الهداية ولا تخليه روحي عنده وحطيه على صدرك
ترى والله راح يكون من البارين لك الى اخر يوم بعمره ( الله يطول بعمرك ويبقي ولدك لك عشان الأيام اللي راحت من صبر ربي راح يعوضك فيها من سعادة وراحة بال مع ولدك ان شاء الله ...
وعلى فكرة اتوقع لما يتزوج ان شاء الله راح يحطك في عينه قبل ما يحط زوجته
بس اهم شيء لازم تزوريه وتسأليه ايش يحب تجيبين له من اشرطة دينية

الله يستر عليه ويسر امره في دينه ودنياه

السلام عليكم
اختي والله وجعني قلبي من بلواكم , إن شاء الله ربي يهديه ويصلح باله ويعوظكم على كل اللي صار فيكم كلكم
وربي إن شاء الله ما يحرمكم الثواب والأجر , لا تنقطعي أختي عن الدعاء ابدا
نصيحتي لك اختي هي
إن كان ابنك مدمن يعني اختي يأخد مخدرات فهو مريض ولازم له علاج في مركز صحي ليساعدوه على الفطام هدا ضروري جدا جدا جدا لأنه اختي مرض , ثم لا تتخلو عليه فهدا ايضا مساعد على العلاج , ابحثوا له عن الصحبة الصالحة , ثم النصيحة الترغيب والترهيب من الله سبحانه وتعالى
اما اختي إن كان متاجر وليس مدمن فهو ليس محتاج لعلاج طبي بل لعلاج روحي فقط
اسال الله العلي القدير ان ينير طريقه ويبعده عن الضلال وكافة المسلمين
اللهم آميييييييييييييييييييييييييييييييييييييييييييييييييييييييييييييييييييين يا رب العالمين