أسأل الله العلي العظيم لك الصبر والأجر ..
ولولدك الهداية والصلاح .. ياقادر ياكريم .. آآآآآآآآآآآآآآآآآآآآآآمين

شدو عليه كمان بالمدرسه ودور مدرسه زينه ومولازم ابوه يتابع مع المدير والمرشد اذا مطنش انتي دايم اتصلي على المدير واشرحيله انه لازم ينشد عليه

ووالله الشذوذ ما يجي الا من المدارس

اختي حاولي انج ماتدعين عليه ادعي له بالهداية والصلاح ماتدرين يمكن من دعواتج عليه الله يستجيب وخصوصاً انج تدعين عليه وهو على معصية والله يستجيب لدعواتج عليه اصبري صدقيني هذا ابتلاء من رب العالمين وصدقيني اكثر الابتلاءات اللي تصيب ابن ادم تكون بالمال والولد سواء بنت او ولد .ومافي حل غير انكم تحرموه من كل شي واحبسوه بالبيت وخلي ابوه يكون معاه دايم ( اذا كبر ولدك خاوه) وانتي ادعي له بالهداية وصدقيني هو بمرحلة مراهقة وصعبة هذي المرحلة في منهم يعديها بسلام وفي من تستمر معاه لين يوصل عمره 24 سنة
انتي اصبري وانتبهي لا تدعين عليه لان يمكن دعواتج عليه تصادف اوقات استجابة والله يستجيب وشوفي انتي المتأذية مع ابوه .

مافي حل غير انكم تحبسونه بالبيت وخلي ابوه يتكفل بكل شي مافي لادخله ولا طلعه مافي غير الروحة للمدرسة والمسجد بس و لازم ابوه يوديه ويجيبه للمدرسة لاتعطونه مجال يحتك بأحد ابد.ويروح يصلي مع ابوه ويرد لاتخلونه يروح لحاله.شدوا معاه لاتبينون له انكم محتارين بتصرفاته خلاص احزموا ولاعليكم منه مثل ماهو مصمم على الغلط انتوا صمموا انكم تعدلونه . او الفوا عليه قصة قولوا له ان بيت الجيران متوعدين فيك اذا شافوك عشان سالفة بنتهم
خوفوه وقولوا له اذا انت مو خايف قولوا حنا خايفين على سمعتنا .يعني وانتي عاد مثلي عليه وان شاء الله تجيب نتيجة.
والله يصبرج ويأجرج على بلواج ويهدي ولدج ويصلحه يارب .

استمر الوضع اللي احنا عليه وصار كل مايكبر تكبر بلاويه معه وانا وين اروح ياربي مجبوره اسايره واتحمله هذا نصيبي لكن صرت اخاف على اخوانه منهم واخاف يضرهم صرت اراقب الييت زين ولا انام الا لما هو ينام واصحا اذا هو صحا حتى لو مانتمت الا 5 دقايق

شوي شوي شدينا عليه في المصرف لانه صار يضحك علينا ويطلب فلوس ويشتري منها حاجات مدري وشي لكنها هلوسه ومسكر تخيلوا بهالعمر حتى صار عمره 18
وفي يوم لقيته مدخل ربعه واصدقاه البيت مو المجلس الا غرفة النوم فوق ,,

انا انهبلت وماصدقت عيوني لبست غطوتي ودخلت عليهم ولعنتهم وصرخت عليهم قلت لهم استحوا على وجيهكم داخلين محارم الناس في وسط بيتهم وعند غرف نومهم ماعندكم

نخوه ,,انا خلصت كلامي ماشفت قدامي الا ولدي قام مسك ايدي قال ابناديهم ثانيه تسوينها مره ثانيه اوريك وشسوي فيك

انا خلاص ماصرت أأمن حتى على نفسي قلت لابوه هذا لازم يبلغ
عنه خلاص ماينفع ختى اخوانه اخاف عليهم منه

قم الابو وهاوشني قال لي فيه احد يسجن وله انت بس ادعي له وبيهاديه الله
صرت اجتمع انا وبناتي في غرفه وحده وانام وياهم

الولد لما شاف اننا مسكنا عنه المصرف قام يسرق ويسرق من السيارات اللي في المواقف

بس عمري ماشفته مضيع ولا سكران الا كان كنه شيطان مافيه اقوى منه الا انه وفجأه دق التلفون وقالوا احنا مكافحة المخدرات والولد موجود عندنا خلوا ابوه يجي

صرت ارتجف واكتشفت اني احبه وأخاف عليه ونسيت كل اللي سوى لي وانحبس سنتين

وقلت الحمد لله أكيد أخذ درس وبيتأدب مع اني خلاص ماأقدر أتحمل بعدع عني يقطع قلبي واحزن عليه ليش انه توه صغير ورمى نفسه هالرميه

بس تصدقون الجيران بعد ظلموني وظلموا عيالي الباقين مع انهم الله مصلحهم ويصلون بس صاروا يمنعون عيالهم يمشون مع عيالي

ويجون يبكون ومقهورين لكن يمكن معاهم حق بس والله مررره حسيت انهم يذبحوني زياده لما يأذون عيالي ويتهمونهم بالخراب وكل واحد يسحب ولده من جنب ولدي وعيونه تقول فكنا انت واهلك من شركم

المهم طلع بعد السنتين طلع وهو يدور ربعه مادورنا احنا يعني انا قعدت أصيح مو معقول اي قلب شايله هالولد يعني احنا مصدر مبيت له ودفع فلوس بس
انا واالله لو ماشفته بعد الولاده على طول كان ماصدق ان هذا ولدي
ابكمل بس رجعت اصابعي توجعني الله لايبلانا

أختي العزيزة شكواي لله

اسمك الجميل هو الحل


الشكوى لله تعالى والتذلل على بابه والوقوف على بابه بانكسار وحسرة وتبرىء من الحول والقوة والأسباب .,

فإن شاء الله عزوجل هداه لك ولكن طبعا بأسباب تتخذينها او من غير اسباب لأن الله يهدي من يشاء والصلحة بلمحة

وإن شاء الله عزوجل لم يهده وبقي لا قدر الله سببا للإبتلاء
فهذا سيدنا نوح - عليه الصلا ةوالسلام - ابنه هلك في العذاب والطوفان مع انه رأى العذاب أمامه ....

سبحان الله

من المهم جدا تحديد الاشايء التي أدت إلى انحرافه
فمن الطبيعي أنه لم ينحرف بين يوم وليلة
بل لا بد من سلسلة من الأحداث كرفيق سوء وبيئة غير صالحة من جيران وعدم وجود متابعة في البيت او المدرسة وووو الخ من الأسباب .....

أيضا الفراغ له اثر كبير في المفسدة
وقد قال - صلى الله عليه وسلم- : نفسك إن لم تشغلها بالخير شغلتك بالشر

من الأسباب التي قد تحسنين بها من سلوك ابنك :

- ايجاد مربِِّ أو شيخ لكن في مقتبل العمر بحيث يمكنه التقارب من سن ابنك
بحيث يعتبره صديقا وليس أستاذا لأنه لن يقبل الاستاذ أو المعلم .....

وليبتدء الحوار معه بحديث الشباب الذي يهتمون به .......

مثلا الشباب يحبون الذهاب للمطاعم وربما السينما
فليفعلوا كل ذلك بغشراف المربي الجيد

مثلا ليأت لهم بفلم متزن ليس فيه مشاهد خلاعية يرضي شوقهم في هذا العمر لمشاهدة الأفلام ......

إن كانوا يحبون الذهاب للمنتزهات فليخرجوا بصحبته أيضا ....

لنجدد من علاقة المربي أو الشيخ بالطلاب

فليس كل الشباب يقبلون بالدرس في الجامع والصلاة وكذا

بل إنهم لا يحبون اصلا الذهاب إليه

- من الأسباب التي قد تحسن سلوك ابنك ايجاد وظيفة له مهمة أو طويلة وشاقة بحيث يفرغ طاقته وعاطفته ووقته فيها
فلا يجد للمعصية وقتا ...........

ركزي على ايجدا عمل مناسب له
فهذا كفيل بان يقلل اتصاله بامعاصي ورفاق السوء
وبالتالي يمكن القضاء على هذا الإتصالات مع الزمن

-----------------------------

لا بد أن هنالك أشياء كثيرة أيضا

لكن أهم شيء أن لا تفقدي الأمل في هدابته
فالله عزوجل يهدي من يشاء

وربما عزوجل جعله محل اختبار وفتنة لك ولزوجك وعائلتك لينظر ماذا تفعلين
أتصبرين وتجاخدين لتحسن حاله
أم تستلمين وتنهارين وتدعين عليه

لا تدعي عليه أبدا
فإنك ستحزين كثيرا فيما لو مات وعمله غير صالح

بل ادعي له بالهداية
واطلبي من الله عزوجل ان يلهمك مافيه الخير
أكثري من الدعاء :

ربنا هب لنا من ازواجنا وذرياتنا قرة أعين واجعلنا للمتقين إماما

لله يهدي ولدك وعيال المسلمين حرام عليكي تدعي عليه ادعيله بالصلاح وحاولي انك تسايرينه يعني لمن دخل اصحابه الغرفه مفروض ماكنتي تسوين كذا تصبرين الين مايطلعو وتكلميه على جنب وتقليله انت عندك اخوات لانه اصحابه بيكبرون راسه عليكي وهو في سن المراهقه وخليكي دايما معاه
والله مااقول الا الله يصبرك ويعينك ويهديه لك