بانتظار البقية :(

الله يهديه ان شالله

يمكن اكون شديت عليه في البدايه وكنت ابيه يصير عاقل بالطق مو بالنقاش لكن انا لما رحت طبيب نفسي اكلمه عن ولدي قال لي هو عنده ميول انحرافي لانه يعشق اي شي فيه اذيه له
وبالفعل المدرسه مثل ماقلت كانت منطقه سرطانيه قذره مانتبهنا الا لما فات الفوت

المهم الولد كنا نرجي انه يستهدي بس ظل زي ماهو وظل لما يهيج علينا يكسر اغراض البيت ,,ومره كان ابوه مو في البيت مسافر طلب مني فلوس ورفضت اعطيه قام يصارخ وانا اسمي عليه تخيلوا في اليل مايرحمني ويرحم ضعفي صار يكسر اللمبات وحده وحده وفصل اسلاك التلفونات واخذ الجوال مني والسياره ماكنت ابي الجاء لاحد ومابي زيادة فضايح اخذت البنات والعيال وطلعت في الحوش وارسلت الولد الصغير لاعمامه مع انهم بعيدين واحنا تالي الليل وصلحوا لي كل اللي خربه الله حسيب عليه

صار الولد يغيب باليوم واليومين واحيانا اسبوع فقرر ابوه يسوي له خيمة في الحوش على اساس يجتمع فيها الولد مع ربعه لان ابوه يقول اخال اخاف عيال الحرام يستغلونه خليه جدام عيونا احسن
سوى له الخيمه وياليته ماسواها صارت مجمع لمن هب ودب وصاروا يجيبون حتى فرشهم وينامون معنا وشيشه ودخان وخرابيط مدري وشتكون
وشكله مو طبيعي حتى كانت السيارات الفخمه تجتمع عند بابي يعني اتضح ان الولد يروج ويبيع لهم عشان يقدر يحصل على الفلوس ويستعمل لنفسه
سعني احترنا ان اعطيناه فلوس نكون سهلنا عليه وشرا هالخرابيط
وان ماعطيناه فلوس صار يروج وياخذ مقابلها هالسم
الابو صار يمهد لي ويقول لتتفاجأين لما ولد ياخذونه الشرطه
مالنا فيه حيله عساه الموت ماخلانا نرتاح ابد
ابكي عليه ساعه ولا اقعد طول عمري ووقتي متعرضه لرعب وخوف من الاحداث اساسا كل مادخل عليه
وشفته نايم قلت عساها بلا قومه وهو كان ينام احيانا يومين متصله وكنا نظنه ميت لانه يقفل على نفسه غرفته
لكنه يطلع لنا وهو يتصل على اصحابه يالله متى الجمعه
انا عرفت ان هالسم يخلي الواحد لما يتناوله ماله غيره على اهله والعنف سهل عليه
وارد اقول اني ماقد شفته بحاله مو طبيعيه الظاهر انكان يتعاطى على خفيف
المهم طوف يمكن 6 شهور بعد كذا لقينا الشرطه مطوقين بيتنا وداخلين على الخيمه ومسكوا كل الناس اللي فيها
التهمه ركبت وليدي وهي الترويج وربعه جلسوا يوم بس بالسجن لاتهم كانوا تعاطي بس
انا انقطع كل امل عندي بصلاحه وهو انحكم عليه5 سنين خلص 3 وباقي سنتين
لكن الغريب انه صار يحاول يتصل علينا وصوته انقلب غير شكل وصار يناديني صار يقول لي يمه بين كل كلمه والثانيه يقول خليني اطعم فيها من كثر مانحرمت منكم
ربعه اللي في السجن كلهم مجرمين وتهمهم قتل ولا زنا وترويج وجميع اللي يخطر على بالكم
قلت في نفسي هذا لو فيه يستهدي بيتاثر من هالمجرمين اللي عنده
يعني تخيلوا من عمره 18 ال 21 اكون بيتربى ويتطبع على طباعهم
صار يحلف لنا انه بيطلع ويعوض علينا وانه صار يصلي طبعا مااقدر ازوره لانهه ممنوع بس ابوه يروح له
كل ماطاف سته او 8 شهور يروح له
انا الحين شايله هم رجعته لاني ارتحت يوم انجن من القلق والخوف على عيالي وعليه هو نفسه بالرغم من اني ادعي له كل يوم ان الله يهديه وصار فيني ضيقة صدر وكتمه من كبر الموضوع وثقله علي
مدري كيف اتعامل معه اذا طلع وين احطه لانه راح يكون عمره 23 ولا نطرده ونفتك منه ونصرف عليه من بعيد
اصلا انا قبل مايسجن اتقرف منه ومن ريحته صار عفن وكريه ووجهه اسود من كثر الذنوب
ياربي ازعجتكم بس علموني كيف اتصرف مستقبلا والحين كيف استعيد ثقتي في الناس وانا كل ماشفت ولد في الشارع اقوم اناظره عدل واستنتج انه منحرف بس جذي لاني تليعت من ولدي,, وعيالي اخاف اغلط عليهم لان ولدي الكبير سوى لي عقده وقمت احقق معهم في الدخله والخرجه واتشمشم ريحتهم وهم من خيرة الشباب الحين بس القلق متسبعني تمام ومو مخلين ارتاح
منتظره مشورتكم وفي امان الله

نسيت اقول لكم انه لويطلع من السجن ويرجع يروج ثانيه يكون الحكم الاعدام
والفراغ مثل ماقالت شام لابد منه يعني وشلون خلاص صار عنده فراغ يروح يغضب الله وين الضمير ووين اله=خوف على السمعه
والوظيفه صار ياخذ راتبها ويلعب فيها هو وربعه حتى فصلوه العمل لانه ماكان يداوم
وعشان اصدقكم اكثر انا ماعدت اصلي قيام الليل مثل اول لاني صار لي مثل خيبة امل وان الله ماراح يستجيب لي ابدوما عدت ادعي مثل اول جذي غصب عني اقول لو الله بيهديه بيهديه من دونيوياما ناس اهلهم مافيهم خير وطلعوا عيالهم من احسن مايكون0
سامحوني بس شي في خاطري وفضفت لكم ريحوني الله يريح بالكم على عيالكم
وانا طول عمري علاقتي مع الناس زينه ومااعتقد اني ظلمت احد عشان تصير عقوبه مثل ماقريت في رد وحده من الخوات
ويمكن نكون دلعنا في البدايه بس مو دلع مبالغ فيه والمدرسه بطلها وهو اولى متوسط

انا الحين صرت مسبهه وانسى بشكل مرضي نسيان مو طبيعي والتلفون لو يدق حتى لو ماكان تلفوني وانا عند ناس انقز وارتاع
وعيالي المساكين ماصارو يروحون للعزايم والجمعات لان بعض الناس قليلين حيا يسالونهم عن اخوهم كان ملعيالي مشاعر ولا احساس يعني من يرضى يتكلم عن اخوه وفعايله بس مدري وشلون بعض الناس اخلاقهم معدومه ومايدرون انهم الولد يرجع للبيت ونفسيته مدمره ومكسوره وكرهوا اخوهم موت ومايواطنون سيرته ليش انه الناس ماترحم ومايعرفن انه ماتزر وازرة وزرة اخرى
وماعندي كلام اهدي فيه العيال مدري وشاقولهم وشلون يتصرفون مع الناس في هالحاله

اسال الله ان يعينك ويصبرك
ولاتقنطوا من رحمةالله
ليش تركتي الدعاء
الرسول يقول ادعواالله وانتم موقنون بالاجابه
يعني ربي راح يستجيب لك عاجلاام اجلا
وانشاللله ربي هداه دامك تقولين انه تغير
وبعدين التائب من الذنب كمن لاذنب له
اذاطلع الافضل انك تحتوينه وماتتركينه يسكن لوحده يمكن يرجع للي كان عليه
اذاطلع سكنوه معكم وخلوه يبدامن جديدولاتعاتبينه على اللي سواه
والله يصلحه ويهديه ويكفيه شرعيال الحرام

والله انك عورتي قلبي بكلامك وتأثرت حيل وبكيت، الله لايطول عليك في مصيبتك ويفرج همك عاجلا غير آجل ويهديه ويصلحه لنفسه.بس والله عورتي قلبي وانتي تدعين عليه.ترى الظنى غالي مايجوز يااختي.صحيح انك ماتنلامين اللي جالك منه مو قليل.بس مالك غير الدعاء والله معك ان شاءالله