ولدي أكلمه كني جدار !!!

السلام عليكم ...
معليش بنااات ولدي الكبير عمره 4 سنوات بالضبط وتحته اخوه عمره سنه ونص وتوني طالعه من النفاس ببنتي .. بس من جبت بنتي والولد منقلب 180 درجة تعبببت معه مررره هاللحين علما اني انا طووويلة بااال ع الصغار وماأحب الصراخ ابدا واذا بعاقب أحرمه لما يتأسف وصار اول ماأقوله بعاقبك يقول ماما اسف ويسسسحب علي كأنه ماتأسف ..
باختصااار:
أنتكس يسوي بولة ع نفسه ويجي يعلمني يقولي ماما فيه ريحه وانا ماأهاوشه بس اكلمه انه هذي قذاره وكذا وانك تصير نونو واذا مرره أتشت معي قلت له خلاص بلبسك حفاظه مثل أخوك ويقعد يصايح لا خلاص مابي ..
وشي ثاني واللي قاااهرني مايهاااب أحد ابدا يعني اخوي الكبير يكلمه يكلمه وهو بدون أي إجااابه ويرتفع ضغطه من هالنتفه واذا رد قال وش تبي ؟؟ تخيلو .. انا والله اتفشل ..

اكلمه .. أهاوشه ... عاااادي عنده جدا ...أقرب من عنده وانا أهاوش حتئ مايلتفت يستمر يتفرج بالايباد والا مطنش وكني جدار عنده .
.
اذا جيت بطلع وبغير ملابسه لاااازم ينطط ويسوي اكشنات مااايركد ابدا حتئ الشغاله ملت معي ومره اتركه ماألبسه الا اخر واحد وهو ماهمه ومره احرمه من الروحه ويقعد يصيييييح لما يحاول يستفرغ ونفس الشي ماينفع فيه مره ثانيه..

قهرني يسوي اشياء غلط غلط وانا اداريه عشان اخوانه مابيه يغار او احسسه بس مافيه اي فايده ..

تكفووووون الله يسعدكم فيدوني لاني احس لاأحسنت بتربيته اخوانه اكيييد بيتبعونه وبرتاح عقب...
ولكم خااالص ودي حبيباتي ..
������